2 Tiˊmoˊse 2:24 - Plang (Blang)

²⁴ Mhaiˊ Eun Peucawoˊ naˊ unˊ kah ri meuh nang kleucˊ peue, daecti kah ri meuh peue hpumˊ onawnˊ ri peue gawmˊeucˊ, cang sangsawnˊ peue, cang yeunˊhkam.

2 Tiˊmoˊse 2:24 ပူးပေါင်းရင်းမြစ်များ

Mahtae 12:19

Eun hkuinˊ kaw kleucˊ leumeul aˊnhawˊ, aˊkoˊ hkuinˊ kaw taˊulˊ sengˊ lawsˊ. Aˊnhawˊ hkuinˊ kaw mhawngˊ sengˊ klawng Eun nang gonˊhk'aˊ.

Yoˊhan 6:52

Hawcˊ koˊ, peue Yuˊda naˊ ce htuˊhtingˊ puri lahˊ, “Peue aenˊ Eun ciˊ kaw cang tuilˊ eˊ hk'a keune ri naˊ yeuh saˊnhawˊ?”

Peue caee 15:2

Kopti meuh a leukahˊ sangsawnˊ aenˊ a naˊ, Pawˊlu eun maeeˊ Banabasˊ ka htuˊhtingˊ ce nyawkˊ. Kop awnˊ na, punta kaw ce hukˊ mhaingˊ lawng kuˊ kleucˊ aenˊ a ri peue caee Eun Yesuˊ naˊ ce maeeˊ roˊkan nang kawt naˊ ce nang veng Yeruˊsalaem naˊ, ce leuk Pawˊlu, Banabasˊ maeeˊ peue yumˊ naˊ ce ngonˊ ce hukˊ.

Peue caee 23:9

Kop awnˊ na, ce seutuin seutan. Peue guil leukahˊ ritroe kuˊ meuh peue Hparisaeˊ naˊ ce ngonˊ, ce yuk ri kuhˊ htuˊhtingˊ blihˊ ri. Ce lahˊ, “Unˊ nyu ye kuˊ kleucˊ hk'aˊnaee peue aenˊ eun saecˊ ti ceu. Citˊ unˊ lahˊ, inˊhpom naˊ ce unˊ lahˊ, ce lawn naˊ leukahˊ maeeˊ heun koˊ, peˊ ciˊ kaw lahˊ a yeuh saˊnhawˊ?”

Peue caee 7:26

Hawcˊ awnˊ na ti seunyi, Moˊse eun nyu peue Iˊsarelaˊ lalˊ peue naˊ kleucˊ ka puri. Eun hamˊ ka lahˊ a ri ka, ‘Aˊmawo, meuh paˊ ecˊawngˊ. A ciˊ yeuh keunhawˊ, paˊ vaeeˊ kleucˊ puri?’

2 Kawˊrinhtuˊ 10:1

Uiˊ ri, meuh uiˊ Pawˊlu. Uiˊ hk'oˊhk'ang a ri peˊ hk'aˊnaee hpumˊ onawnˊ Eun Hkrit naˊ. Yam utˊ uiˊ maeeˊ peˊ naˊ, lahˊ peˊ uiˊ hpumˊ onawnˊ. Daecti yam utˊ uiˊ seungai peˊ naˊ, peˊ lahˊ uiˊ hpumˊ hatˊhanˊ.

2 Kawˊrinhtuˊ 10:4

Hk'eung anˊnya ya naˊ a hkuinˊ meuh hk'eung anˊnya ka bhenˊ keuteˊ naˊ, daecti a meuh hk'eung anˊnya kueˊ tiˊca Eun Peucawoˊ. A cang yeuh tawp naˊ ce lhuˊjah heulˊ.

2 Kawˊrinhtuˊ 6:4

Daecti punta kaw peue yawng meuh ya peue yeuh kanˊ Eun Peucawoˊ naˊ, ya yeuh ku hk'aˊ ku ceu naˊ hk'aˊnaee hk'aˊ yeunˊhkam, hk'aˊ tukhka naˊ maeeˊ hk'aˊ nyhapˊ naˊ.

Galatiˊ 5:22

Daecti pliˊ ka Citˊ seungaˊ naˊ a meuh hk'aˊ leumeusˊkeus, hk'aˊ renˊkawn, hk'aˊ kuit nyawkˊ kuit samˊran cumyenˊ, hk'aˊ yeunˊhkam, hk'aˊ cang tukyak, hk'aˊ chakˊ, hk'aˊ kati keutawnˊ,

Eˊfeˊsuˊ 4:2

Yeuh hpumˊ ri tem onawnˊ hk'aˊnaee ku ceu naˊ, eutˊ hpumˊ yeunˊhkam ri puri hk'aˊnaee hk'aˊ leumeusˊkeus naˊ reuˊ.

Hpiˊliˊpiˊ 2:14

Punta kaw peˊ unˊ laee kueˊ vang ri naˊ maeeˊ kaw peˊ kueˊ hk'aˊ seungaˊ chakˊ naˊ seunˊ meuh peˊ konˊhk'i Eun Peucawoˊ unˊ laee kueˊ vang ri hk'aˊnaee peue chiˊlai ri hk'a naˊ ce naˊ, kah peˊ yeuh ku ceu naˊ hk'aˊnaee vang unˊ vuinvaw peˊ, aˊkoˊ unˊ htuˊhtingˊ puri naˊ reuˊ. Htukˊ peˊ ri tilˊ kuˊ cengˊ naˊ nang ngonˊ ce peue mapˊ naˊ seunˊ seumeuengˊ naˊ tilˊ a pang maoˊ naˊ koˊ.

Hpiˊliˊpiˊ 2:3

Pawlaee yeuh ri sumˊ lhungˊ sumˊ keuting, pawlaee kuit yawo pun tuˊ ri naˊ palkoe, daecti yeuh a hk'aˊnaee hpumˊ onawnˊ ri, sawnˊ peue ri chakˊ hk'aiˊ tuˊ peˊ naˊ reuˊ.

Kawˊlawˊsaeˊ 3:13

Yeunˊhkam ri puri reuˊ. Peˊ saecˊ naˊ kueˊ hpumˊ ri puri kopti keunhawˊ naˊ unˊ lahˊ, ploeˊ mapˊ pu peˊ reuˊ. Ploeˊ mapˊ pu peˊ seunˊ Peucawoˊ ploeˊ Eun mapˊ peˊ hawcˊ naˊ reuˊ.

1 Hteˊsalawˊniˊ 2:7

Daecti yam utˊ ye maeeˊ peˊ naˊ, ye hpumˊ onawnˊ seunˊ ma naˊ roksaˊ ka oˊngak naˊ eun koˊ.

1 Tiˊmoˊse 6:11

Peue Eun Peucawoˊ naˊ mi vel ceu nang aenˊ ce reuˊ. Daecti sok mi hotˊ kuˊ leupaws seumeuˊ, hkopyawmˊ Peucawoˊ Eun, hk'aˊ yumˊ, hk'aˊ leumeusˊkeus, yeunˊhkam, maeeˊ hpumˊ onawnˊ naˊ.

Tiˊtasˊ 1:1

Htawm ti okˊ aenˊ na koˊ, meuh uiˊ Pawˊlu meuh mhaiˊ Eun Peucawoˊ maeeˊ peue caee Eun Yesuˊ Hkrit pun hk'aˊ yumˊ ce peue Peucawoˊ leuk Eun ri ti naˊ maeeˊ pun cuˊyi kaw cang yawng kuˊ leupaws seumeuˊ Eun Peucawoˊ naˊ,

Tiˊtasˊ 1:7

Kopti roˊkan nang kawt muk konˊ Hkrit naˊ ap ce ri yeuh kanˊ Eun Peucawoˊ naˊ, ce kaw kah ri meuh peue unˊ kueˊ vang ri, unˊ kah ri meuh peue yeuh alo ri, unˊ kah ri meuh peue hpumˊ dotˊ, unˊ kah ri meuh peue nyui ri yuicˊ ri plaiˊ, unˊ kah ri meuh peue kleucˊ peue klaeeˊ peue, maeeˊ unˊ kah ri meuh peue hpumˊ unˊ leupaws seumeuˊ ri hk'ilˊ leumuil.

Tiˊtasˊ 1:9

Punta kaw ce cang tuilˊ kawlˊreng peue seubu ri leukahˊ leupaws seumeuˊ naˊ maeeˊ kaw ce cang htuˊhtingˊ pe peue toˊtamˊ leukahˊ sangsawnˊ awnˊ a naˊ, ce kaw kah ri jhawpˊ ri hotˊ leukahˊ sangsawnˊ hk'oˊyumˊ kuˊ tawn rin ce hawcˊ naˊ keutawnˊ.

Tiˊtasˊ 3:2

pawlaee peusahˊ nyoe peue, leumeusˊ hk'aˊ cumyenˊ naˊ, yeuh ri yawng hpumˊ peue, yeuh ri hpumˊ onawnˊ ri peue gawmˊeucˊ reuˊ.

Yakopˊ 1:1

Htawm ti okˊ aenˊ na koˊ, meuh uiˊ Yakopˊ meuh mhaiˊ Eun Peucawoˊ maeeˊ mhaiˊ Eun Yesuˊ Hkrit, uiˊ temˊ ri tuilˊ a ri peue Iˊsarelaˊ kulˊleualˊ ceu puinˊ ri heulˊ utˊ maeeˊ peue ceu seubu naˊ peˊ.

Yakopˊ 3:17

Daecti cuˊyi lih neum kuingˊ pang maoˊ naˊ koˊ, nanggalˊ ka naˊ seungaˊ chakˊ, hawcˊ koˊ, leumeusˊ hk'aˊ cumyenˊ, hpumˊ lec puri, leuceng leukahˊ puri, tukyak ri puri maeeˊ pliˊ chakˊ htonnuk, unˊ keueˊ ri buh peue maeeˊ unˊ moˊ hpumˊ ri.

Yakopˊ 4:2

Sumˊ isˊ peˊ, daecti peˊ unˊ pun. Peˊ toh peue, peˊ sumˊ isˊ isˊ peue naˊ. Peˊ unˊ pun kuˊ sumˊ isˊ ri naˊ, peˊ kleucˊ leumeul puri, peuengˊ suikˊ ri puri. Kopti unˊ hk'oˊ peˊ ri Peucawoˊ Eun naˊ, peˊ unˊ kueˊ.

1 Petruˊ 3:8

Leukahˊ tisutˊ ka naˊ, tangˊ hpumˊ peˊ meuh ti meulˊ gawmˊeucˊ ri, keueˊ nyu ri puri, yeuh ri kueˊ hpumˊ onawnˊ maeeˊ hpumˊ nyomˊ jom naˊ reuˊ.

Yuˊda 1:3

Aˊmawo leumeusˊ uiˊ naˊ peˊ, uiˊ saecˊ naˊ sumˊ temˊ ri tuilˊ lawng hk'aˊ htut lawtpon kueˊ eˊ seunˊ puri naˊ ri peˊ nyawkˊ, daecti uiˊ kuit peˊ naˊ chakˊ ri loˊ temˊ ri tuilˊ kawlˊreng peuengˊ suikˊ pun hk'aˊ yumˊ kuˊ unˊ cang leuplohˊ plinˊ ri ri peue Eun Peucawoˊ naˊ ce naˊ.