Luˊka 11:15 - Plang (Blang)

¹⁵ Daecti ngonˊ ce lahˊ, “Peue awnˊ, cu Eun tiˊca ka cawoˊ seucaˊ Beˊelˊsebuˊ naˊ Eun ra ri tec seucaˊ naˊ.”

Luˊka 11:15 ပူးပေါင်းရင်းမြစ်များ

Mahtae 10:25

Tapaeˊ naˊ eun lawn keuteul hpeng seuraˊ ri naˊ eun maeeˊ mhaiˊ naˊ eun lawn keuteul hpeng cawoˊ ri naˊ eun koˊ, hk'oˊ ka hawcˊ. Peue lawn klawng cawoˊ nya naˊ eun meuh Beˊelˊsebuˊ koˊ, peue ciˊ pe naˊ klawng peue nya peue hk'ulˊ eun naˊ ce lheuˊ aenˊ na pe aˊneng?

Mahtae 12:22

Hawcˊ awnˊ na, peue va peue ngaiˊ lecˊ, ngaˊ, seucaˊ a lec eun naˊ eun ingˊ ri Yesuˊ Eun ti peue. Eun baiˊ peue awnˊ eun cuin. Eun cang leukahˊ, cang nyu hk'aˊ ri.

Mahtae 4:24

Lawng Eun naˊ a lawsˊ heulˊ nang kuingˊ Suˊriˊ naˊ hk'awpˊ. Peue va peue peuyhat heunˊ ceu naˊ ce ingˊ tuilˊ Eun baiˊ ce. Peue peuyhat aenˊ ce meuh peue peuyhat suiˊ heunˊ ceu, peue seucaˊ lec, peue kueˊ peuyhat lom maeeˊ peue tiˊ cung yeum naˊ ce. Eun baiˊ ce cuin gawmˊeucˊ.

Mahtae 9:34

Daecti peue Hparisaeˊ naˊ ce lahˊ, “Cu Eun tiˊca ka cawoˊ seucaˊ naˊ Eun ra ri tec seucaˊ naˊ.”

Yoˊhan 10:20

Peue heunˊ naˊ ce lahˊ, “Seucaˊ lec ka Eun, eun buicbuic lahˊ leukahˊ unˊ cengˊ unˊ saeeˊ. Leuceng leukahˊ Eun naˊ meuh keunhawˊ?”

Yoˊhan 7:20

Peue cum heunˊ naˊ ce topˊ a, “Seucaˊ lec a Mi. Aˊnhawˊ ciˊ kaw toh Mi?”

Yoˊhan 8:48

Peue Yuˊda naˊ ce topˊ a ri Heun, “Seunˊ lahˊ ye Mi meuh peue Samariˊ maeeˊ meuh peue seucaˊ lec naˊ, cawpˊ ka yeut, unˊ meuh ka aw?”

Yoˊhan 8:52

Yam peue Yuˊda naˊ pun ce ri mhawngˊ aenˊ ce naˊ, ce taˊulˊ ri lahˊ, “Maetˊmaenˊ yawng ye meuh Mi peue seucaˊ lec hawcˊ. Abraham yeum eun hawcˊ. Peue suip leukahˊ Eun Peucawoˊ naˊ ce ku yeum hawcˊ. Mi vaeeˊ kawnˊ lahˊ, ‘Aˊnhawˊ lawn hotˊ ri yeuh kuˊ lahˊ Mi naˊ koˊ, eun hkuinˊ kaw laee pun ri yeum.’