Luˊka 12:5 - Plang (Blang)

⁵ Daecti peˊ ciˊ kaw htukˊ ri lhatˊ ri aˊnhawˊ kaw Uiˊ lahˊ peˊ mhawngˊ a, lhatˊtil ri Peucawoˊ toh jawngkuiˊ tuˊ hawcˊ Eun kueˊ tiˊca kaw nyon peˊ hk'aˊnaee keutongˊnyarok naˊ Eun reuˊ.

Luˊka 12:5 ပူးပေါင်းရင်းမြစ်များ

Mahtae 10:28

Pawlaee lhatˊ ri peue cang toh yawo jawngkuiˊ tuˊ naˊ daecti ce unˊ cang toh civit naˊ. Daecti lhatˊtil ri Peucawoˊ Cawoˊ cang toh civit maeeˊ jawngkuiˊ tuˊ hk'aˊnaee keutongˊnyarok naˊ Eun reuˊ.

Mahtae 25:41

Hawcˊ koˊ, Eun kaw lahˊ a ri peue utˊ hk'aˊ aˊveˊ ri naˊ ce, ‘Peue pun ri hkamˊ hk'aˊ jhaˊ naˊ peˊ, puc peˊ heulˊ hk'aiˊ Uiˊ reuˊ. Heulˊ lec hk'aˊnaee ngawl haˊ cotˊcu vang pun ri rangraen ri uinˊ ri pun seucaˊ rai naˊ maeeˊ tapaeˊ ka naˊ ce naˊ.

Mahtae 25:46

Hawcˊ koˊ, peue aenˊ ce kaw kah ri pucti heulˊ rap ri ti hk'aˊ ciyang cotˊcu naˊ. Daecti peue leupaws seumeuˊ naˊ ce kaw pun ri lec vang aˊyu imˊ cotˊcu naˊ.”

Mahtae 5:22

Daecti Uiˊ lahˊ a ri peˊ, ‘Aˊnhawˊ lawn seungeuengˊ ri ecˊawngˊ ri naˊ eun koˊ, eun kaw pun ri hkamˊ hk'aˊ tawsˊ aˊmu naˊ. Aˊnhawˊ lawn tangˊ ecˊawngˊ ri naˊ eun tem koˊ, eun kaw pun ri hkamˊ hk'aˊ tawsˊ aˊmu naˊ nanggalˊ ce muk peue tawsˊ aˊmu naˊ. Aˊnhawˊ lawn lahˊ ecˊawngˊ ri naˊ eun meuh peue ngaˊ koˊ, eun kaw pun ri hkamˊ hk'aˊnaee ngawl ka keutongˊnyarok naˊ.’

Makuˊ 13:23

Kop awnˊ na, uinˊ sati peˊ reuˊ. Lahˊ Uiˊ ri uinˊ a ri peˊ tangˊ neum cawo ka hawcˊ.

1 Hteˊsalawˊniˊ 4:6

Pawlaee kah aˊnhawˊ yeuh pon yeuh lheuˊ, yeuh kleucˊ ceu nang aenˊ ce ri ecˊawngˊ ri naˊ ce saecˊ ti peue. Peucawoˊ kaw Eun ciyang peue yeuh mapˊ yeuhkiˊ naˊ peue seunˊ kuˊ tawn lahˊ tawn tuilˊ ye sati peˊ naˊ.

Hebraeˊ 10:31

Pun ri hk'uicˊ hk'aˊnaee nang dak tiˊ Eun Peucawoˊ Cawoˊ aˊyu imˊ naˊ hk'oˊlhatˊ nyawkˊ ka.

2 Petruˊ 2:4

Kopti Peucawoˊ Eun hkuinˊ laee uinˊ inˊhpom yeuh mapˊ naˊ ce, daecti Eun kaw nyon ce nang keutongˊnyarok nang htawngˊ duimˊlawng naˊ rot ti seunyi yam tawsˊ aˊmu naˊ.

Tuhˊ ri tuilˊ 14:7

Eun klawng ri lahˊ lawsˊ, “Lhatˊtil ri Peucawoˊ Eun, tuilˊ munhpungˊ Eun reuˊ. Kopti rot a yam tawsˊ Eun aˊmu hawcˊ. Faeeˊ Peucawoˊ Cawoˊ hpanplengˊ kuingˊ pang maoˊ, bhenˊ keuteˊ, mhaˊseumutˊ naˊ maeeˊ keutuiˊ leuumˊ naˊ Eun reuˊ.”

Tuhˊ ri tuilˊ 15:4

Cawoˊ Peucawoˊ, aˊnhawˊ ciˊ kaw unˊ lhatˊtil ri Mi? Aˊnhawˊ ciˊ kaw unˊ tuilˊ munhpungˊ ri muis Mi naˊ? Kopti Mi ri palkoe seungaˊ chakˊ Mi. Peue ceu gawmˊeucˊ kaw peue ingˊ ri Mi, peue kaw faeeˊ Mi nanggalˊ Mi naˊ, kopti kanˊ leupaws seumeuˊ yeuh Mi naˊ, puc a ri glihˊgleuengˊ hawcˊ.”

Tuhˊ ri tuilˊ 20:14

Hawcˊ koˊ, hk'aˊ yeum naˊ maeeˊ kuingˊ yeum naˊ a pun ri hkamˊ nyon ri hk'uicˊ nang glu ngawl naˊ. Glu ngawl awnˊ a meuh hk'aˊ yeum lalˊ pok ti pok naˊ.