Luˊka 10:29 - Plang (Blang)

²⁹ Daecti peue awnˊ kopti sumˊ tuhˊ eun meuh ri tuˊ leupaws seumeuˊ naˊ, eun tang mhaingˊ Yesuˊ Eun, “Peue keunam caonaoˊ uiˊ naˊ ce ciˊ meuh aˊnhawˊ?”

Luˊka 10:29 ပူးပေါင်းရင်းမြစ်များ

Makuˊ 8:34

Hawcˊ koˊ, Eun klawng peue cum heunˊ naˊ maeeˊ tapaeˊ naˊ ce ingˊ ri ti. Eun lahˊ, “Aˊnhawˊ lawn sumˊ hotˊ Uiˊ koˊ, eun kaw pun ri tec alo ri, klawmˊ kleumˊ rawngˊtawpˊ ri, hawcˊ koˊ hotˊ Uiˊ heulˊ.

Luˊka 10:36

Mi ciˊ kuit kuˊ loeˊ peue naˊ nangnhawˊ eun meuh peue utˊ keunam caonaoˊ eun peue hk'eupˊ conˊ naˊ eun?”

Luˊka 16:15

Yesuˊ Eun lahˊ a ri ce, “Peˊ saecˊ yeuh ri seunˊ peue leupaws seumeuˊ nanggalˊ peue koˊ, daecti Peucawoˊ yawng Eun hpumˊ peˊ naˊ yeut. Kuˊ tangˊ peue ngos heunˊ naˊ meuh a kuˊ hk'awˊjeuk hk'iˊ ngaiˊ Eun Peucawoˊ.

Roˊma 10:3

Kopti unˊ yawng ce hk'aˊ leupaws seumeuˊ lih neum Peucawoˊ Eun naˊ. Ce sawngˊ yeuh hk'aˊ leupaws seumeuˊ ri naˊ meun. Kop awnˊ na, ce unˊ rap ri ti hk'aˊ leupaws seumeuˊ Eun Peucawoˊ naˊ.

Roˊma 4:2

Neumneum ka na koˊ, Abraham eun lawn naˊ leupaws seumeuˊ ri kuˊ yeuh eun naˊ koˊ, eun kaw lheuˊ ri kuˊ mhawngˊ ri hk'oˊcuin. Daecti nanggalˊ Eun Peucawoˊ naˊ a hkuinˊ yeuh keutitˊ.

Galatiˊ 3:11

Pun eˊ ri nyu a glihˊgleuengˊ, kopti meuh a leukahˊ ritroe naˊ aˊnhawˊ hkuinˊ kaw cang pun ri meuh peue leupaws seumeuˊ nanggalˊ Eun Peucawoˊ naˊ saecˊ ti peue. Kopti, peue leupaws seumeuˊ naˊ kaw ce aˊyu imˊ hk'aˊnaee hk'aˊ yumˊ naˊ.

Yakopˊ 2:24

Kop awnˊ na pun peˊ ri nyu a hawcˊ, peue sawnˊ ri meuh peue leupaws seumeuˊ naˊ eun meuh a kopti kuˊ yeuh eun pucti lih naˊ, a hkuinˊ meuh kopti hk'aˊ yumˊ eun naˊ palkoe.