Kawˊlawˊsaeˊ 4:12 - Plang (Blang)

¹² Eˊpafasˊ meuh peue hk'aˊnaee peˊ kuˊ meuh mhaiˊ Eun Yesuˊ Hkrit naˊ eun ku tawmˊ a eun lahˊ ri leunyeng ri peˊ. Punta kaw peˊ cawng keutawnˊ, keuting hk'aˊnaee hk'aˊ civit naˊ maeeˊ hpumˊ keutawnˊ htonnuk hk'aˊnaee alo Eun Peucawoˊ naˊ gawmˊeucˊ ka, eun hk'oˊ munˊ pun peˊ laleung.

Kawˊlawˊsaeˊ 4:12 ပူးပေါင်းရင်းမြစ်များ

Mahtae 5:48

Kop awnˊ na, seunˊ Kuiingˊ peˊ Cawoˊ utˊ nang kuingˊ pang maoˊ naˊ chakˊ htonnuk Eun naˊ, yeuh peˊ chakˊ htonnuk yeut reuˊ.

Luˊka 1:1

Htawˊhpiˊlu, peue heunˊ peue naˊ ce seunˊ penˊ yeuh cang yeuh ce a, ce temˊ lawng kuˊ kueˊ kuˊ meuh hk'aˊnaee eˊ naˊ ce hawcˊ.

Luˊka 22:44

Kopti Yesuˊ kuit nyhapˊ Eun nyawkˊ naˊ, Eun gawm saeˊcaeeˊ hk'oˊ munˊ ri. Leuumˊ ron Eun naˊ a lih seunˊ nhamˊ, a jam pang keuteˊ naˊ.

Yoˊhan 12:26

Peue yeuh mhaiˊ Uiˊ naˊ, kaw eun kah ri hotˊ Uiˊ. Uiˊ lawn utˊ tawngnhawˊ koˊ, mhaiˊ Uiˊ naˊ eun ku kaw utˊ ri ka. Kuiingˊ Uiˊ kaw Eun tuilˊ munhpungˊ naˊ ri peue yeuh mhaiˊ Uiˊ naˊ eun.

Roˊma 15:14

Ecˊawngˊ naˊ peˊ, yumˊ uiˊ htonnuk peˊ ri kuˊ chakˊ naˊ, htonnuk peˊ ri cuˊyi naˊ maeeˊ cang sangsawnˊ peˊ puri pun naˊ.

Roˊma 15:30

Ecˊawngˊ naˊ peˊ, meuh a kopti Cawoˊ eˊ Yesuˊ Hkrit Eun naˊ maeeˊ hk'aˊ leumeusˊkeus ka Citˊ seungaˊ naˊ uiˊ hk'oˊ peˊ pawngˊ uiˊ maeeˊ kuˊ hkoˊka uiˊ naˊ ri hk'oˊ munˊ pun uiˊ ri Peucawoˊ Eun reuˊ.

1 Kawˊrinhtuˊ 14:20

Ecˊawngˊ naˊ peˊ, pawlaee kah kamkuit peˊ naˊ seunˊ konˊ nyom. Hk'aˊ rai peˊ naˊ yeuh ri meuh seunˊ oˊngak reuˊ. Daecti kamkuit peˊ naˊ yeuh ri meuh seunˊ nang hengˊ reuˊ.

1 Kawˊrinhtuˊ 2:6

Saecˊ yeuh saˊnhawˊ, lahˊ eˊ leukahˊ cuˊyi naˊ ri peue hengˊ keuting naˊ ce hawcˊ. A hkuinˊ meuh cuˊyi ce peue cu aenˊ na, a ku hkuinˊ meuh cuˊyi ce cawoˊ uˊpeung cu maetˊmaenˊ kuˊ kaw lulaic heulˊ naˊ ce.

2 Kawˊrinhtuˊ 13:11

Vang tisutˊ ka naˊ, ecˊawngˊ naˊ peˊ, sangˊ amˊla peˊ. Sawngˊ yeuh meun ri htonnuk reuˊ. Leuceng leukahˊ hk'oˊhk'ang uiˊ naˊ reuˊ. Yeuh hpumˊ ri meuh ti meulˊ reuˊ. Utˊ hk'aˊnaee hk'aˊ cumyenˊ naˊ reuˊ. Peucawoˊ ka hk'aˊ leumeusˊkeus maeeˊ hk'aˊ cumyenˊ naˊ kaw Eun utˊ maeeˊ peˊ.

Galatiˊ 1:10

Lahˊ uiˊ a yeuhkiˊ naˊ, buih yeuh uiˊ kuˊ kaw htukˊ hpumˊ peue aw, aˊkoˊ kuˊ kaw htukˊ hpumˊ Eun Peucawoˊ aw? Aˊkoˊ, buih coˊcaˊ uiˊ kuˊ kaw hitˊ hpumˊ peue naˊ aw? Uiˊ lawn buih coˊcaˊ ri yeuh kuˊ kaw hitˊ hpumˊ peue naˊ koˊ, hpaw uiˊ caˊ meuh mhaiˊ Eun Hkrit.

Galatiˊ 4:19

Konˊ leumeusˊ uiˊ naˊ peˊ, kaw uiˊ kah ri suip ri suiˊ baee seunˊ suiˊ awngˊ naˊ rot ti yam Hkrit kaw Eun kueˊ hk'aˊnaee peˊ naˊ.

Kawˊlawˊsaeˊ 1:22

Daecti maetˊmaenˊ, punta kaw Eun ap tuˊ peˊ naˊ meuh peue seungaˊ chakˊ unˊ kueˊ vang ri, unˊ kueˊ vang tangˊ mapˊ nanggalˊ Eun naˊ, Eun tang yeuh peˊ htukˊlung cawpˊmaen ri ri jawngkuiˊ tuˊ Eun Hkrit ri hk'aˊ yeum Eun naˊ.

Kawˊlawˊsaeˊ 1:28

Punta kaw eˊ ap peue ku peue naˊ peue meuh peue chakˊ htonnuk hk'aˊnaee Hkrit Eun naˊ, eˊ paoˊ lawng Eun naˊ, eˊ sangsawnˊ tuilˊ sati peue ku peue naˊ ce ri cuˊyi naˊ gawmˊeucˊ.

Kawˊlawˊsaeˊ 1:29

Pun vang keutuiˊ hpumˊ aenˊ a naˊ, uiˊ saeˊcaeeˊ coˊcaˊ ri yeuh kanˊ ri cu uiˊ kawlˊreng Eun naˊ gawmˊeucˊ kuˊ buih yeuh kanˊ tiˊca reng hk'aˊnaee uiˊ naˊ.

Kawˊlawˊsaeˊ 1:7

Pun peˊ ri rin ri ti leukahˊ munˊ renˊkawn naˊ ri Eˊpafasˊ kuˊ meuh aˊmawo leumeusˊ yeuh mhaiˊ tiduihˊ maeeˊ ya naˊ eun. Eun meuh nang yeuh mhaiˊ kati keutawnˊ ri Hkrit Eun pun ye.

Kawˊlawˊsaeˊ 1:9

Kop awnˊ na, tangˊ neum seunyi yam pun ya ri mhawngˊ lawng peˊ naˊ, ya hk'oˊ munˊ pun peˊ unˊ laee deut. Kah Peucawoˊ Eun yeuh peˊ htonnuk ri cuˊyi ka alo Eun naˊ ri cuˊyi maeeˊ hk'aˊ cang yawng ka hk'aˊ civit naˊ reuˊ.

Kawˊlawˊsaeˊ 4:9

Eun kaw heulˊ meu maeeˊ Onesimasˊ kuˊ meuh awngˊ kati keutawnˊ leumeusˊ uiˊ naˊ eun. Eun ku meuh peue hk'aˊnaee peˊ ti peue. Ka kaw ris peˊ mhawngˊ lawng ka kuˊ kueˊ kuˊ meuh maenˊ naˊ gawmˊeucˊ ka.

1 Hteˊsalawˊniˊ 5:23

Kah Peucawoˊ Cawoˊ hk'aˊ kuit nyawkˊ kuit samˊran cumyenˊ naˊ Eun saicˊ peˊ seungaˊ chakˊ meun reuˊ. Yam Cawoˊ eˊ Yesuˊ Hkrit tang lih Eun naˊ, kah jawngkuiˊ tuˊ, hpumˊ maeeˊ citˊ civit peˊ naˊ unˊ laee kueˊ vang ri reuˊ.

Hpiˊleˊmon 1:23

Eˊpafasˊ, aˊmawo uiˊ kuˊ meuh peue htawngˊ hk'aˊnaee Yesuˊ Hkrit Eun naˊ, tawmˊ eun a eun lahˊ ri leunyeng ri mi.

Hebraeˊ 5:14

Daecti kuˊ hk'a cenˊ naˊ meuh ka pun ce nang keuting kuˊ hkvuikˊ ri gvah kuˊ chakˊ kuˊ unˊ chakˊ naˊ ri tuˊ ri naˊ meun laleung naˊ ce.

Hebraeˊ 5:7

Yam Yesuˊ utˊ Eun pang bhenˊ keuteˊ naˊ, Eun tan leukahˊ hk'oˊ munˊ maeeˊ leukahˊ hk'oˊhk'ang ri naˊ ri sengˊ lawsˊ ri maeeˊ leuumˊ ngaiˊ hk'uicˊ ri naˊ ri Peucawoˊ Cawoˊ cang teumˊkawm Eun pon hk'aˊ yeum naˊ Eun. Kopti Yesuˊ leuceng Eun ri ti Peucawoˊ Eun hk'aˊnaee vang hkopyawmˊ yumyamˊ ri naˊ, Peucawoˊ Eun leuceng leukahˊ Eun naˊ.

Yakopˊ 1:1

Htawm ti okˊ aenˊ na koˊ, meuh uiˊ Yakopˊ meuh mhaiˊ Eun Peucawoˊ maeeˊ mhaiˊ Eun Yesuˊ Hkrit, uiˊ temˊ ri tuilˊ a ri peue Iˊsarelaˊ kulˊleualˊ ceu puinˊ ri heulˊ utˊ maeeˊ peue ceu seubu naˊ peˊ.

Yakopˊ 1:4

Punta kaw peˊ keuting htonnuk unˊ laee cut yawmˊ saecˊ ti ceu naˊ, yeunˊhkam a rot tisutˊ ka reuˊ.

Yakopˊ 5:16

Kop awnˊ na, punta kaw peˊ pun ri baiˊ ri cuin naˊ, hk'oˊ peˊ va puri ris mapˊ ri naˊ ri puri maeeˊ hk'oˊ munˊ pun puri reuˊ. Leukahˊ hk'oˊ munˊ ce peue leupaws seumeuˊ naˊ kueˊ a tiˊca, a yeuh kuˊ chakˊ naˊ pucti lih.

2 Petruˊ 1:1

Htawm ti okˊ aenˊ na koˊ, meuh uiˊ Siˊmon Petruˊ meuh mhaiˊ meuh peue caee Eun Yesuˊ Hkrit, uiˊ temˊ ri tuilˊ a ri peue pun ri rap ri ti hk'aˊ yumˊ ngos heunˊ naˊ ce seunˊ uiˊ ri pun uiˊ ri rap ri ti a hk'aˊnaee hk'aˊ leupaws seumeuˊ Eun Yesuˊ Hkrit meuh Peucawoˊ Cawoˊ htut eˊ naˊ Eun.

Yuˊda 1:24

Sukˊseunˊ Peucawoˊ Cawoˊ cang roksaˊ peˊ unˊ va peˊ htangˊmeul naˊ Eun. Eun va peˊ heulˊ nanggalˊ ka vang kueˊ munhpungˊ Eun naˊ ri plotˊlon naˊ maeeˊ hk'aˊ renˊkawn keuting nyawkˊ naˊ.