Luˊka 5:29 - Plang (Blang)

²⁹ Hawcˊ koˊ, Leviˊ eun yeuh pawe hk'asomˊ keuting pun Yesuˊ Eun nang nya ri naˊ. Muk heunˊ ce peue cepˊ hkawnˊ naˊ maeeˊ peue seubu naˊ ce mokˊ ri somˊ tiduihˊ yeut.

Luˊka 5:29 ပူးပေါင်းရင်းမြစ်များ

Mahtae 11:19

Konˊ aiˊ peue naˊ lih Eun, Eun hk'asomˊ naˊ, ce lahˊ, ‘Eun meuh peue hk'a pon hk'a lheuˊ, nyui leuumˊ pliˊ bui pon lheuˊ, maeeˊ meuh aˊmawo peue cepˊ hkawnˊ maeeˊ peue mapˊ naˊ ce.’ Daecti punta peuyhaˊ cuˊyi Eun Peucawoˊ naˊ cawpˊ ka naˊ, peue rap ri ti peuyhaˊ cuˊyi Eun naˊ ce tuhˊ a hawcˊ.”

Mahtae 5:46

Peˊ lawn leumeusˊ yawo peue kuˊ hk'oˊ ce leumeusˊ peˊ naˊ ce palkoe koˊ, peˊ ciˊ kaw pun lapsawngˊ keunhawˊ? Saecˊ meuh peue cepˊ hkawnˊ naˊ ce ku yeuh keutitˊ yeut, unˊ meuh ka aw?

Mahtae 9:10

Yam Yesuˊ mokˊ Eun ri somˊ pul nang nya eun Mahtae naˊ, peue cepˊ hkawnˊ maeeˊ peue mapˊ naˊ ce heunˊ peue ce ku mokˊ ri somˊ maeeˊ Heun maeeˊ tapaeˊ Eun naˊ ce tiduihˊ yeut.

Mahtae 9:9

Yam Yesuˊ puc Eun ri heulˊ hk'aiˊ mawnˊ naˊ, Eun nyu peue ti peue muis Mahtae. Eun mokˊ nang tupˊ cepˊ hkawnˊ naˊ. Yesuˊ Eun lahˊ a ri heun, “Hotˊ Uiˊ heulˊ reuˊ.” Mahtae eun ku kuhˊ hotˊ Yesuˊ Eun heulˊ.

Makuˊ 2:15

Yam Yesuˊ mokˊ Eun ri somˊ pul nang nya eun Leviˊ naˊ, peue cepˊ hkawnˊ maeeˊ peue mapˊ naˊ ce heunˊ peue ce ku mokˊ ri somˊ maeeˊ Heun maeeˊ tapaeˊ Eun naˊ ce tiduihˊ yeut, kopti peue hotˊ Yesuˊ Eun naˊ heunˊ ce.

Luˊka 15:1

Peue cepˊ hkawnˊ maeeˊ peue mapˊ naˊ ce ingˊ cu ri leuceng leukahˊ Eun Yesuˊ naˊ.

Yoˊhan 12:2

Ce yeuh pawe hk'asomˊ pul tuilˊ munhpungˊ Eun Yesuˊ. Mahtaˊ eun koˊ ri nomˊnawk yeuh mhaiˊ. Lasaruˊ eun ku mokˊ ri somˊ maeeˊ peue seubu naˊ ce maeeˊ Yesuˊ Eun.

1 Kawˊrinhtuˊ 10:27

Peue unˊ yumˊ ti ri peue naˊ eun lawn klawng peˊ heulˊ hk'asomˊ maeeˊ ti peˊ ku sumˊ heulˊ koˊ, hk'a kuˊ hk'a bangˊ ri nanggalˊ peˊ naˊ reuˊ. Pawlaee hkiˊkeung ri kaw a cawpˊ unˊ cawpˊ naˊ.