Luˊka 9:45 - Plang (Blang)

⁴⁵ Daecti ce unˊ cengˊ ri leukahˊ awnˊ na, kopti punta kaw ce unˊ cengˊ ri leukahˊ naˊ, a lahˊ geupˊ ri ri ce. Daecti ce unˊ hatˊ ri mhaingˊ Eun ri lawng ka naˊ.

Luˊka 9:45 ပူးပေါင်းရင်းမြစ်များ

Mahtae 16:22

Petruˊ eun yat Yesuˊ Eun heulˊ hk'aˊ ti plakˊ naˊ, eun isˊ Yesuˊ Eun, “Cawoˊ, caˊ kaw a duing meuh. Kuˊ yeuh keutitˊ naˊ hpaw a caˊ kaw duing meuh ri Mi.”

Mahtae 17:22

Yam utˊ ce tiduihˊ nang kuingˊ Galilaeˊ naˊ, Yesuˊ Eun lahˊ a ri tapaeˊ ri naˊ ce, “Konˊ aiˊ peue naˊ kaw Eun pun ri hkamˊ hk'aˊ fuin ap peue ri nang tiˊ peue.

Makuˊ 9:10

Ce uinˊ lawng aenˊ na hk'aˊnaee hpumˊ ri naˊ. Ce mhaingˊ puri ri vangdohˊ ka lawng “tang kuhˊ imˊ hk'aiˊ vang yeum” naˊ.

Makuˊ 9:32

Daecti ce saecˊ unˊ cengˊ ri vangdohˊ ka kuˊ sumˊ lahˊ Eun naˊ, ce kaw mhaingˊ Eun ce lhatˊ.

Luˊka 18:34

Tapaeˊ naˊ ce leuceng unˊ pun lawng aenˊ na saecˊ peunaeˊ. Vangdohˊ ka leukahˊ awnˊ na, a geupˊ ri ce. Ce unˊ yawng Yesuˊ buih lahˊ Eun lawng keunhawˊ.

Luˊka 2:50

Daecti makuiingˊ Eun ka unˊ dohˊ ri kuˊ lahˊ Eun naˊ.

Luˊka 9:46

Tapaeˊ naˊ htuˊhtingˊ ce puri kop lawng aˊnhawˊ ciˊ kaw keuting hk'aiˊ peue.

Yoˊhan 12:16

Nanggalˊ aenˊ na, tapaeˊ naˊ ce hkuinˊ nang leuceng pun lawng aenˊ ce gawmˊeucˊ ka. Daecti hawcˊ ka yam Yesuˊ pun Eun ri rap ri ti munhpungˊ ri naˊ, ce tawlˊ kuit rot ri lawng aenˊ toˊ a ri ri Heun a pun ri temˊ ri uinˊ ri, ce ku yeuh seunˊ awnˊ a. Ce tuilˊ munhpungˊ Eun yeut.

Yoˊhan 12:34

Peue cum heunˊ naˊ ce lahˊ, “Pun ye ri yawng hk'aˊnaee htawm leukahˊ ritroe naˊ lahˊ ka, Hkrit Eun kaw aˊyu imˊ cotˊcu. A ciˊ yeuh keunhawˊ, Mi vaeeˊ lahˊ Konˊ aiˊ peue Eun kaw pun ri rap ri ti hk'aˊ yuk ri hukˊ naˊ? Aˊnhawˊ ciˊ meuh Konˊ aiˊ peue titˊ Eun?”

Yoˊhan 14:5

Htoˊmasˊ eun lahˊ, “Cawoˊ, Mi ciˊ kaw hukˊ tawngnhawˊ naˊ, ye hkuinˊ yawng a. Ye ciˊ kaw cang yawng hk'aˊ awnˊ na yeuh saˊnhawˊ?”

Yoˊhan 4:33

Tapaeˊ naˊ ce mhaingˊ puri, “Ti ri peue naˊ eun ingˊ tuilˊ Eun hk'a kuˊ hk'a hawcˊ aw?”