Makuˊ 13:3 - Plang (Blang)

³ Yam Yesuˊ mokˊ Eun pang gong Sanlon vang toˊtat ka nya hk'oˊ munˊ keuting naˊ, Petruˊ, Yakopˊ, Yoˊhan maeeˊ Andre ce ingˊ mhaingˊ koe Eun,

Makuˊ 13:3 ပူးပေါင်းရင်းမြစ်များ

Mahtae 13:10

Hawcˊ koˊ, tapaeˊ Eun naˊ ce ingˊ lahˊ a ri Heun, “A ciˊ meuh kop keunhawˊ Mi vaeeˊ lahˊ leukahˊ leupongˊ ri peue aenˊ ce?”

Mahtae 13:36

Hawcˊ awnˊ na, Yesuˊ Eun gahˊ hk'aiˊ peue cum heunˊ naˊ ce. Eun ingˊ lec hk'aˊnaee nya naˊ. Tapaeˊ Eun naˊ ce ingˊ mhaingˊ Eun, “Hk'oˊ Mi lahˊ ye mhawngˊ vangdohˊ ka leukahˊ leupongˊ lawng puinˊ vangˊ ri vang puinˊ nghoˊ naˊ.”

Mahtae 17:1

Hawcˊ ka les seunyi naˊ, Yesuˊ Eun va Petruˊ, Yakopˊ maeeˊ Yoˊhan awngˊ eun Yakopˊ naˊ ce hukˊ pang gong lhungˊ vang cang utˊ koe ce ri ka naˊ.

Mahtae 21:1

Yam hukˊ rot ce keunam veng Yeruˊsalaem nang yungˊ Bethpageˊ pang gong Sanlon naˊ, Yesuˊ Eun cusˊ tapaeˊ lalˊ peue naˊ ka heulˊ.

Mahtae 24:3

Yam Yesuˊ mokˊ Eun pang gong Sanlon naˊ, tapaeˊ naˊ ce ingˊ mhaingˊ koe Eun, “Hk'oˊ Mi lahˊ ye mhawngˊ a, ceu nang titˊ ce a ciˊ kaw keutˊ meuh yamnhawˊ? Kaw Mi tang lih naˊ maeeˊ kaw a hk'awsˊ rot yam tisutˊ naˊ, a ciˊ kaw kueˊ hetˊ keunhawˊ?”

Makuˊ 10:35

Yam awnˊ na, Yakopˊ maeeˊ Yoˊhan kuˊ meuh konˊ me eun Yebedaeˊ naˊ ka ingˊ lahˊ a ri Yesuˊ Eun, “Seuraˊ, seunˊ kuˊ hk'oˊ ya ti ri ceu naˊ sumˊ kah ya Mi yeuh a.”

Makuˊ 13:4

“Hk'oˊ Mi lahˊ ye mhawngˊ a, ceu nang titˊ ce a ciˊ kaw keutˊ meuh yamnhawˊ? Punta kaw eˊ yawng yam awnˊ kaw a hk'awsˊ meuh naˊ, a ciˊ kaw kueˊ hetˊ keunhawˊ?”

Makuˊ 14:33

Eun va Petruˊ, Yakopˊ maeeˊ Yoˊhan ce heulˊ maeeˊ ti. Eun hpumˊ lu kuit nyhapˊ nyawkˊ.

Makuˊ 4:34

Eun lahˊ yawo leukahˊ leupongˊ naˊ ri ce palkoe. Daecti yam utˊ Eun maeeˊ tapaeˊ ri naˊ ce koe naˊ, Eun ris ce mhawngˊ vangdohˊ ka naˊ gawmˊeucˊ ka.

Makuˊ 5:37

A lawn unˊ meuh Petruˊ, Yakopˊ maeeˊ Yoˊhan awngˊ eun Yakopˊ titˊ ce koˊ, Eun unˊ kah kuˊ seubu naˊ ce hotˊ ri heulˊ saecˊ ti peue.

Makuˊ 9:2

Hawcˊ ka les seunyi naˊ, Yesuˊ Eun va Petruˊ, Yakopˊ maeeˊ Yoˊhan ce hukˊ pang gong lhungˊ vang cang utˊ koe ce ri ka naˊ. Yam awnˊ na, ruprang Eun naˊ a plinˊ ri nanggalˊ ce naˊ.