Luˊka 19:17 - Plang (Blang)

¹⁷ Cawoˊ naˊ eun lahˊ, ‘Chakˊ ka, mhaiˊ chakˊ uiˊ. Kopti leupaws seumeuˊ mi hk'aˊnaee kuˊ aetˊ naˊ, mi naˊ uˊpeung veng kulˊ veng naˊ reuˊ.’

Luˊka 19:17 ပူးပေါင်းရင်းမြစ်များ

Mahtae 25:21

Cawoˊ eun naˊ eun topˊ a ri heun, ‘Chakˊ ka, meuh mi mhaiˊ chakˊ mhaiˊ kati keutawnˊ. Kopti kati keutawnˊ mi ri kuˊ aetˊ naˊ, uiˊ kaw tangˊ ri uinˊ mi meuh nang roksaˊ hk'eung keuting naˊ. Kah mi renˊkawn tiduihˊ maeeˊ cawoˊ ri naˊ eun reuˊ.’

Luˊka 16:10

Peue yumˊ pun hk'aˊnaee kuˊ aetˊ naˊ eun, eun ku yumˊ pun hk'aˊnaee kuˊ keuting naˊ yeut. Peue unˊ leupaws seumeuˊ hk'aˊnaee kuˊ aetˊ naˊ eun, eun ku unˊ leupaws seumeuˊ hk'aˊnaee kuˊ keuting naˊ yeut.

Luˊka 19:16

Mhaiˊ kuˊ nanggalˊ naˊ eun ingˊ lahˊ, ‘Cawoˊ, heulˊ ka uiˊ leumuil ti cawe mi naˊ uiˊ tang pun nammaet ka kulˊ cawe.’

Luˊka 19:18

Lalˊ peue ti peue naˊ eun ingˊ lahˊ, ‘Cawoˊ, heulˊ ka uiˊ leumuil ti cawe mi naˊ uiˊ tang pun nammaet ka hpawnˊ cawe.’

Luˊka 22:30

Kop awnˊ na, peˊ kaw pun ri hk'asomˊ maeeˊ hpuinˊ Uiˊ nang kuingˊ Uiˊ naˊ. Peˊ kaw pun ri mokˊ pang ten naˊ tawsˊ aˊmu ri peue Iˊsarelaˊ kulˊleualˊ ceu naˊ ce.

Roˊma 2:29

Daecti taengtaeng peue Yuˊda naˊ, ce kaw kah ri meuh peue Yuˊda hk'aˊnaee ri. Taengtaeng tonˊ duingˊ hakˊ naˊ a meuh tonˊ duingˊ hakˊ hk'aˊnaee hpumˊ ri ri citˊ seungaˊ naˊ, a hkuinˊ meuh tonˊ duingˊ hakˊ ri ritroe temˊ ri meuh tuˊ htawm naˊ. Peue yeuh keutitˊ naˊ pun ce hk'aˊ sukˊseunˊ naˊ a hkuinˊ ingˊ neum peue, daecti a ingˊ neum Peucawoˊ Eun.

1 Kawˊrinhtuˊ 4:5

Kop awnˊ na pawlaee nang kuit a deut nanggalˊ yam ka naˊ unˊ nang rot ka naˊ, koˊ a rot ri yam Peucawoˊ kaw Eun lih rot naˊ reuˊ. Peucawoˊ kaw Eun hueˊ kuˊ moˊ ri vang duimˊlawng naˊ lih vang cengˊ naˊ. Eun kaw tuhˊ kamkuit utˊ nang hpumˊ peue naˊ pucti lih. Yam awnˊ na, peue kaw pun ri rap ri ti hk'aˊ Peucawoˊ sukˊseunˊ Eun ri naˊ kuingˊhpaw maeeˊ kuˊ yeuh ri naˊ ku peue ri.

2 Tiˊmoˊse 2:10

Kop awnˊ na punta peue pun ri leuk ri ti naˊ kaw ce pun hk'aˊ htut lawtpon kueˊ hk'aˊnaee Eun Yesuˊ Hkrit naˊ ri munhpungˊ cotˊcu naˊ, uiˊ yeunˊhkam ku ceu gawmˊeucˊ naˊ ce.

1 Petruˊ 1:7

Ceu nang aenˊ keutˊ kueˊ ka naˊ meuh a kopti punta kaw a htawhkam kueˊ peˊ hk'aˊ yumˊ neumneum naˊ. Hk'aˊ yumˊ neumneum aenˊ a kawnˊ ngos heunˊ hk'aiˊ hk'ilˊ kuˊ hk'oˊ a saecˊ saicˊ ri seungawm ri ngawl daecti a kawnˊ cang lulaic heulˊ naˊ. Hk'aˊ yumˊ aenˊ a kaw yeuh peˊ pun munhpungˊ, hk'aˊ sukˊseunˊ maeeˊ tangˊ ri lhungˊ keuting naˊ yam Yesuˊ Hkrit tang lih Eun naˊ.

1 Petruˊ 5:4

Yam Cawoˊ keuting goˊ konˊyungˊ naˊ puc Eun ri lih naˊ, peˊ naˊ pun cuiˊmaw hk'ilˊ kueˊ munhpungˊ kuˊ unˊ cang lulaic naˊ.