Kawˊlawˊsaeˊ 3:1 - Plang (Blang)

¹ Kopti pun peˊ ri tang kuhˊ imˊ maeeˊ Hkrit Eun hawcˊ naˊ, kah hpumˊ peˊ naˊ kuit yawo pal kuˊ utˊ pang lhungˊ vang Hkrit utˊ Eun hk'aˊ tiˊ aˊtawmˊ Eun Peucawoˊ naˊ reuˊ.

Kawˊlawˊsaeˊ 3:1 ပူးပေါင်းရင်းမြစ်များ

Mahtae 22:44

‘Peucawoˊ lahˊ Eun a ri Cawoˊ uiˊ naˊ Eun, “Mokˊ hk'aˊ aˊtawmˊ Uiˊ naˊ rot ti uinˊ Uiˊ ransu Mi naˊ ce hk'aˊruim dak cung Mi naˊ reuˊ.” ’

Mahtae 26:64

Yesuˊ Eun lahˊ, “Euh, meuh Uiˊ seunˊ kuˊ lahˊ mi naˊ yeut. Uiˊ lahˊ a ri peˊ, hk'aˊ nanggalˊ naˊ kaw peˊ pun ri nyu Konˊ aiˊ peue naˊ mokˊ Eun hk'aˊ tiˊ aˊtawmˊ Eun Cawoˊ tiˊca keuting naˊ, maeeˊ peˊ kaw pun ri nyu lih Eun hk'aˊnaee putumˊ ka kuingˊ pang maoˊ naˊ.”

Mahtae 6:20

Daecti hk'onˊro vahtuˊ hk'ilˊ leumuil pun tuˊ ri naˊ meun nang kuingˊ pang maoˊ vang ruiing unˊ cang teunˊ ka, leuhoˊ a unˊ cang hk'a a naˊ maeeˊ conˊ ce unˊ cang lec ri ra pun a naˊ reuˊ.

Mahtae 6:33

Daecti sok kuingˊ Eun Peucawoˊ naˊ maeeˊ hk'aˊ leupaws seumeuˊ Eun naˊ nanggalˊ reuˊ. Hawcˊ koˊ, Eun ku kaw tuilˊ ceu nang awnˊ ce ri peˊ yeut.

Makuˊ 12:36

Davitˊ eun ku lahˊ a hk'aˊnaee cu ri Citˊ seungaˊ chakˊ naˊ yeuhkiˊ, ‘Peucawoˊ lahˊ Eun a ri Cawoˊ uiˊ naˊ Eun, “Mokˊ hk'aˊ aˊtawmˊ Uiˊ naˊ rot ti uinˊ Uiˊ ransu Mi naˊ ce hk'aˊruim dak cung Mi naˊ reuˊ.” ’

Makuˊ 14:62

Yesuˊ Eun lahˊ, “Euh, meuh Uiˊ yeut. Peˊ kaw pun ri nyu Konˊ aiˊ peue naˊ mokˊ Eun hk'aˊ tiˊ aˊtawmˊ Eun Cawoˊ tiˊca keuting naˊ, maeeˊ peˊ kaw pun ri nyu lih Eun hk'aˊnaee putumˊ ka kuingˊ pang maoˊ naˊ.”

Makuˊ 16:19

Yam Cawoˊ Yesuˊ hawcˊ lahˊ Eun a ri ce naˊ, Peucawoˊ Eun yuk Eun hukˊ nang kuingˊ pang maoˊ. Eun mokˊ hk'aˊ aˊtawmˊ Eun Peucawoˊ naˊ.

Luˊka 12:33

Paingˊ vahtuˊ hk'ilˊ leumuil peˊ naˊ tan a ri peue hk'oˊtukyak naˊ ce reuˊ. Sawngˊ rangraen tep paec unˊ cang deut pun ri meun reuˊ. Hk'onˊro vahtuˊ hk'ilˊ leumuil peˊ naˊ nang kuingˊ pang maoˊ vang unˊ laee eucˊ, vang conˊ unˊ cang de ce, vang ruiing unˊ cang teunˊ ka naˊ reuˊ.

Luˊka 20:42

Kopti tuˊ eun Davitˊ naˊ lahˊ eun a hk'aˊnaee htawm Sukˊseunˊ naˊ yeuhkiˊ, ‘Peucawoˊ lahˊ Eun a ri Cawoˊ uiˊ naˊ Eun, “Mokˊ hk'aˊ aˊtawmˊ Uiˊ naˊ

Luˊka 22:69

Daecti tangˊ neum seunyaenˊ naˊ, Konˊ aiˊ peue naˊ kaw Eun mokˊ hk'aˊ aˊtawmˊ Eun Peucawoˊ Cawoˊ tiˊca keuting naˊ.”

Peue caee 2:34

Davitˊ eun saecˊ unˊ nang hukˊ kuingˊ pang maoˊ, daecti eun ku lahˊ a, ‘Peucawoˊ lahˊ Eun a ri Cawoˊ uiˊ naˊ Eun, “Mokˊ hk'aˊ aˊtawmˊ Uiˊ naˊ

Peue caee 7:55

Daecti Satehpan eun kueˊ Citˊ seungaˊ chakˊ naˊ htonnuk. Eun mungˊ maoˊ naˊ, eun pun ri nyu munhpungˊ Eun Peucawoˊ naˊ maeeˊ Yesuˊ cawng Eun hk'aˊ aˊtawmˊ Eun Peucawoˊ naˊ.

Roˊma 8:34

aˊnhawˊ ciˊ kaw cang tangˊ aˊmu ri eˊ baee? Yesuˊ Hkrit Cawoˊ pun ri yeum naˊ, maeeˊ lheuˊ awnˊ na Peucawoˊ Eun yeuh Eun tang kuhˊ imˊ hawcˊ naˊ, maetˊmaenˊ Eun mokˊ hk'aˊ tiˊ aˊtawmˊ Eun Peucawoˊ. Eun ku buih hk'oˊ munˊ tangˊ eˊ.

Roˊma 8:6

Hpumˊ ce peue mapˊ naˊ va ka ce heulˊ lec hk'aˊ yeum naˊ. Daecti hpumˊ Citˊ seungaˊ uˊpeung ka naˊ va ka ce heulˊ lec hk'aˊ aˊyu naˊ maeeˊ hk'aˊ kuit nyawkˊ kuit samˊran cumyenˊ naˊ.

2 Kawˊrinhtuˊ 4:18

Kopti hpaw ya caˊ keueˊ ri kuˊ cang nyu ri naˊ, daecti keueˊ ya ri kuˊ unˊ cang nyu ri naˊ. Kopti kuˊ cang nyu ya naˊ kueˊ a ti vut ti yam yawo, daecti kuˊ unˊ cang nyu ya naˊ a kueˊ cotˊcu ri.

Eˊfeˊsuˊ 4:10

Punta kaw Eun baee saˊpahtaˊ ri kuˊ kueˊ pang maoˊ pang bhenˊ keuteˊ naˊ htonnuk naˊ, Kuˊ lih naˊ meuh a Kuˊ hukˊ pang lhungˊ hk'aˊpang kuingˊ pang maoˊ gawmˊeucˊ naˊ Eun hawcˊ.)

Eˊfeˊsuˊ 5:22

Beunˊ naˊ peˊ, leuceng ri ti leukahˊ ce me ri naˊ seunˊ leuceng peˊ ri ti leukahˊ Eun Peucawoˊ naˊ reuˊ.

Kawˊlawˊsaeˊ 2:20

Kopti pun peˊ ri yeum maeeˊ Hkrit Eun, peˊ pun ri pon hk'aiˊ kleumˊ ka ritroe ka bhenˊ keuteˊ naˊ hawcˊ naˊ, a ciˊ meuh kop keunhawˊ peˊ vaeeˊ kawnˊ meung utˊ ri hk'aˊruim ka ritroe naˊ seunˊ kawnˊ meuh peˊ isˊ ka bhenˊ keuteˊ naˊ?

Kawˊlawˊsaeˊ 3:2

Kah kamkuit peˊ naˊ kuit yawo pal kuˊ utˊ pang lhungˊ naˊ reuˊ, unˊ makˊ kuit kuˊ hk'aˊ bhenˊ keuteˊ naˊ.

Hebraeˊ 1:13

Peucawoˊ tawn lahˊ Eun, “Mokˊ hk'aˊ aˊtawmˊ Uiˊ naˊ rot ti yeuh Uiˊ ransu Mi naˊ ce meuh vang tangˊ cung Mi.” Eun hkuinˊ duing lahˊ a yeuh keutitˊ ri inˊhpom naˊ ce saecˊ ti peue.

Hebraeˊ 1:3

Konˊ aiˊ naˊ meuh Eun cengˊ ka munhpungˊ Eun Peucawoˊ naˊ. Hk'aˊ ku ceu naˊ Eun seunˊ Peucawoˊ Eun. Eun roksaˊ ku ceu gawmˊeucˊ naˊ ri leukahˊ tiˊca keuting ri naˊ. Hawcˊ saicˊ Eun ri tec mapˊ peue naˊ, Eun mokˊ hk'aˊ tiˊ aˊtawmˊ Eun Cawoˊ tiˊca keuting ka kuingˊ pang maoˊ naˊ Eun.

Hebraeˊ 10:12

Daecti yam Yesuˊ hawcˊ Eun tan kuˊ tan pun saicˊ ri tec mapˊ naˊ pun cotˊcu naˊ ti pok yawo naˊ, Eun mokˊ hk'aˊ tiˊ aˊtawmˊ Eun Peucawoˊ naˊ.

Hebraeˊ 12:2

Kah eˊ mungˊ Yesuˊ Cawoˊ kuˊ uˊpeung hk'aˊ yumˊ eˊ naˊ maeeˊ Cawoˊ yeuh hk'aˊ yumˊ eˊ naˊ htonnuk naˊ Eun. Kopti meuh a hk'aˊ renˊkawn utˊ nanggalˊ Eun naˊ, Eun hkamˊ ri rap ri ti kleumˊ rawngˊtawpˊ naˊ maeeˊ Eun unˊ uinˊ kuˊ hk'oˊkaic ka kleumˊ rawngˊtawpˊ naˊ nang hpumˊ ri. Eun pun ri mokˊ hk'aˊ aˊtawmˊ ka tenceoˊ Eun Peucawoˊ naˊ.

Hebraeˊ 8:1

Lawng kuˊ lahˊ eˊ naˊ yeuh a kiˊ, kueˊ eˊ peue jhawpˊ rit keuting yeuhkiˊ hawcˊ. Eun mokˊ hk'aˊ tiˊ aˊtawmˊ ka tenceoˊ Eun Cawoˊ tiˊca keuting nang kuingˊ pang maoˊ naˊ.

1 Petruˊ 3:22

Eun hukˊ nang kuingˊ pang maoˊ hawcˊ. Maetˊmaenˊ mokˊ Eun hk'aˊ tiˊ aˊtawmˊ Eun Peucawoˊ. Inˊhpom, cawoˊ kueˊ anˊnya maeeˊ cawoˊ kueˊ tiˊca naˊ utˊ ce hk'aˊruim tiˊca Eun naˊ.