Luˊka 10:17 - Plang (Blang)

¹⁷ Yam tapaeˊ aˊreskulˊ lalˊ peue naˊ renˊkawn ingˊ rot ce naˊ, ce lahˊ, “Cawoˊ, kopti meuh a muis Mi naˊ seucaˊ naˊ utˊ a hk'aˊruim ye yeut.”

Luˊka 10:17 ပူးပေါင်းရင်းမြစ်များ

Mahtae 4:24

Lawng Eun naˊ a lawsˊ heulˊ nang kuingˊ Suˊriˊ naˊ hk'awpˊ. Peue va peue peuyhat heunˊ ceu naˊ ce ingˊ tuilˊ Eun baiˊ ce. Peue peuyhat aenˊ ce meuh peue peuyhat suiˊ heunˊ ceu, peue seucaˊ lec, peue kueˊ peuyhat lom maeeˊ peue tiˊ cung yeum naˊ ce. Eun baiˊ ce cuin gawmˊeucˊ.

Makuˊ 16:17

Pun ce peue yumˊ naˊ a kaw kueˊ hetˊ keuting yeuhkiˊ, ce naˊ cu muis Uiˊ naˊ ce naˊ ra ri tec seucaˊ, ce naˊ lahˊ leukahˊ hk'uˊ heunˊ ceu,

Luˊka 10:1

Hawcˊ awnˊ na, Yesuˊ Eun leuk tapaeˊ seubu baee aˊreskulˊ lalˊ peue. Eun kah ce bai heulˊ nanggalˊ ri duihˊ ka lalˊ peue ku veng ku yungˊ vang kaw Eun heulˊ naˊ.

Luˊka 10:20

A saecˊ yeuh saˊnhawˊ, pawlaee renˊkawn maeeˊ seucaˊ naˊ utˊ a hk'aˊruim peˊ. Daecti renˊkawn maeeˊ muis peˊ naˊ temˊ a ri nang kuingˊ pang maoˊ naˊ reuˊ.”

Luˊka 10:9

Baiˊ peue peuyhat utˊ mawnˊ naˊ ce cuin yeut. Lahˊ a ri ce yeuh keutitˊ, ‘Kuingˊ Eun Peucawoˊ naˊ utˊ a keunam peˊ hawcˊ.’

Luˊka 9:1

Yesuˊ klawng Eun ri cu tapaeˊ kulˊleualˊ peue ri naˊ ce. Hawcˊ koˊ, Eun tuilˊ tiˊca ra ri tec seucaˊ gawmˊeucˊ naˊ maeeˊ tiˊca baiˊ peue peuyhat cuin naˊ ri ce.

Roˊma 16:20

Unˊ lingˊ koˊ, Peucawoˊ ka hk'aˊ kuit nyawkˊ kuit samˊran cumyenˊ naˊ kaw Eun tocˊtecˊ Satan naˊ hk'aˊruim dak cung peˊ. Kah munˊ sinˊ Eun Cawoˊ eˊ Yesuˊ naˊ kueˊ ri peˊ reuˊ.

Eˊfeˊsuˊ 5:24

Muk konˊ Hkrit naˊ ce ciˊ leuceng ri ti leukahˊ Eun Hkrit naˊ yeuh saˊnhawˊ naˊ, beunˊ naˊ eun ku htukˊ ri leuceng ri ti leukahˊ eun me ri naˊ ku ceu seunˊ awnˊ na yeut.