Luˊka 4:34 - Plang (Blang)

³⁴ “Oˊ, Yesuˊ peue veng Nasaraetˊ, Mi ciˊ kaw ingˊ hkvi ye meuh keunhawˊ? Kaw Mi ingˊ yeuh ye lu aw? Yawng uiˊ meuh Mi peue seungaˊ chakˊ Eun Peucawoˊ yeut.”

Luˊka 4:34 ပူးပေါင်းရင်းမြစ်များ

Mahtae 8:29

Ka taˊulˊ ri lahˊ, “Konˊ aiˊ Eun Peucawoˊ naˊ Mi, Mi ciˊ ingˊ loˊ keunhawˊ ri ya? Kaw Mi ingˊ keunhapˊ nokneh ya nanggalˊ yam ka naˊ unˊ nang rot ka naˊ aw?”

Makuˊ 1:24

“Yesuˊ peue veng Nasaraetˊ, Mi ciˊ loˊ keunhawˊ ri ye? Kaw Mi ingˊ yeuh ye lu aw? Yawng uiˊ Mi. Meuh Mi peue seungaˊ chakˊ Eun Peucawoˊ.”

Makuˊ 1:34

Yesuˊ Eun baiˊ peue peuyhat heunˊ ceu naˊ ce cuin heunˊ peue. Eun ku ra ri tec seucaˊ naˊ pucti lih heunˊ tuˊ. Daecti Yesuˊ Eun unˊ kah seucaˊ naˊ leukahˊ, kopti Yesuˊ Eun ciˊ meuh aˊnhawˊ naˊ yawng ce a yeut.

Makuˊ 5:7

Eun taˊulˊ klawng ri lahˊ lawsˊ a, “Yesuˊ, Konˊ aiˊ Eun Peucawoˊ Cawoˊ lhungˊ hk'aiˊ peue naˊ Mi, Mi ciˊ loˊ keunhawˊ ri uiˊ? Punta kaw Mi unˊ keunhapˊ nokneh uiˊ naˊ, hk'oˊ Mi yeuh kati ri Peucawoˊ Eun reuˊ.”

Luˊka 1:35

Inˊhpom naˊ eun tang topˊ a ri heun, “Citˊ seungaˊ chakˊ Eun Peucawoˊ naˊ kaw a lih hk'aˊpang mi. Tiˊca Eun Cawoˊ lhungˊ hk'aiˊ peue naˊ a kaw kuipkangˊ mi. Kop awnˊ na, konˊ me seungaˊ chakˊ kaw keutˊ awnˊ Eun, peue kaw klawng Eun meuh Konˊ aiˊ Eun Peucawoˊ.

Luˊka 4:33

Nang saˊla vang hk'oˊ munˊ awnˊ, a kueˊ peue ti peue. Seucaˊ hk'awˊjeuk a lec eun. Eun taˊulˊ ri lahˊ,

Luˊka 4:41

Saecˊ meuh seucaˊ naˊ ce pucti heulˊ hk'aiˊ peue heunˊ naˊ ce. Ce taˊulˊ ri lahˊ, “Mi ri meuh Mi Konˊ aiˊ Eun Peucawoˊ.” Daecti Yesuˊ Eun haeˊ ce. Eun unˊ kah ce leukahˊ baee, kopti yawng ce Yesuˊ meuh Eun Hkrit naˊ.

Luˊka 8:28

Yam nyu eun Yesuˊ Eun naˊ, eun klawng sengˊ lawsˊ. Eun nghupˊ ri keunam cung Eun Yesuˊ naˊ. Eun taˊulˊ ri lahˊ, “Yesuˊ, Konˊ aiˊ Eun Peucawoˊ Cawoˊ lhungˊ hk'aiˊ peue naˊ Mi, Mi ciˊ ingˊ loˊ keunhawˊ ri uiˊ? Kaw uiˊ hk'oˊ a ri Mi, pawlaee keunhapˊ nokneh uiˊ.”

Luˊka 8:37

Kopti peue utˊ nang kuingˊ Gerasaˊ naˊ lhatˊ nyawkˊ ce gawmˊeucˊ ri naˊ, ce hk'oˊ Yesuˊ Eun pucti heulˊ hk'aiˊ ti. Kop awnˊ na, Yesuˊ Eun lec reu naˊ keutah ingˊ.

Peue caee 16:39

Ce ingˊ hk'oˊ ka aˊnuyat a. Hawcˊ ce hueˊ ka lih hk'aiˊ htawngˊ naˊ, ce hk'oˊ ka pucti heulˊ hk'aiˊ veng awnˊ na.

Peue caee 2:27

kopti kaw Mi unˊ tecla uiˊ nang leumuic naˊ, Mi ku kaw unˊ tecla peue seungaˊ chakˊ Mi naˊ eun seueumˊ yeut.

Peue caee 3:14

Peˊ tecla Cawoˊ seungaˊ chakˊ leupaws seumeuˊ naˊ Eun, peˊ hk'oˊ ri ti peue toh peue naˊ eun tangˊ Eun.

Peue caee 4:27

Neumneum ka naˊ koˊ, punta kaw ce hamˊtap mhaiˊ seungaˊ chakˊ kuˊ lhuikˊ Mi ri uinˊ ri lamawn Yesuˊ Eun naˊ, cawoˊ Herotˊ maeeˊ cawoˊ Pontiasˊ Piˊlat eun ka hk'om puri maeeˊ peue unˊ meuh peue ceu Yuˊda maeeˊ peue ceu Iˊsarelaˊ naˊ ce hk'aˊnaee veng aenˊ na.

Hebraeˊ 2:14

Kopti konˊhk'i naˊ peus ce nhamˊ keune ri naˊ, Eun ku ingˊ peus nhamˊ keune naˊ maeeˊ ce yeut. Punta kopti meuh a hkamˊ Eun ri yeum naˊ, Eun kaw cang yeuh seucaˊ cawoˊ uˊpeung tiˊca ka hk'aˊ yeum naˊ lulaic heulˊ,

Yakopˊ 2:19

Yumˊ mi Peucawoˊ meuh Eun ti peue yawo naˊ chakˊ ka. Saecˊ meuh seucaˊ naˊ a ku yumˊ yeuhkoˊ yeut. A lhatˊ keuyuingˊ.

1 Yoˊhan 3:8

Peue yeuh mapˊ naˊ ingˊ ce neum seucaˊ naˊ, kopti tangˊ neum yamla ka naˊ seucaˊ naˊ yeuh a mapˊ naˊ. Konˊ aiˊ Eun Peucawoˊ lih Eun naˊ meuh a kop kaw Eun yeuh kanˊ ka seucaˊ naˊ lu.

Tuhˊ ri tuilˊ 20:2

Eun mheutˊ ri mawt peuyong kuˊ meuh seueuengˊ leumahˊ, meuh seucaˊ, aˊkoˊ meuh Satan naˊ rot tihengˊ neum.

Tuhˊ ri tuilˊ 3:7

Temˊ ri tuilˊ htawm ri inˊhpom ce muk konˊ Hkrit Hpiˊladeufia naˊ eun yeuh keutitˊ, ‘Cawoˊ seungaˊ chakˊ leupaws seumeuˊ kuˊ jhawpˊ pakhkeucaeˊ eun Davitˊ naˊ Eun, kuˊ tahˊ Eun naˊ aˊnhawˊ hkuinˊ cang sawngˊ a, kuˊ sawngˊ Eun naˊ aˊnhawˊ hkuinˊ cang tahˊ a naˊ Eun lahˊ a yeuh keutitˊ,