Makuˊ 6:2 - Plang (Blang)

² Yam rot a seunyi Sinˊ naˊ, Eun sangsawnˊ nang saˊla vang hk'oˊ munˊ naˊ. Peue pun ri mhawngˊ a naˊ ce amˊ nyawkˊ. Ce lahˊ, “Peue awnˊ Eun ciˊ pun kuˊ yeuhkiˊ naˊ neum tawngnhawˊ? Cuˊyi pun Eun naˊ a ciˊ meuh cuˊyi yeuh saˊnhawˊ, a cang yeuh a rot ti kuˊ hk'oˊamˊ?

Makuˊ 6:2 ပူးပေါင်းရင်းမြစ်များ

Mahtae 4:23

Yesuˊ Eun heulˊ nang kuingˊ Galilaeˊ naˊ hk'awpˊ. Eun sangsawnˊ nang saˊla vang hk'oˊ munˊ ce naˊ. Eun sangsawnˊ leukahˊ munˊ renˊkawn lawng kuingˊ Eun Peucawoˊ naˊ. Eun baiˊ peuyhat ku ceu ce peue naˊ cuin.

Mahtae 7:28

Yam Yesuˊ hawcˊ Eun lahˊ ri ceu nang aenˊ ce naˊ, peue naˊ ce amˊ nyawkˊ ri kuˊ sangsawnˊ Eun naˊ.

Makuˊ 1:39

Kop awnˊ na, Eun heulˊ nang kuingˊ Galilaeˊ naˊ hk'awpˊ. Eun sangsawnˊ nang saˊla vang hk'oˊ munˊ ce naˊ. Eun ra ri tec seucaˊ heunˊ tuˊ naˊ.

Makuˊ 10:1

Yesuˊ Eun pucti neum tehˊ naˊ, Eun heulˊ nang kuingˊ Yuˊda. Hawcˊ koˊ, Eun tang klongˊ Yawˊdan naˊ heulˊ hk'aˊtehˊ. Peue cum heunˊ naˊ ce cu ri ingˊ ri Heun. Eun ku sangsawnˊ ce seunˊ kuˊ tawn yeuh ri naˊ.

Luˊka 2:47

Peue pun ri mhawngˊ kuˊ lahˊ Eun naˊ ku peue, ce amˊ ri topˊ Eun na maeeˊ hengˊ yawng ri.

Luˊka 4:15

Eun sangsawnˊ nang saˊla vang hk'oˊ munˊ ce naˊ heunˊ duihˊ. Peue sukˊseunˊ Eun gawmˊeucˊ ri.

Yoˊhan 6:42

Ce lahˊ, “Peue aenˊ meuh Eun Yesuˊ konˊ eun Yoˊsaep naˊ Eun, unˊ meuh ka aw? Eˊ ku yawng makuiingˊ Eun ka. Eun ciˊ kaw cang lahˊ, ‘Lih Uiˊ neum kuingˊ pang maoˊ’ naˊ yeuh saˊnhawˊ?”

Yoˊhan 7:15

Peue Yuˊda naˊ ce amˊ, ce mhaingˊ puri, “Hkawnˊ Eun ciˊ naˊ pun cuˊyi awnˊ a yeuh saˊnhawˊ, Eun hkuinˊ duing rin htawm?”