Luˊka 7:41 - Plang (Blang)

⁴¹ Yesuˊ Eun lahˊ, “Kueˊ a peue lalˊ peue. Ka ma leumuil ri cawoˊ leumuil naˊ eun. Kuˊ ti peue naˊ eun ma hpawnˊpakˊ htaepˊ. Nang ti peue naˊ eun ma hpawnˊkulˊ htaepˊ.

Luˊka 7:41 ပူးပေါင်းရင်းမြစ်များ

Mahtae 18:28

Daecti yam mhaiˊ awnˊ puc eun ri heulˊ hk'aiˊ mawnˊ naˊ eun pun ri nyu mhaiˊ pu eun kuˊ seubu kuˊ kueˊ kuˊma tipakˊ htaepˊ ri ti naˊ eun naˊ, eun yat ri metˊ ri ruiˊrahˊ ngok eun naˊ eun lahˊ, ‘Saiˊ kuˊma mi ri uiˊ naˊ vaeevaee reuˊ.’

Mahtae 6:12

Seunˊ ploeˊ ye mapˊ ce peue yeuh kuˊ kleucˊ ri ye naˊ ce, hk'oˊ Mi ploeˊ mapˊ ye naˊ yeut.

Makuˊ 6:37

Daecti Eun topˊ a, “Peˊ ri tuilˊ ce somˊ reuˊ.” Tapaeˊ eun naˊ ce lahˊ, “Kaw eˊ ti paec leualˊpakˊ htaepˊ eˊ naˊ heulˊ leuvaee ri tuilˊ ce hk'a kuˊ hk'a aw?”

Luˊka 11:4

Ploeˊ mapˊ ye naˊ, kopti ye ku ploeˊ mapˊ ce peue yeuh kuˊ kleucˊ ri ye naˊ ce ku peue. Pawlaee va ye lec hk'aˊnaee hk'aˊ copˊlong naˊ.’ ”

Luˊka 12:48

Daecti mhaiˊ unˊ yawng caw ri yeuh kuˊ kleucˊ htukˊ ri hkamˊ hk'aˊ taˊfaetˊ naˊ eun koˊ, kaw eun pun ri hkamˊ hk'aˊ taˊfaetˊ naˊ leng. Kuˊ pun beus heunˊ naˊ, Peucawoˊ Eun kaw keutuiˊ hpumˊ eun heunˊ. Peue pun ri rap ri ti kuˊ ap ri tuilˊ heunˊ naˊ eun, Peucawoˊ Eun jaen gawm kaw keutuiˊ hpumˊ eun heunˊ.

Luˊka 13:4

Aˊkoˊ, peue kulˊseudiˊ peue kuˊ nya lhungˊ nang yungˊ Siloˊam naˊ cungˊkus geutˊ a ce yeum naˊ. Peˊ hteumˊ tut ce naˊ heunˊ hk'aiˊ peue utˊ nang veng Yeruˊsalaem gawmˊeucˊ naˊ ce aw?

Luˊka 7:40

Yesuˊ Eun lahˊ a ri heun, “Siˊmon, kueˊ Uiˊ kuˊ kaw lahˊ ri mi.” Siˊmon eun lahˊ, “Seuraˊ, lahˊ a reuˊ.”

Luˊka 7:47

Kop awnˊ na, Uiˊ kaw lahˊ a ri mi. Kopti pun eun ri pon mapˊ ri heunˊ naˊ, eun yeuh hk'aˊ leumeusˊkeus ri heunˊ naˊ lih. Kuˊ pun ri pon mapˊ leng naˊ, eun leumeusˊ leng yeut.”

Roˊma 3:23

kopti yeuh peue mapˊ naˊ ku peue, peue hk'uicˊ hk'aiˊ munhpungˊ Eun Peucawoˊ naˊ.

Roˊma 5:20

Punta kuˊ kleucˊ naˊ kaw a gawm kueˊ heunˊ naˊ, leukahˊ ritroe naˊ a baee a. Daecti tawngnhawˊ naˊ a lawn gawm kueˊ mapˊ naˊ heunˊ koˊ, munˊ naˊ a ku kaw jaen gawm kueˊ lheuˊ awnˊ na.