Luˊka 1:17 - Plang (Blang)

¹⁷ Hk'aˊnaee vang cu eun citˊ maeeˊ tiˊca seunˊ Eˊliˊya eun naˊ, eun kaw meuh cawoˊ heulˊ nanggalˊ Eun Peucawoˊ. Punta kaw eun mheˊ rangraen ri uinˊ ce meuh peue ceu pun Cawoˊ Eun naˊ, eun kaw mheˊ kuiingˊ konˊ naˊ ka htukˊlung puri baee, maeeˊ peue lheuˊ leukahˊ naˊ kaw ce pun cuˊyi ce peue leupaws seumeuˊ naˊ.”

Luˊka 1:17 ပူးပေါင်းရင်းမြစ်များ

Mahtae 11:14

Peˊ lawn sahpawˊ ri rap ri ti a koˊ, peue aenˊ meuh eun Eˊliˊya kuˊ kaw ingˊ naˊ eun hawcˊ.

Mahtae 14:4

Kopti Yoˊhan tawn lahˊ eun a ri cawoˊ Herotˊ eun, “Kopti ti mi beunˊ eun awngˊ ri naˊ ka meuh beunˊ ri naˊ, mi yeuh kuˊ kleucˊ ri leukahˊ ritroe naˊ.”

Mahtae 3:3

Yoˊhan aenˊ meuh eun kuˊ Iˊsayaˊ peue suip leukahˊ Eun Peucawoˊ naˊ lahˊ eun a rot ri heun naˊ eun. Eun lahˊ, “Sengˊ eun peue ti peue naˊ taˊulˊ eun ri lahˊ a vang hk'ohˊhk'oengˊ naˊ. Eun lahˊ, ‘Mheˊ hk'aˊ pun Peucawoˊ Eun reuˊ. Plengˊ hk'aˊ Eun naˊ seumeuˊ reuˊ.’ ”

Mahtae 3:4

Hk'o eun Yoˊhan naˊ meuh a huikˊ kalaokˊ a plengˊ ri. Eun mawt nyawng ri naˊ ri saeˊcaetˊ hakˊ. Kuˊ hk'a eun naˊ a meuh aˊhtul maeeˊ leuumˊ cingˊ peuyhelˊ utˊ nang hk'i naˊ.

Luˊka 1:16

Eun kaw va peue Iˊsarelaˊ naˊ ce tang hpawtˊ ri ingˊ ri Cawoˊ Peucawoˊ ri naˊ Eun heunˊheunˊ.

Luˊka 1:76

Konˊ uiˊ, kaw peue klawng mi meuh peue suip leukahˊ Eun Cawoˊ lhungˊ hk'aiˊ peue naˊ. Kopti kaw mi heulˊ nanggalˊ Eun Peucawoˊ, mi kaw bai mheˊ hk'aˊ Eun.

Yoˊhan 1:13

A hkuinˊ meuh konˊ neum hk'aˊ ceucat, aˊkoˊ neum alo hk'aˊ nhamˊ keune ce peue naˊ, aˊkoˊ neum alo eun me naˊ, daecti a meuh kuˊ keutˊ lih neum Peucawoˊ Eun naˊ.

Yoˊhan 1:34

Pun uiˊ ri nyu a hawcˊ. Uiˊ meuh saˊhkiˊ ka, hkawnˊ meuh Eun Konˊ aiˊ Eun Peucawoˊ.”

Yoˊhan 3:28

Saecˊ peˊ ri meun, peˊ ku kaw cang hkamˊ saˊhkiˊ ri leukahˊ lahˊ uiˊ yeuhkiˊ naˊ, ‘Hpaw uiˊ caˊ meuh Hkrit Eun, daecti uiˊ pun ri cusˊ ri lih nanggalˊ Eun.’

Peue caee 10:33

Kop awnˊ na, uiˊ keulawnˊ cusˊ peue ri naˊ ce heulˊ pangˊ mi. Munˊ keuting ri ingˊ mi. Punta kaw ye leuceng kuˊ Peucawoˊ kah Eun mi lahˊ ri ye naˊ ce ku ceu ka naˊ, maetˊmaenˊ ye utˊ nanggalˊ Eun Peucawoˊ gawmˊeucˊ ri hawcˊ.”

Roˊma 9:23

Punta kaw Eun yeuh munhpungˊ htonnuk ri naˊ pucti lih ri peue pun ri rap ri ti hk'aˊ tukyak Eun ri peue rangraen Eun ri uinˊ ce pun munhpungˊ ri tangˊ neum nanggalˊ naˊ Eun lawn yeuh keutitˊ koˊ, eˊ ciˊ kaw lahˊ a yeuh saˊnhawˊ?

Kawˊlawˊsaeˊ 1:12

munˊ keuting ri Aˊkuiingˊ Cawoˊ yeuh Eun peˊ kuingˊhpaw maeeˊ kaw peˊ pun ri rap ri ti sinˊ tiduihˊ maeeˊ peue Eun hk'aˊnaee kuingˊ ka kuˊ cengˊ naˊ.

2 Tiˊmoˊse 2:21

Aˊnhawˊ lawn saicˊ ri tec meun kuˊ unˊ kueˊ ngos nang tuˊ ri naˊ koˊ, eun kaw pun ri meuh hk'eung kueˊ munhpungˊ, pun hk'aˊ saicˊ ri seungaˊ chakˊ naˊ. Eun kaw kueˊ munˊ pun cawoˊ ri naˊ eun. Cawoˊ naˊ eun kaw rangraen ri uinˊ eun pun yeuh kanˊ chakˊ naˊ gawmˊeucˊ ka.

1 Petruˊ 2:9

Daecti meuh peˊ peue Peucawoˊ leuk Eun ri ti. Peˊ meuh peue jhawpˊ rit keuting, meuh peue ceu seungaˊ chakˊ, meuh konˊhk'i Eun Peucawoˊ. Kuˊ yeuh Eun aenˊ a meuh punta kaw peˊ heulˊ paoˊ lawng kanˊ keuting Eun naˊ. Eun klawng peˊ pucti hk'aiˊ vang duimˊlawng naˊ ingˊ lec vang cengˊ chakˊ Eun naˊ.

1 Yoˊhan 2:28

Maetˊmaenˊ, konˊ leumeusˊ uiˊ naˊ peˊ, yam puc Eun ri lih naˊ punta kaw eˊ kueˊ hpumˊ hatˊhanˊ unˊ pun ri kaic nanggalˊ Eun naˊ, utˊ hk'aˊnaee Eun reuˊ.

Tuhˊ ri tuilˊ 20:4

Uiˊ pun ri nyu ten naˊ ce. Peue mokˊ pang ten awnˊ ce meuh peue pun tiˊca kaw tawsˊ aˊmu naˊ. Hawcˊ koˊ, uiˊ pun ri nyu civit ce kuˊ tawsˊ peue ngok ce naˊ kopti hkamˊ ce saˊhkiˊ lawng Eun Yesuˊ naˊ maeeˊ hkamˊ ce saˊhkiˊ lawng leukahˊ Eun Peucawoˊ naˊ. Ce unˊ faeeˊ satˊ rai naˊ, aˊkoˊ ruphtu rup ka naˊ. Ce unˊ pun vang mhaiˊ ka satˊ rai naˊ ri relˊ ri, aˊkoˊ ri tiˊ ri. Peue awnˊ ce tang kuhˊ imˊ. Ce uˊpeung maeeˊ Hkrit Eun tiduihˊ tihengˊ neum.