Luˊka 9:32 - Plang (Blang)

³² Petruˊ eun maeeˊ aˊmawo eun naˊ ka, ce itˊ jingˊ nyawkˊ. Daecti yam tang hk'awnˊ ce meulamlam ri naˊ, ce pun ri nyu munhpungˊ Eun Yesuˊ naˊ maeeˊ peue cawng keunam Eun lalˊ peue naˊ ka.

Luˊka 9:32 ပူးပေါင်းရင်းမြစ်များ

Makuˊ 14:40

Yam tang ingˊ rot Eun baee naˊ, Eun pun ri nyu kawnˊ meung ce itˊ nyum ri kopti unˊ sumˊ plangˊ ce ngaiˊ ri naˊ. Ce hkuinˊ laee yawng kaw ri lahˊ keunhawˊ ri Heun.

Yoˊhan 1:14

Leukahˊ awnˊ keutˊ a ri meuh nhamˊ keune. A lih utˊ hk'aˊnaee eˊ. Eˊ pun ri nyu munhpungˊ Eun naˊ, a meuh munhpungˊ Eun Konˊ aiˊ ti peue koe kuˊ lih neum Aˊkuiingˊ Eun naˊ. Eun htonnuk ri munˊ sinˊ maeeˊ kuˊ neumneum naˊ.

Yoˊhan 17:24

Aˊkuiingˊ, Uiˊ sumˊ kah peue tuilˊ Mi ri Uiˊ naˊ ce utˊ maeeˊ ti vang utˊ Uiˊ naˊ maeeˊ sumˊ kah ce nyu munhpungˊ Uiˊ kuˊ tuilˊ Mi ri Uiˊ naˊ kopti leumeusˊ Mi Uiˊ tangˊ neum nanggalˊ ka yam unˊ nang hpanplengˊ Mi bhenˊ keuteˊ naˊ

2 Petruˊ 1:16

Yam lahˊ ye peˊ mhawngˊ lawng tiˊca Eun Cawoˊ eˊ Yesuˊ Hkrit naˊ maeeˊ lawng kaw Eun tang lih naˊ, ye hkuinˊ yeng ri seukawp ri lahˊ yeuh a pucti lih. Daecti meuh ye saˊhkiˊ nang pun ri nyu munhpungˊ keuting Eun naˊ ri ngaiˊ ri naˊ.

1 Yoˊhan 3:2

Aˊmawo leumeusˊ uiˊ naˊ peˊ, maetˊmaenˊ meuh eˊ konˊhk'i Eun Peucawoˊ hawcˊ. Hk'aˊ nanggalˊ ka naˊ eˊ ciˊ kaw yeuh saˊnhawˊ naˊ, eˊ hkuinˊ yawng a. Daecti kuˊ yawng eˊ naˊ yam tang puc Eun ri lih naˊ, eˊ kaw seunˊ Heun ri. Kopti Eun lawn yeuh saˊnhawˊ koˊ, eˊ kaw nyu Eun yeuh saˊawnˊ.