Luˊka 15:22 - Plang (Blang)

²² Daecti kuiingˊ naˊ eun lahˊ a ri mhaiˊ naˊ ce, ‘Vaeevaee, ti hk'o chakˊ hk'aiˊ peue naˊ ingˊ tuilˊ eun cuipˊ a, chuipˊ plokˊ tiˊ naˊ ri geunˊ tiˊ eun naˊ, chuipˊ jhaepˊ naˊ ri cung eun naˊ.

Luˊka 15:22 ပူးပေါင်းရင်းမြစ်များ

Luˊka 15:21

Konˊ naˊ eun lahˊ a ri kuiingˊ ri naˊ eun, ‘Aˊkuiingˊ, mapˊ uiˊ ri Peucawoˊ Eun maeeˊ mi ri hawcˊ. Unˊ laee kuingˊ uiˊ maeeˊ klawng uiˊ meuh konˊ mi naˊ.’

Luˊka 15:23

Teukˊ ri ingˊ nghawmˊ konˊ aˊmoe uiiˊ ri kleuengˊ naˊ. Eˊ naˊ yeuh pawe hk'asomˊ renˊkawn.

Roˊma 13:14

Daecti, yongˊ tuˊ peˊ naˊ ri Cawoˊ Yesuˊ Hkrit Eun reuˊ. Punta kaw peˊ yeuh ri htonnuk ri hk'aˊ taˊnhaˊ ka hk'aˊ nhamˊ keune naˊ yeuh saˊnhawˊ naˊ, pawlaee kuit a.

Roˊma 3:22

Hk'aˊ leupaws seumeuˊ lih neum Peucawoˊ Eun aenˊ cu a hk'aˊ yumˊ hk'aˊnaee Yesuˊ Hkrit Eun naˊ a lih rot ri peue yumˊ naˊ ce gawmˊeucˊ. Peue gawmˊeucˊ naˊ peue hkuinˊ chat puri,

Roˊma 8:15

Peˊ hkuinˊ pun citˊ kuˊ kah peˊ meuh mhaiˊ ka hk'aˊ lhatˊ ruing naˊ baee, daecti pun peˊ Citˊ seungaˊ kuˊ yeuh peˊ meuh konˊ Eun Peucawoˊ naˊ. Eˊ klawng Eun, “Abaˊ, Aˊkuiingˊ.”

Galatiˊ 3:27

Kopti pun peˊ ri rap ri ti hk'aˊ cumˊ naˊ hk'aˊnaee Hkrit Eun hawcˊ naˊ, peˊ cuipˊ jawngkuiˊ tuˊ ri naˊ ri Hkrit Eun hawcˊ.

Eˊfeˊsuˊ 6:15

maeeˊ ri cuipˊ peˊ jhaepˊ ka kuˊ kaw yeuh peˊ rangraen ri kaw sangsawnˊ leukahˊ munˊ renˊkawn ka hk'aˊ cumyenˊ naˊ.

Tuhˊ ri tuilˊ 19:8

Peucawoˊ tuilˊ Eun konˊhk'ihˊ naˊ eun cuipˊ hk'eung hpenˊ linin chakˊ, seungaˊ maeeˊ yhapyhap naˊ hawcˊ.” (Vangdohˊ ka hpenˊ linin chakˊ naˊ a meuh kanˊ leupaws seumeuˊ yeuh ce peue Eun Peucawoˊ naˊ.)

Tuhˊ ri tuilˊ 2:17

Peue kueˊ yhukˊ naˊ, leuceng leukahˊ kuˊ Citˊ seungaˊ naˊ lahˊ ka ri muk konˊ Hkrit naˊ ce reuˊ. Aˊnhawˊ lawn pe koˊ, Uiˊ kaw tuilˊ pliˊ manaˊ moˊ ri naˊ maeeˊ seumu paing temˊ tuˊ muis hk'uˊ ri ka naˊ ri heun. A lawn unˊ meuh peue pun seumu awnˊ a naˊ eun koˊ, aˊnhawˊ hkuinˊ kaw yawng muis awnˊ na.” ’

Tuhˊ ri tuilˊ 3:18

Kaw Uiˊ tuilˊ kamkuit mi, punta kaw mi meuneum, kaw mi leuvaee hk'o paing cuipˊ a kangˊ utˊ gungˊgangˊ seurakˊ hk'oˊkaic mi naˊ, maeeˊ kaw mi leuvaee baiˊ pok a ri ngaiˊ ri naˊ mi naˊ cang nyu, ingˊ leuvaee hk'ilˊ lhomˊ ri seungaˊ chakˊ ri ngawl naˊ ri Uiˊ reuˊ.

Tuhˊ ri tuilˊ 6:11

Hawcˊ koˊ, ce pun hk'o dalˊ paing naˊ hotˊ peue ri ti ri cum. Peucawoˊ Eun lahˊ a ri ce, “Puing koˊ a rot ti yam caˊlangˊ ce peue yeuh mhaiˊ naˊ maeeˊ ecˊawngˊ ce kuˊ toh peue ce seunˊ peˊ ri naˊ htonnuk ka.”

Tuhˊ ri tuilˊ 7:9

Hawcˊ awnˊ na, uiˊ keueˊ, nanggalˊ uiˊ naˊ a kueˊ peue cum heunˊ unˊ laee eucˊ mhinˊ ce. Ce ingˊ neum kuingˊ naˊ ku kuingˊ, neum peue ceu naˊ ku ceu, neum ceucat naˊ ku ceucat maeeˊ neum leukahˊ naˊ ku ceu. Ce cawng nanggalˊ ka tenceoˊ maeeˊ Konˊyungˊ naˊ. Ce cuipˊ hk'o dalˊ paing. Ce jangˊ kan lhaˊ ka hkeungˊ naˊ.