Hebraeˊ 5:11 - Plang (Blang)

¹¹ Lheuˊ uiˊ ri kuˊ kaw lahˊ ri lawng aenˊ na, daecti kopti yak rin peˊ ri pun a naˊ, a nyhapˊ ri ris peˊ mhawngˊ a nyawkˊ.

Hebraeˊ 5:11 ပူးပေါင်းရင်းမြစ်များ

Mahtae 13:15

Kopti hpumˊ ce peue ceu aenˊ cenˊ ka. Yhukˊ ce naˊ a unˊ leuceng. Ngaiˊ ce naˊ a ku yep ri. A lawn unˊ yeuh keutitˊ koˊ, ce kaw pun ri nyu ri ngaiˊ ri naˊ, mhawngˊ ri yhukˊ ri naˊ, yawng ri hpumˊ ri naˊ, hpawtˊ ce ri ingˊ naˊ. Hawcˊ koˊ, Uiˊ kaw baiˊ ce cuin.’

Makuˊ 8:21

Eun lahˊ a ri ce, “Unˊ nang cengˊ peˊ aw?”

Luˊka 24:25

Yesuˊ Eun lahˊ a ri ka, “Peue ngaˊ aenˊ paˊ, saecˊ hpumˊ paˊ naˊ a ku yak yumˊ leukahˊ lahˊ ce peue suip leukahˊ Eun Peucawoˊ naˊ gawmˊeucˊ ka.

Yoˊhan 16:12

Kawnˊ kueˊ Uiˊ kuˊ kaw lahˊ ri peˊ heunˊ, a kawnˊ lheuˊ hk'aiˊ kuˊ kaw peˊ cang rap ri ti maetˊmaenˊ naˊ.

Yoˊhan 6:6

Mhaingˊ Eun Hpilipˊ eun yeuhkoˊ naˊ meuh a sumˊ long Eun ri nawk eun. Kopti kuˊ kaw Eun yeuh keunhawˊ naˊ lahˊ Eun ri uinˊ a nanggalˊ hawcˊ.

Peue caee 28:27

Kopti hpumˊ ce peue ceu aenˊ cenˊ ka. Yhukˊ ce naˊ a unˊ leuceng. Ngaiˊ ce naˊ a ku yep ri. A lawn unˊ yeuh keutitˊ koˊ, ce kaw pun ri nyu ri ngaiˊ ri naˊ, mhawngˊ ri yhukˊ ri naˊ, yawng ri hpumˊ ri naˊ, hpawtˊ ce ri ingˊ naˊ. Hawcˊ koˊ, Uiˊ kaw baiˊ ce cuin.’

Hebraeˊ 5:10

Peucawoˊ Eun tangˊ ri uinˊ Eun meuh peue jhawpˊ rit keuting seunˊ Melhkisedekˊ eun koˊ.

Hebraeˊ 5:12

Neumneum ka naˊ koˊ, lingˊlangˊ a peunawˊ hawcˊ naˊ htukˊ peˊ ri meuh seuraˊ hawcˊ. Daecti kawnˊ kaw peˊ loˊ peue sangsawnˊ lawng kleumˊ ka leukahˊ neumneum Eun Peucawoˊ gawmˊeucˊ naˊ ri peˊ baee. Htukˊ peˊ ri kawnˊ nyui leuumˊ pui, unˊ meuh kuˊ hk'a cenˊ naˊ.

2 Petruˊ 3:16

Htawm Seungaˊ temˊ eun naˊ ku okˊ ka, temˊ eun lawng seunˊ aenˊ a naˊ yeut. Hk'aˊnaee htawm eun naˊ, a kueˊ lawng kuˊ nyhapˊ ri yawng naˊ ngonˊ. Peue unˊ yawng meulamlam ri unˊ keutawnˊ naˊ ce koˊ, ce hpawtˊ leukahˊ eun naˊ seunˊ hpawtˊ ce htawm Seungaˊ ton seubu naˊ. Ce ti hk'aˊ lulaic naˊ ingˊ ri ti meun.