Hebraeˊ 10:10 - Plang (Blang)

¹⁰ Kopti meuh a alo Eun Peucawoˊ aenˊ a naˊ, eˊ pun hk'aˊ saicˊ ri seungaˊ chakˊ naˊ ri Yesuˊ Hkrit tan Eun tuˊ ri naˊ meuh kuˊ tan naˊ ti pok yawo a hk'oˊ hawcˊ.

Hebraeˊ 10:10 ပူးပေါင်းရင်းမြစ်များ

Hebraeˊ 10:14

Kopti meuh a kop hk'aˊ tan yeuh Eun ti pok yawo naˊ a yeuh peue rap ri ti hk'aˊ saicˊ ri seungaˊ naˊ ce htonnuk cotˊcu ri.

Hebraeˊ 10:12

Daecti yam Yesuˊ hawcˊ Eun tan kuˊ tan pun saicˊ ri tec mapˊ naˊ pun cotˊcu naˊ ti pok yawo naˊ, Eun mokˊ hk'aˊ tiˊ aˊtawmˊ Eun Peucawoˊ naˊ.

1 Kawˊrinhtuˊ 6:11

Peˊ ri ngonˊ, pe ku tawn meuh peue yeuh keutitˊ yeut. Daecti pun peˊ ri saicˊ, pun peˊ ri yeuh ri seungaˊ hawcˊ. Peˊ pun ri sawnˊ ri meuh peue leupaws seumeuˊ hk'aˊnaee muis Eun Cawoˊ Yesuˊ Hkrit maeeˊ hk'aˊnaee Citˊ seungaˊ Eun Peucawoˊ eˊ naˊ Eun hawcˊ.

Hebraeˊ 7:27

Yesuˊ Eun hkuinˊ loˊ tan kuˊ tan naˊ ku seunyi seunˊ peue jhawpˊ rit keuting kuˊ seubu naˊ ce. Ce kah ri tan kuˊ tan naˊ pun mapˊ ri naˊ meun nanggalˊ, hawcˊ koˊ ce kawnˊ tan kuˊ tan pun mapˊ ce peue seubu naˊ. Yesuˊ tan Eun tuˊ ri naˊ meun meuh kuˊ tan pun mapˊ ce peue gawmˊeucˊ naˊ ti pok yawo a hk'oˊ hawcˊ.

Yoˊhan 17:19

Punta kaw ce pun ri saicˊ ri seungaˊ chakˊ ri hk'aˊ neumneum naˊ, kopti meuh a ce ri, Uiˊ saicˊ ri seungaˊ chakˊ meun.

Hebraeˊ 13:12

Yesuˊ Eun ku seunˊ awnˊ na yeut. Punta kaw Eun saicˊ peue naˊ peue seungaˊ chakˊ ri nhamˊ ri naˊ, Eun pun ri tukhka hk'aˊnok ka bawlˊ leuvaˊ ka veng naˊ.

1 Kawˊrinhtuˊ 1:30

Kopti meuh a Peucawoˊ Eun, peˊ pun ri utˊ hk'aˊnaee Yesuˊ Hkrit Cawoˊ meuh cuˊyi neum Peucawoˊ Eun pun eˊ naˊ Eun. Aenˊ a meuh hk'aˊ leupaws seumeuˊ, hk'aˊ seungaˊ chakˊ maeeˊ hk'aˊ htut lawtpon eˊ naˊ.

Hebraeˊ 9:28

Hkrit Eun ku tan tuˊ ri naˊ meun ti pok yawo punta kaw Eun saicˊ ri tec mapˊ ce peue heunˊ naˊ. Eun kaw tang lih baee lalˊ pok ti pok. A hkuinˊ kaw laee meuh punta kaw Eun lih peus mapˊ naˊ, daecti a meuh punta kaw Eun lih tuilˊ hk'aˊ htut lawtpon naˊ ri peue buih koˊ Eun naˊ ce.

Hebraeˊ 9:12

Eun hkuinˊ lec a ri nhamˊ ka aˊpe naˊ, aˊkoˊ nhamˊ ka aˊmoe naˊ. Daecti Eun lec vang seungaˊ chakˊ nyawkˊ hk'aiˊ peue naˊ ri nhamˊ ri naˊ meun. Eun yeuh a kiˊ ti pok yawo a hk'oˊ, a ku pun hk'aˊ htut lawtpon hk'aiˊ mapˊ cotˊcu naˊ ingˊ.

1 Petruˊ 2:24

Punta yeum eˊ hk'aˊnaee mapˊ ri naˊ eˊ kaw pun ri aˊyu imˊ pun hk'aˊ leupaws seumeuˊ naˊ, Eun peus mapˊ eˊ naˊ ri tuˊ ri naˊ pang kleumˊ rawngˊtawpˊ naˊ. Kopti meuh a vang suiˊ Eun naˊ, peˊ pun ri baiˊ ri cuin hawcˊ.

Hebraeˊ 10:20

ri cu eˊ hk'aˊ hk'uˊ kueˊ civit imˊ kuˊ tahˊ hpenˊ kangˊ eˊ hpaˊ lec a ingˊ naˊ, a meuh tuˊ Eun Yesuˊ naˊ,

Hebraeˊ 9:26

A lawn yeuh keutitˊ koˊ, Hkrit naˊ Eun chakˊ pun ri hkamˊ hk'aˊ tukhka naˊ heunˊ pok tangˊ neum yam hpanplengˊ bhenˊ keuteˊ naˊ. Daecti punta kaw Eun ti ri tec mapˊ naˊ gawmˊeucˊ ri tan Eun tuˊ ri naˊ meun meuh kuˊ tan naˊ, maetˊmaenˊ puc Eun ri lih cu hk'aˊnaee yam tisutˊ naˊ ti pok yawo a hk'oˊ.

Hebraeˊ 2:14

Kopti konˊhk'i naˊ peus ce nhamˊ keune ri naˊ, Eun ku ingˊ peus nhamˊ keune naˊ maeeˊ ce yeut. Punta kopti meuh a hkamˊ Eun ri yeum naˊ, Eun kaw cang yeuh seucaˊ cawoˊ uˊpeung tiˊca ka hk'aˊ yeum naˊ lulaic heulˊ,

1 Yoˊhan 5:6

Yesuˊ Hkrit ingˊ Eun ri leuumˊ maeeˊ nhamˊ. Eun hkuinˊ ingˊ ri leuumˊ palkoe, daecti Eun ingˊ ri leuumˊ maeeˊ nhamˊ naˊ. Citˊ seungaˊ naˊ a meuh saˊhkiˊ ka, kopti Citˊ seungaˊ naˊ meuh a kuˊ neum.

Yoˊhan 19:34

Daecti peue suikˊ ti peue naˊ eun sawtˊ seuangˊ hk'ukˊ Eun Yesuˊ naˊ ri bles naˊ. Nhamˊ naˊ maeeˊ leuumˊ naˊ a keulawnˊ pucti lih.

Hebraeˊ 2:11

Cawoˊ kuˊ yeuh peue seungaˊ chakˊ naˊ Eun maeeˊ peue yeuh Eun seungaˊ chakˊ naˊ ce ingˊ meuh peue nya peue hk'ulˊ ti nya. Kop awnˊ na, Yesuˊ Eun unˊ kaic ri kaw ri klawng ce meuh ecˊawngˊ ri.

Hebraeˊ 10:5

Kop awnˊ na yam Hkrit lih Eun pang bhenˊ keuteˊ naˊ, Eun lahˊ, “Peucawoˊ, hpaw Mi caˊ sumˊ isˊ kuˊ dum ri tan naˊ maeeˊ kuˊ tan naˊ, daecti rangraen Mi ri uinˊ jawngkuiˊ tuˊ pun Uiˊ keuhti hawcˊ.

Yoˊhan 6:51

Meuh Uiˊ kuˊ hk'a lih neum kuingˊ pang maoˊ. Aˊnhawˊ lawn pun ri hk'a kuˊ hk'a aenˊ a koˊ, eun kaw aˊyu imˊ heulˊ cotˊcu ri. Kuˊ hk'a aenˊ a meuh keune Uiˊ. Punta peue bhenˊ keuteˊ aenˊ kaw a pun aˊyu naˊ, Uiˊ kaw tuilˊ a.”

Eˊfeˊsuˊ 5:2

Aˊyu imˊ hk'aˊnaee hk'aˊ leumeusˊkeus naˊ seunˊ Hkrit leumeusˊ Eun eˊ ku peue naˊ reuˊ. Eun tuilˊ meun tuˊ ri naˊ meuh seunˊ kuˊ tan kueˊ aiˊ homˊ maeeˊ seunˊ kuˊ dum ri tan ri Peucawoˊ Eun naˊ pun eˊ.

Eˊfeˊsuˊ 5:26

punta kaw Eun yeuh muk konˊ Hkrit naˊ ce seungaˊ chakˊ ri saicˊ ce ri leuumˊ neum leukahˊ ri naˊ,

Hebraeˊ 5:7

Yam Yesuˊ utˊ Eun pang bhenˊ keuteˊ naˊ, Eun tan leukahˊ hk'oˊ munˊ maeeˊ leukahˊ hk'oˊhk'ang ri naˊ ri sengˊ lawsˊ ri maeeˊ leuumˊ ngaiˊ hk'uicˊ ri naˊ ri Peucawoˊ Cawoˊ cang teumˊkawm Eun pon hk'aˊ yeum naˊ Eun. Kopti Yesuˊ leuceng Eun ri ti Peucawoˊ Eun hk'aˊnaee vang hkopyawmˊ yumyamˊ ri naˊ, Peucawoˊ Eun leuceng leukahˊ Eun naˊ.

Hebraeˊ 9:14

Lheuˊ awnˊ na, nhamˊ Eun Hkrit kuˊ unˊ laee kueˊ vang ri kuˊ tan meun Eun ri Peucawoˊ Eun Citˊ seungaˊ cotˊcu Eun naˊ, a jaen saicˊ ri tec kuˊ yeuh eˊ heulˊ ri hk'aˊ yeum naˊ hk'aiˊ hpumˊ cang yawng eˊ naˊ, punta kaw eˊ cang yeuh mhaiˊ Eun Peucawoˊ Cawoˊ aˊyu imˊ naˊ Eun.

Hebraeˊ 10:29

Peue japˊbuin unˊ nawpsang Konˊ aiˊ Eun Peucawoˊ, eun sawnˊ nhamˊ kati satˊcaˊ kuˊ saicˊ eun seungaˊ chakˊ naˊ unˊ kueˊ tiˊca maeeˊ eun japˊbuin unˊ nawpsang Citˊ seungaˊ ka munˊ sinˊ naˊ koˊ, peˊ ciˊ kuit eun ciˊ naˊ kaw pe pun ri hkamˊ hk'aˊ ciyang naˊ lheuˊ awnˊ na aˊneng?

1 Petruˊ 3:18

Kopti Hkrit yeum Eun naˊ meuh a punta saicˊ Eun ri tec mapˊ naˊ gawmˊeucˊ ti pok a hk'oˊ. Aenˊ na koˊ, peue leupaws seumeuˊ naˊ Eun pun ri hkamˊ ri yeum tangˊ peue unˊ leupaws seumeuˊ naˊ ce punta kaw Eun va ce ingˊ ri Peucawoˊ Eun naˊ. Tuˊ Eun naˊ a saecˊ yeum, daecti Eun tang kuhˊ imˊ hk'aˊnaee Citˊ seungaˊ naˊ.