Mahtae 17:17 - Plang (Blang)

¹⁷ Yesuˊ Eun topˊ a, “Ahˊ, peue unˊ kueˊ hk'aˊ yumˊ cang lhoˊlheˊ cu aenˊ peˊ, Uiˊ ciˊ kawnˊ kaw utˊ lingˊ maeeˊ peˊ aˊneng? Uiˊ ciˊ kawnˊ kaw yeunˊhkam pun peˊ aˊneng? Va konˊ nyom naˊ eun ingˊ maenˊ reuˊ.”

Mahtae 17:17 ပူးပေါင်းရင်းမြစ်များ

Mahtae 13:58

Kopti unˊ kueˊ ce hk'aˊ yumˊ naˊ, Eun hkuinˊ laee yeuh kuˊ hk'oˊamˊ naˊ heunˊ mawnˊ.

Mahtae 16:8

Kopti Yesuˊ yawng Eun kuˊ lahˊ ce ri puri naˊ, Eun mhaingˊ ce, “Peue kueˊ hk'aˊ yumˊ leng naˊ peˊ, a ciˊ meuh kop keunhawˊ peˊ vaeeˊ lahˊ puri mhawngˊ lawng unˊ kueˊ ri hkawomunˊ naˊ?

Mahtae 17:16

Uiˊ va eun heulˊ ri tapaeˊ Mi naˊ ce, daecti ce baiˊ eun ce hkuinˊ pun eun cuin.”

Mahtae 17:18

Hawcˊ koˊ, Yesuˊ Eun isˊ seucaˊ rai naˊ. A ku pucti heulˊ hk'aiˊ konˊ nyom me awnˊ eun. Konˊ nyom awnˊ eun keulawnˊ cuin.

Mahtae 6:30

Seunˊ rip aˊyu imˊ seunyaenˊ a kaw dum ri nang ngawl peunsaˊ naˊ, Peucawoˊ yongˊ Eun a htanˊ awnˊ na. Peue kueˊ hk'aˊ yumˊ leng naˊ peˊ, Peucawoˊ kaw Eun unˊ yongˊ peˊ lheuˊ awnˊ a aw?

Mahtae 8:26

Yesuˊ Eun lahˊ a ri ce, “Peue kueˊ hk'aˊ yumˊ leng naˊ peˊ, a ciˊ meuh kop keunhawˊ peˊ vaeeˊ lhatˊ nyawkˊ?” Hawcˊ koˊ, Eun kuhˊ haeˊ guilˊ naˊ maeeˊ ba leuumˊ naˊ. A ku keulawnˊ ditˊti yenˊ.

Makuˊ 16:14

Hawcˊ awnˊ na, Yesuˊ Eun tuilˊ tapaeˊ kulˊti peue ri naˊ ce nyu tuˊ ri naˊ yam buih somˊ ce naˊ. Eun isˊ ce kopti unˊ kueˊ ce hk'aˊ yumˊ, maeeˊ kopti lheuˊ ce leukahˊ ce unˊ yumˊ kuˊ lahˊ ce peue pun ri nyu Eun hawcˊ tang kuhˊ imˊ Eun naˊ.

Makuˊ 9:19

Yesuˊ Eun topˊ a, “Ahˊ, peue unˊ kueˊ hk'aˊ yumˊ cu aenˊ peˊ, Uiˊ ciˊ kawnˊ kaw utˊ lingˊ maeeˊ peˊ aˊneng? Uiˊ ciˊ kawnˊ kaw yeunˊhkam pun peˊ aˊneng? Va konˊ nyom naˊ eun ingˊ ri Uiˊ reuˊ.”

Luˊka 24:25

Yesuˊ Eun lahˊ a ri ka, “Peue ngaˊ aenˊ paˊ, saecˊ hpumˊ paˊ naˊ a ku yak yumˊ leukahˊ lahˊ ce peue suip leukahˊ Eun Peucawoˊ naˊ gawmˊeucˊ ka.

Luˊka 9:41

Yesuˊ Eun lahˊ, “Peue unˊ kueˊ hk'aˊ yumˊ cu aenˊ peˊ, Uiˊ ciˊ kawnˊ kaw utˊ lingˊ maeeˊ peˊ aˊneng? Uiˊ ciˊ kawnˊ kaw yeunˊhkam pun peˊ aˊneng? Va konˊ mi naˊ eun ingˊ maenˊ reuˊ.”

Yoˊhan 20:27

Hawcˊ koˊ, Eun lahˊ a ri Htoˊmasˊ eun, “Nyatˊ geunˊ tiˊ mi naˊ maenˊ, keueˊ ri dak tiˊ Uiˊ naˊ, ti tiˊ mi naˊ cukˊ ri nawk hk'aˊ seuangˊ hk'ukˊ Uiˊ naˊ reuˊ. Pawlaee kangkae, yumˊ reuˊ.”

Peue caee 13:18

Eun yeunˊhkam kuˊ yeuh ce naˊ nang vang hk'ohˊhk'oengˊ naˊ rot punˊkulˊ neum.

Peue caee 2:40

Petruˊ eun deunˊ sati ce rengreng ri leukahˊ seubu heunˊ ceu. Eun lahˊ, “Roksaˊ tuˊ peˊ naˊ yeuh ri pon peue rai cat aenˊ ce reuˊ.”

2 Kawˊrinhtuˊ 11:1

Uiˊ sumˊ hk'oˊ peˊ yeunˊhkam ri leuceng hk'aˊ ngaˊ suisa uiˊ naˊ. Daecti neumneum ka naˊ koˊ, peˊ ku buih leuceng a hawcˊ.