Luˊka 2:37 - Plang (Blang)

³⁷ Ka meuh aˊya seunao rot ti aˊyu ri pun a seudiˊkulˊ punˊ neum. Ka hkuinˊ duing rangˊ nya hk'oˊ munˊ keuting naˊ. Ka eutˊ kuˊ hk'a ri, peunsumˊ peunnyi ka hk'oˊ munˊ faeeˊ Peucawoˊ Eun.

Luˊka 2:37 ပူးပေါင်းရင်းမြစ်များ

Luˊka 5:33

Ce mhaingˊ Eun, “Tapaeˊ eun Yoˊhan naˊ ce renˊ ri eutˊ kuˊ hk'a ri hk'oˊ munˊ. Saecˊ meuh tapaeˊ ce peue Hparisaeˊ naˊ ce ku yeuh seunˊ awnˊ na yeut. Daecti tapaeˊ Mi naˊ ce vaeeˊ kawnˊ hk'asomˊ.”

Peue caee 13:3

Kop awnˊ na yam hawcˊ ce eutˊ kuˊ hk'a ri hk'oˊ munˊ naˊ, ce tangˊ tiˊ ri hk'aˊpang ka. Ce cusˊ ka heulˊ.

Peue caee 14:23

Pawˊlu eun maeeˊ Banabasˊ ka leuk muk konˊ Hkrit ku cum naˊ ce isˊ roˊkan nang kawt. Punta kaw ka ap ce nang tiˊ Eun Peucawoˊ yumˊ ce naˊ, ka eutˊ kuˊ hk'a ri hk'oˊ munˊ.

Peue caee 26:7

A meuh kati kuˊ peue ceu eˊ kulˊleualˊ ceu naˊ keutuiˊ hpumˊ eˊ a kaw meuh neumneum naˊ. Eˊ coˊcaˊ ri yeuh mhaiˊ Eun Peucawoˊ gawmˊ sumˊ gawmˊ seunyi laleung. Hkunˊhawˊhkamˊ, kopti meuh a kuˊ keutuiˊ hpumˊ awnˊ a naˊ, peue Yuˊda naˊ ce tangˊ aˊmu hk'aˊpang uiˊ.

1 Tiˊmoˊse 5:5

Aˊya seunao unˊ kueˊ nang teumˊkawm utˊ koe naˊ ka keutuiˊ hpumˊ ka Peucawoˊ Eun. Punta Peucawoˊ kaw Eun teumˊkawm ka naˊ, ka saeˊcaeeˊ hk'oˊ munˊ hk'oˊhk'ang a ri Heun gawmˊ sumˊ gawmˊ seunyi.

Tuhˊ ri tuilˊ 3:12

Aˊnhawˊ lawn pe koˊ, kaw Uiˊ tangˊ eun meuh kleumˊ rawngˊ ka nya hk'oˊ munˊ keuting Eun Peucawoˊ Uiˊ naˊ ti lhemˊ. Eun hkuinˊ kaw laee duing pucti heulˊ hk'aiˊ nya hk'oˊ munˊ keuting naˊ. Uiˊ kaw tawkˊ muis Eun Peucawoˊ Uiˊ naˊ maeeˊ muis ka veng hk'uˊ Eun Peucawoˊ Uiˊ naˊ hk'aˊpang eun naˊ. Veng awnˊ a meuh veng Yeruˊsalaem hk'uˊ kuˊ Peucawoˊ Uiˊ buih buˊ Eun lih neum kuingˊ pang maoˊ naˊ. Uiˊ ku kaw tawkˊ muis hk'uˊ ri naˊ hk'aˊpang eun yeut.

Tuhˊ ri tuilˊ 7:15

Kop awnˊ na, ce utˊ nanggalˊ tenceoˊ Eun Peucawoˊ naˊ. Ce yeuh mhaiˊ Eun gawmˊ sumˊ gawmˊ seunyi hk'aˊnaee nya hk'oˊ munˊ Eun naˊ. Cawoˊ mokˊ pang tenceoˊ naˊ Eun kaw uˊpeung hk'aˊpang ce naˊ.