Hebraeˊ 7:16 - Plang (Blang)

¹⁶ meuh Eun peue jhawpˊ rit naˊ ri cu Eun hotˊ ritroe ce ceucat ri naˊ, a hkuinˊ meuh, daecti meuh Eun peue jhawpˊ rit naˊ ri cu Eun tiˊca ka civit kuˊ unˊ cang lulaic naˊ.

Hebraeˊ 7:16 ပူးပေါင်းရင်းမြစ်များ

Roˊma 7:14

Yawng eˊ leukahˊ ritroe naˊ lih a neum Citˊ seungaˊ naˊ. Daecti uiˊ gup meuh yawo peue. Uiˊ pun ri paingˊ ri meuh mhaiˊ ka mapˊ naˊ.

Galatiˊ 4:3

Seunˊ awnˊ na, yam kawnˊ buih meuh eˊ konˊ nyom aetˊ naˊ, eˊ pun ri meuh mhaiˊ utˊ hk'aˊruim hk'aˊ uˊpeung ka ritroe bhenˊ keuteˊ naˊ ce.

Galatiˊ 4:9

Daecti maetˊmaenˊ yawng peˊ Peucawoˊ Eun hawcˊ, neumneum ka naˊ koˊ, Peucawoˊ yawng Eun peˊ ri. A ciˊ yeuh keunhawˊ peˊ vaeeˊ kawnˊ tang sumˊ hpawtˊ ri ingˊ ri kuˊ kawlˊreng kloe kuˊ hk'oˊtukyak naˊ? Tang sumˊ meuh peˊ mhaiˊ ka ceu nang awnˊ ce baee aw?

Kawˊlawˊsaeˊ 2:14

Eun yeuh htawm yeuh kati satˊcaˊ kuˊ mawt eˊ ri ritroe kuˊ hamˊtap toˊtamˊ eˊ naˊ ce meuh kuˊ hk'oˊhk'awngˊ. Eun ti ri tawkˊ ri tec htawm aenˊ na pang kleumˊ rawngˊtawpˊ naˊ.

Kawˊlawˊsaeˊ 2:20

Kopti pun peˊ ri yeum maeeˊ Hkrit Eun, peˊ pun ri pon hk'aiˊ kleumˊ ka ritroe ka bhenˊ keuteˊ naˊ hawcˊ naˊ, a ciˊ meuh kop keunhawˊ peˊ vaeeˊ kawnˊ meung utˊ ri hk'aˊruim ka ritroe naˊ seunˊ kawnˊ meuh peˊ isˊ ka bhenˊ keuteˊ naˊ?

Hebraeˊ 10:1

Leukahˊ ritroe naˊ gup meuh ka aˊlawng ka kuˊ chakˊ kaw ingˊ rot naˊ, hpaw a caˊ meuh kuˊ neumneum. Kop awnˊ na, kuˊ tan tan ce ku neum a unˊ laee kueˊ vang sutˊ vang hawcˊ naˊ, a hkuinˊ cang yeuh peue ingˊ hk'oˊ munˊ naˊ ce htonnuk.

Hebraeˊ 7:15

Kuˊ lahˊ eˊ rot ri ka naˊ eˊ kaw gawm nyu a glihˊgleuengˊ, peue jhawpˊ rit seubu seunˊ Melhkisedekˊ naˊ Eun lawn tang pucti lih koˊ,

Hebraeˊ 7:17

Hotˊ kuˊ lahˊ ri naˊ, “Meuh Mi peue jhawpˊ rit cotˊcu seunˊ Melhkisedekˊ eun koˊ.”

Hebraeˊ 7:21

daecti Yesuˊ pun Eun ri meuh peue jhawpˊ rit naˊ ri leukahˊ hkamˊ saˊhkiˊ yam Peucawoˊ lahˊ Eun a ri Heun, “Peucawoˊ hkamˊ Eun saˊhkiˊ hawcˊ, Eun hkuinˊ kaw laee leuplohˊ hpumˊ ri naˊ, ‘Kaw Mi meuh peue jhawpˊ rit cotˊcu.’ ”

Hebraeˊ 7:28

Leukahˊ ritroe naˊ tangˊ a ri uinˊ peue kawlˊreng kloe naˊ ce meuh peue jhawpˊ rit keuting, daecti leukahˊ kati Eun Peucawoˊ kuˊ ingˊ hotˊ ka leukahˊ ritroe naˊ a tangˊ ri uinˊ Konˊ aiˊ kuˊ htonnuk cotˊcu naˊ Eun meuh Peue jhawpˊ rit keuting.

Hebraeˊ 7:3

Makuiingˊ eun ka ciˊ meuh aˊnhawˊ, eun ciˊ ingˊ neum ceucat aˊnhawˊ maeeˊ aˊyu eun naˊ a ciˊ tangˊ ri yamnhawˊ, a ciˊ sutˊ yamnhawˊ naˊ, a unˊ kueˊ htawm temˊ ri uinˊ ka. Melhkisedekˊ eun meuh peue jhawpˊ rit seunˊ Konˊ aiˊ Eun Peucawoˊ naˊ Eun cotˊcu ri koˊ.

Hebraeˊ 9:14

Lheuˊ awnˊ na, nhamˊ Eun Hkrit kuˊ unˊ laee kueˊ vang ri kuˊ tan meun Eun ri Peucawoˊ Eun Citˊ seungaˊ cotˊcu Eun naˊ, a jaen saicˊ ri tec kuˊ yeuh eˊ heulˊ ri hk'aˊ yeum naˊ hk'aiˊ hpumˊ cang yawng eˊ naˊ, punta kaw eˊ cang yeuh mhaiˊ Eun Peucawoˊ Cawoˊ aˊyu imˊ naˊ Eun.

Tuhˊ ri tuilˊ 1:18

Uiˊ meuh kuˊ aˊyu imˊ naˊ Eun. Yeum Uiˊ hawcˊ, daecti keueˊ reuˊ, suip Uiˊ ri aˊyu imˊ cotˊcu ri. Hk'aˊ yeum naˊ maeeˊ kuingˊ yeum naˊ Uiˊ jhawpˊ pakhkeucaeˊ ka naˊ.