Kawˊlawˊsaeˊ 1:18 - Plang (Blang)

¹⁸ Eun meuh cingˊ ka jawngkuiˊ tuˊ, cingˊ ce muk konˊ Hkrit naˊ. Punta kaw Eun meuh Cawoˊ tisutˊ hk'aˊpang ku ceu naˊ, Eun meuh vang la ri tangˊ naˊ maeeˊ Eun meuh nang kuhˊ imˊ hk'aiˊ vang yeum naˊ nanggalˊ.

Kawˊlawˊsaeˊ 1:18 ပူးပေါင်းရင်းမြစ်များ

Mahtae 23:8

Daecti peˊ naˊ pawlaee kah aˊnhawˊ klawng ri meuh ‘seuraˊ’. Kopti kueˊ peˊ seuraˊ ti peue yawo. Peˊ ri, meuh peˊ ecˊawngˊ puri gawmˊeucˊ.

Mahtae 28:18

Yesuˊ Eun sat ri ingˊ de ce. Eun lahˊ, “Tiˊca ka kuingˊ pang maoˊ naˊ maeeˊ bhenˊ keuteˊ naˊ gawmˊeucˊ pun a ri ap ri ri Uiˊ hawcˊ.

Yoˊhan 1:1

Tangˊ neum yamla ka naˊ, kueˊ a Leukahˊ. Leukahˊ awnˊ Eun utˊ maeeˊ Peucawoˊ Eun. Leukahˊ awnˊ Eun meuh Peucawoˊ Eun.

Yoˊhan 1:16

Eˊ ri gawmˊeucˊ, eˊ pun munˊ naˊ ti pok hawcˊ ti pok neum munˊ htonnuk Eun naˊ.

Yoˊhan 1:27

Eun meuh peue ingˊ hotˊ uiˊ. Pal yawo kaw uiˊ unˊ kuingˊ ri kahˊ muˊ jhaepˊ Eun naˊ.”

Peue caee 26:23

Ce lahˊ, ‘Hkrit kaw Eun pun ri tukhka, Eun kaw yeuh peue Yuˊda maeeˊ peue unˊ meuh peue ceu Yuˊda naˊ ce nyu kuˊ cengˊ. Eun meuh peue tang kuhˊ imˊ nanggalˊ ri peue.’ ”

Roˊma 8:29

Kopti punta Konˊ aiˊ Eun naˊ kaw Eun meuh konˊ nanggalˊ hk'aˊnaee ecˊawngˊ heunˊ peue naˊ ce, peue leuk Eun ri uinˊ tangˊ neum nanggalˊ naˊ Eun tangˊ ri uinˊ ce meuh seunˊ Konˊ aiˊ ri koˊ.

1 Kawˊrinhtuˊ 11:3

Daecti sumˊ kah uiˊ peˊ pawn Hkrit meuh Eun cingˊ ce me naˊ ce ku peue ri, me naˊ eun meuh cingˊ eun beunˊ naˊ, Peucawoˊ Eun meuh cingˊ Eun Hkrit.

1 Kawˊrinhtuˊ 12:27

Meuh peˊ jawngkuiˊ tuˊ Eun Hkrit. Peˊ ri ti peue hawcˊ ti peue peˊ meuh hk'eung ka jawngkuiˊ tuˊ awnˊ a.

1 Kawˊrinhtuˊ 15:25

Kopti Hkrit kaw Eun kah ri uˊpeung kuingˊ naˊ rot ti yam yeuh Eun ransu ri naˊ ce utˊ hk'aˊruim ka dak cung ri naˊ gawmˊeucˊ naˊ.

Eˊfeˊsuˊ 1:10

Alo ruiˊ nyawkˊ Eun naˊ meuh a, a lawn rot yam ka naˊ, Peucawoˊ Eun kaw ti ri cu hk'onˊ kuˊ kueˊ pang maoˊ maeeˊ pang bhenˊ keuteˊ naˊ ku ceu ka hk'aˊruim Hkrit Eun.

Eˊfeˊsuˊ 5:23

Kopti me naˊ meuh eun cingˊ eun beunˊ naˊ seunˊ Hkrit meuh Eun cingˊ ce muk konˊ Hkrit naˊ. Hkrit Eun ku meuh Cawoˊ teumˊkawm htut muk konˊ Hkrit kuˊ meuh jawngkuiˊ tuˊ Eun naˊ ce lawtpon yeut.

Kawˊlawˊsaeˊ 1:24

Maetˊmaenˊ, renˊkawn uiˊ maeeˊ kuˊ pun uiˊ ri hkamˊ hk'aˊ tukhka pun peˊ naˊ. Kuˊ tukhka Hkrit pun Eun ri hkamˊ kuˊ kawnˊ vang naˊ, buih seueˊ uiˊ a htonnuk hk'aˊnaee tuˊ ri naˊ pun jawngkuiˊ tuˊ Eun naˊ. Jawngkuiˊ tuˊ Eun naˊ meuh a muk konˊ Hkrit naˊ ce.

Kawˊlawˊsaeˊ 2:19

Ce seunˊ jawngkuiˊ tuˊ unˊ toˊ ri ri Cawoˊ kuˊ meuh cingˊ naˊ Eun koˊ. Cawoˊ aenˊ Eun meuh Cawoˊ yeuh jawngkuiˊ tuˊ gawmˊeucˊ naˊ toˊ ri ri puri ri jhawngˊ naˊ maeeˊ seunak naˊ. A yeuh jawngkuiˊ tuˊ awnˊ a keuting hukˊhawnˊ hotˊ seunˊ kuˊ Peucawoˊ kah Eun a keuting hukˊhawnˊ naˊ.

1 Yoˊhan 1:1

Lawng leukahˊ aˊyu imˊ kueˊ tangˊ neum yamla ri naˊ paoˊ uiˊ a ri peˊ. A meuh leukahˊ pun eˊ ri mhawngˊ, pun eˊ ri nyu a tamˊ ngaiˊ ri, pun eˊ ri nawk a maeeˊ pun eˊ ri paicˊ a ri tiˊ ri.

Tuhˊ ri tuilˊ 1:18

Uiˊ meuh kuˊ aˊyu imˊ naˊ Eun. Yeum Uiˊ hawcˊ, daecti keueˊ reuˊ, suip Uiˊ ri aˊyu imˊ cotˊcu ri. Hk'aˊ yeum naˊ maeeˊ kuingˊ yeum naˊ Uiˊ jhawpˊ pakhkeucaeˊ ka naˊ.

Tuhˊ ri tuilˊ 1:5

maeeˊ lih neum Yesuˊ Hkrit Cawoˊ hkamˊ saˊhkiˊ kati keutawnˊ kuˊ meuh Cawoˊ tang kuhˊ imˊ hk'aiˊ vang yeum ri nanggalˊ peue, Eun meuh Cawoˊ uˊpeung hk'aˊpang hkunˊhawˊhkamˊ pang bhenˊ keuteˊ naˊ ce gawmˊeucˊ naˊ kueˊ ri peˊ reuˊ. Yesuˊ Hkrit leumeusˊ Eun eˊ. Eun yeuh eˊ pon mapˊ ri ri nhamˊ ri naˊ.

Tuhˊ ri tuilˊ 1:8

Cawoˊ Peucawoˊ lahˊ Eun, “Meuh uiˊ Alfa maeeˊ Omega. Aˊyu imˊ Uiˊ maetˊmaenˊ maeeˊ yam pon heulˊ naˊ maeeˊ hk'aˊ nhaˊ hk'aˊ nanggalˊ naˊ. Uiˊ meuh Cawoˊ tiˊca keuting.”

Tuhˊ ri tuilˊ 11:15

Yam inˊhpom aˊres peue ti peue naˊ puingˊ eun piˊtaeˊraeˊ ri naˊ, a kueˊ sengˊ lawsˊ nyawkˊ heunˊ sengˊ a lawsˊ lih neum kuingˊ pang maoˊ naˊ. A lahˊ, “Kuingˊ ka bhenˊ keuteˊ naˊ keutˊ a ri meuh kuingˊ Eun Peucawoˊ eˊ naˊ maeeˊ kuingˊ Eun Hkrit naˊ hawcˊ. Eun kaw uˊpeung a cotˊcu ri.”

Tuhˊ ri tuilˊ 21:6

Hawcˊ koˊ, Eun lahˊ a ri uiˊ, “Hawcˊ ka hawcˊ. Meuh Uiˊ Alfa maeeˊ Omega. Meuh uiˊ kleumˊ ka maeeˊ ngoc ka. Aˊnhawˊ lawn sumˊ nyui leuumˊ koˊ, Uiˊ kaw tuilˊ eun nyui leuumˊ neum keutuiˊ leuumˊ civit imˊ naˊ, eun hkuinˊ kaw tuilˊ ngos ka.

Tuhˊ ri tuilˊ 22:13

Meuh Uiˊ Alfa maeeˊ Omega. Meuh uiˊ kleumˊ ka maeeˊ ngoc ka. Meuh uiˊ kleumˊ yamla naˊ maeeˊ yam tisutˊ naˊ.

Tuhˊ ri tuilˊ 3:14

Temˊ ri tuilˊ htawm ri inˊhpom ce muk konˊ Hkrit Laodisia naˊ eun yeuh keutitˊ, ‘Cawoˊ Amin kuˊ meuh Cawoˊ hkamˊ saˊhkiˊ kati keutawnˊ leupaws seumeuˊ kuˊ uˊpeung kuˊ hpanplengˊ Eun Peucawoˊ naˊ gawmˊeucˊ naˊ Eun lahˊ a yeuh keutitˊ,