Luˊka 7:37 - Plang (Blang)

³⁷ Nang veng awnˊ, a kueˊ beunˊ tawn yeuh kuˊ rai ti peue. Yam pun eun ri yawng Yesuˊ mokˊ Eun ri somˊ nang nya eun peue Hparisaeˊ naˊ, eun ti lamawn homˊ seueˊ ri nang kongˊ seumu naˊ ingˊ ri Heun.

Luˊka 7:37 ပူးပေါင်းရင်းမြစ်များ

Mahtae 21:31

Konˊ me lalˊ peue awnˊ ka nangnhawˊ eun ciˊ hotˊ ri yeuh alo eun kuiingˊ ri naˊ?” Ce topˊ a, “Meuh a nang ecˊ naˊ eun.” Yesuˊ Eun lahˊ, “Uiˊ lahˊ a ri peˊ neumneum, peue cepˊ hkawnˊ maeeˊ beunˊ paingˊ tuˊ ri naˊ kaw ce va puri heulˊ lec nang kuingˊ Eun Peucawoˊ naˊ nanggalˊ peˊ.

Luˊka 18:13

Daecti peue cepˊ hkawnˊ naˊ eun cawng vang seungai naˊ. Saecˊ meuh maoˊ naˊ eun unˊ hatˊ ti mungˊ a, daecti eun nuˊ nukˊ ri naˊ lahˊ, ‘Oˊ, Peucawoˊ, hk'oˊ Mi tukyak ri meuh uiˊ peue mapˊ keuting.’

Luˊka 19:7

Yam peue heunˊ naˊ pun ce ri nyu a naˊ, ce meunuiˊmeunuiˊ lahˊ, “Eun vaeeˊ heulˊ meuh checˊ peue mapˊ.”

Luˊka 5:30

Peue Hparisaeˊ maeeˊ peue guil leukahˊ ritroe naˊ ce tawk tapaeˊ Eun Yesuˊ naˊ ce. Ce lahˊ, “A ciˊ meuh kop keunhawˊ, peˊ vaeeˊ mokˊ ri somˊ maeeˊ peue cepˊ hkawnˊ maeeˊ peue mapˊ naˊ ce?”

Luˊka 5:32

Hpaw Uiˊ caˊ lih kopti punta kaw Uiˊ klawng ri ti peue leupaws seumeuˊ naˊ ce, daecti punta peue mapˊ naˊ kaw ce tawsˊ hpumˊ fuin mapˊ ri naˊ, Uiˊ lih.”

Luˊka 7:34

Konˊ aiˊ peue naˊ lih Eun, Eun hk'asomˊ naˊ, peˊ lahˊ, ‘Eun meuh peue hk'a pon hk'a lheuˊ, nyui leuumˊ pliˊ bui pon lheuˊ, maeeˊ meuh aˊmawo peue cepˊ hkawnˊ maeeˊ peue mapˊ naˊ ce.’

Luˊka 7:36

Peue Hparisaeˊ naˊ klawng eun Yesuˊ Eun ingˊ somˊ pul maeeˊ ti. Yesuˊ Eun ku ingˊ lec nang nya eun peue Hparisaeˊ naˊ. Eun mokˊ ri teul ri keunam hpuinˊ naˊ.

Yoˊhan 11:2

Mariˊ aenˊ eun meuh beunˊ kuˊ pok lamawn homˊ ri Yesuˊ Eun, hawcˊ koˊ, eun otˊ cung Eun naˊ ri huikˊ ri naˊ eun. Lasaruˊ awngˊ eun naˊ eun buih peuyhat.

Yoˊhan 9:24

Kop awnˊ na, ce tang klawng peue tawn ngaiˊ fecˊ naˊ eun ingˊ baee lalˊ pok ti pok. Ce lahˊ, “Tuilˊ munhpungˊ ri Peucawoˊ Eun ri lahˊ mi kuˊ neumneum naˊ reuˊ. Yawng ye peue awnˊ meuh Eun peue mapˊ.”

Yoˊhan 9:31

Yawng eˊ Peucawoˊ unˊ leuceng Eun leukahˊ ce peue mapˊ naˊ. Eun leuceng leukahˊ ce peue aˊyu imˊ hk'aˊnaee hk'aˊ Eun naˊ maeeˊ peue hotˊ ri yeuh alo Eun naˊ ce.

Roˊma 5:8

Daecti Peucawoˊ tuhˊ Eun eˊ nyu hk'aˊ leumeusˊkeus meun ri naˊ ri cusˊ Eun Hkrit Eun lih yeum pun eˊ yam kawnˊ buih meuh eˊ peue mapˊ naˊ.

1 Tiˊmoˊse 1:15

Punta Yesuˊ Hkrit kaw Eun teumˊkawm htut peue mapˊ naˊ peue lawtpon naˊ, Eun lih pang bhenˊ keuteˊ naˊ. Leukahˊ aenˊ a meuh leukahˊ hk'oˊyumˊ nyawkˊ, htukˊ ri unˊ laee kangkae rap ri ti a. Hk'aˊnaee peue mapˊ naˊ ce gawmˊeucˊ, meuh uiˊ peue mapˊ keuting hk'aiˊ ce.

1 Tiˊmoˊse 1:9

Eˊ jaen yawng leukahˊ ritroe naˊ unˊ tangˊ a ri uinˊ ri pun ce peue leupaws seumeuˊ naˊ, daecti tangˊ a ri uinˊ ri pun peue unˊ hotˊ ritroe, pun peue kleucˊ ritroe, pun peue unˊ yawng Peucawoˊ Eun, pun peue mapˊ, pun peue unˊ seungaˊ chakˊ, pun peue unˊ kueˊ satsana, pun peue toh makuiingˊ ri, pun peue toh peue,

1 Petruˊ 4:18

“Peue leupaws seumeuˊ naˊ kaw ce pun hk'aˊ htut lawtpon naˊ a lawn nyhapˊ koˊ, peue unˊ leupaws seumeuˊ naˊ maeeˊ peue mapˊ naˊ a ciˊ naˊ yeuh saˊnhawˊ ri ce?”