Luˊka 1:78 - Plang (Blang)

⁷⁸ Kopti meuh a hk'aˊ tukyak onawnˊ Eun Peucawoˊ eˊ naˊ, kuˊ cengˊ kuingˊ pang maoˊ naˊ a kaw lih cengˊ hk'aˊpang eˊ.

Luˊka 1:78 ပူးပေါင်းရင်းမြစ်များ

Yoˊhan 3:16

Kopti Peucawoˊ leumeusˊ Eun peue bhenˊ keuteˊ naˊ, Eun hkamˊ ri tuilˊ Konˊ aiˊ ti peue ri naˊ Eun. Punta peue yumˊ Konˊ aiˊ Eun naˊ ku peue kaw ce unˊ lulaic, daecti ce kaw pun citˊ tip aˊyu tip cotˊcu naˊ.

Eˊfeˊsuˊ 5:14

Kopti kuˊ cengˊ naˊ yeuh a ku ceu naˊ pun ri nyu ri glihˊgleuengˊ. Kop awnˊ na, lahˊ a ri yeuhkiˊ, “Peue buih itˊ naˊ, hk'awnˊ reuˊ. Tang kuhˊ imˊ hk'aiˊ vang yeum ri naˊ reuˊ. Hkrit kaw Eun tilˊ kuˊ cengˊ ri mi.”

Hpiˊliˊpiˊ 1:8

Uiˊ ciˊ pe keutuiˊ hpumˊ peˊ gawmˊeucˊ ri aˊneng naˊ, Peucawoˊ penˊ hkamˊ Eun saˊhkiˊ ka pun uiˊ. Leumeusˊ uiˊ peˊ gawmˊeucˊ ri hk'aˊ leumeusˊkeus Eun Yesuˊ Hkrit naˊ.

Hpiˊliˊpiˊ 2:1

Peˊ lawn pun kawlˊreng ri ri meuh peˊ ti jawngkuiˊ tuˊ maeeˊ Hkrit Eun, peˊ naˊ pun ri rap ri ti hk'aˊ seueulˊ hpumˊ ri neum hk'aˊ leumeusˊkeus Eun naˊ, pun ri yeuh aˊmawo maeeˊ Citˊ seungaˊ naˊ maeeˊ pun ri rap ri ti hk'aˊ onawnˊ maeeˊ hk'aˊ tukyak naˊ koˊ,

Kawˊlawˊsaeˊ 3:12

Kop awnˊ na kopti meuh peˊ peue Peucawoˊ leuk Eun ri uinˊ, meuh peue seungaˊ chakˊ maeeˊ meuh peue Peucawoˊ leumeusˊ Eun naˊ, cuipˊ hk'eung hk'aˊ cang tukyak, hk'aˊ teumˊkawm peue, hk'aˊ hpumˊ onawnˊ, hk'aˊ hpumˊ nyomˊ jom maeeˊ hk'aˊ cang yeunˊhkam naˊ reuˊ.

2 Petruˊ 1:19

Kop awnˊ na, eˊ jaen gawm yumˊ leukahˊ ce peue suip leukahˊ Eun Peucawoˊ naˊ. Peˊ lawn ti leukahˊ kuˊ seunˊ cengˊ hk'aˊnaee duimˊ yam unˊ nang cengˊ ka naˊ maeeˊ kuˊ seunˊ seumeuengˊ keuting peunngup cawo pucti hk'aˊnaee hpumˊ aenˊ na seucen koˊ, chakˊ ka.

1 Yoˊhan 3:17

Aˊnhawˊ saecˊ naˊ kueˊ hk'ilˊ leumuil eun saecˊ naˊ nyu ecˊawngˊ ri naˊ hk'oˊ ce tukyak, daecti eun lawn unˊ tukyak ri ce koˊ, hk'aˊ leumeusˊkeus Eun Peucawoˊ naˊ a ciˊ kaw cang utˊ hk'aˊnaee eun yeuh saˊnhawˊ?

Tuhˊ ri tuilˊ 22:16

Meuh Uiˊ Yesuˊ. Uiˊ cusˊ inˊhpom ri naˊ eun lih hkamˊ saˊhkiˊ lawng aenˊ ce ri peˊ pun muk konˊ Hkrit naˊ ce. Meuh Uiˊ res maeeˊ ceucat eun Davitˊ. Uiˊ ku meuh seumeuengˊ keuting peunngup cawo cengˊ nyawkˊ naˊ yeut.”