Luˊka 7:29 - Plang (Blang)

²⁹ Yam peue gawmˊeucˊ maeeˊ peue cepˊ hkawnˊ naˊ pun ce ri mhawngˊ a naˊ, ce lahˊ kuˊ yeuh Eun Peucawoˊ naˊ seumeuˊ cawpˊ nyawkˊ ka. Kopti meuh ce peue rap ri ti hk'aˊ cumˊ ri Yoˊhan eun naˊ.

Luˊka 7:29 ပူးပေါင်းရင်းမြစ်များ

Mahtae 5:46

Peˊ lawn leumeusˊ yawo peue kuˊ hk'oˊ ce leumeusˊ peˊ naˊ ce palkoe koˊ, peˊ ciˊ kaw pun lapsawngˊ keunhawˊ? Saecˊ meuh peue cepˊ hkawnˊ naˊ ce ku yeuh keutitˊ yeut, unˊ meuh ka aw?

Luˊka 20:6

Daecti eˊ lawn topˊ lih a neum peue koˊ, peue heunˊ naˊ ce ku kaw cang dhimˊ eˊ ri seumu. Kopti yumˊ ce Yoˊhan meuh eun peue suip leukahˊ Eun Peucawoˊ naˊ.”

Luˊka 3:12

Saecˊ meuh peue cepˊ hkawnˊ naˊ ce ku ingˊ hk'oˊ ri rap ri ti hk'aˊ cumˊ ri heun yeut. Ce mhaingˊ eun, “Seuraˊ, ye ciˊ naˊ htukˊ ri yeuh saˊnhawˊ?”

Luˊka 7:28

Uiˊ lahˊ a ri peˊ, ‘Peue keutˊ lih neum beunˊ naˊ a hkuinˊ laee kueˊ nang keuting hk'aiˊ Yoˊhan eun saecˊ ti peue. Daecti peue aetˊ hk'aiˊ peue nang Kuingˊ Eun Peucawoˊ naˊ eun kawnˊ keuting hk'aiˊ Yoˊhan eun.’ ”

Luˊka 7:35

Daecti punta peuyhaˊ cuˊyi Eun Peucawoˊ naˊ cawpˊ ka naˊ, peue rap ri ti peuyhaˊ cuˊyi Eun naˊ ce tuhˊ a hawcˊ.”

Peue caee 18:25

Eun tawn rin hk'aˊnaee hk'aˊ Eun Peucawoˊ naˊ. Eun leukahˊ maeeˊ hpumˊ hukˊ ri. Eun saecˊ yawng yawo pal hk'aˊ cumˊ sangsawnˊ eun Yoˊhan naˊ ti ceu koe, daecti eun sangsawnˊ lawng Eun Yesuˊ naˊ cawpˊmaen.

Peue caee 19:3

Kop awnˊ na, Pawˊlu eun tang mhaingˊ ce, “Yeuh keutitˊ koˊ, peˊ ciˊ rap ri ti hk'aˊ cumˊ nangnhawˊ naˊ?” Ce topˊ a, “Rap ye ri ti hk'aˊ cumˊ eun Yoˊhan naˊ.”

Roˊma 10:3

Kopti unˊ yawng ce hk'aˊ leupaws seumeuˊ lih neum Peucawoˊ Eun naˊ. Ce sawngˊ yeuh hk'aˊ leupaws seumeuˊ ri naˊ meun. Kop awnˊ na, ce unˊ rap ri ti hk'aˊ leupaws seumeuˊ Eun Peucawoˊ naˊ.

Tuhˊ ri tuilˊ 15:3

Ce lahˊ sengˊ htawm eun Moˊse kuˊ meuh mhaiˊ Eun Peucawoˊ naˊ maeeˊ sengˊ htawm Eun Konˊyungˊ naˊ. Ce lahˊ, “Cawoˊ Peucawoˊ, Peucawoˊ tiˊca keuting, kanˊ Mi naˊ keuting ka, a hk'oˊamˊ nyawkˊ. Cawoˊ Hkunˊhawˊhkamˊ ku cu, hk'aˊ Mi naˊ leupaws seumeuˊ ka, a meuh kuˊ neum.

Tuhˊ ri tuilˊ 16:5

Hawcˊ awnˊ na, uiˊ pun ri mhawngˊ inˊhpom cawoˊ roksaˊ leuumˊ naˊ lahˊ eun, “Cawoˊ seungaˊ chakˊ, Cawoˊ aˊyu imˊ yam pon hawcˊ naˊ maeeˊ yam maetˊmaenˊ naˊ Mi, tawsˊ Mi aˊmu hotˊ hk'aˊ leupaws seumeuˊ naˊ hawcˊ.