2 Petruˊ 3:16 - Plang (Blang)

¹⁶ Htawm Seungaˊ temˊ eun naˊ ku okˊ ka, temˊ eun lawng seunˊ aenˊ a naˊ yeut. Hk'aˊnaee htawm eun naˊ, a kueˊ lawng kuˊ nyhapˊ ri yawng naˊ ngonˊ. Peue unˊ yawng meulamlam ri unˊ keutawnˊ naˊ ce koˊ, ce hpawtˊ leukahˊ eun naˊ seunˊ hpawtˊ ce htawm Seungaˊ ton seubu naˊ. Ce ti hk'aˊ lulaic naˊ ingˊ ri ti meun.

2 Petruˊ 3:16 ပူးပေါင်းရင်းမြစ်များ

Mahtae 15:3

Yesuˊ Eun topˊ a ri ce, “Kopti meuh a ritroe aenˊ a, a ciˊ meuh kop keunhawˊ peˊ vaeeˊ yeuh kuˊ kleucˊ ri leukahˊ Eun Peucawoˊ naˊ?

Mahtae 15:6

Kop awnˊ na, peue awnˊ eun unˊ tuilˊ munhpungˊ ri makuiingˊ ri ka. Kop awnˊ na, peˊ yeuh leukahˊ Eun Peucawoˊ naˊ hk'oˊhk'awngˊ ri jhawpˊ peˊ ri ti ritroe peˊ naˊ.

Mahtae 22:29

Yesuˊ Eun topˊ a, “Kleucˊ peˊ hawcˊ, kopti unˊ yawng peˊ htawm Seungaˊ naˊ maeeˊ tiˊca Eun Peucawoˊ naˊ.

Hpiˊliˊpiˊ 3:19

Hk'aˊ tisutˊ ce naˊ kaw a meuh hk'aˊ lulaic. Peucawoˊ ce naˊ meuh a keuteul ce naˊ. Ce mhawngˊ ri hk'oˊcuin maeeˊ kuˊ htukˊ ce ri kaic naˊ. Ce taˊ hpumˊ ri naˊ ri kuˊ toˊ ri hk'aˊ bhenˊ keuteˊ naˊ.

Hebraeˊ 5:11

Lheuˊ uiˊ ri kuˊ kaw lahˊ ri lawng aenˊ na, daecti kopti yak rin peˊ ri pun a naˊ, a nyhapˊ ri ris peˊ mhawngˊ a nyawkˊ.

Yakopˊ 1:8

Meuh eun peue hpumˊ heunˊ. Eun hpumˊ unˊ keutawnˊ hk'aˊnaee kuˊ yeuh ri naˊ ce ku ceu ka.

1 Petruˊ 1:1

Htawm ti okˊ aenˊ na koˊ, meuh uiˊ Petruˊ meuh peue caee Eun Yesuˊ Hkrit, uiˊ temˊ ri tuilˊ a ri peue Peucawoˊ leuk Eun ri uinˊ naˊ peˊ. Meuh peˊ peue taicˊjah hk'uih heulˊ meuh seudesˊ utˊ nang kuingˊ Pontasˊ, kuingˊ Galatiˊ, kuingˊ Kapadosia, kuingˊ Asaˊ maeeˊ kuingˊ Betiˊniˊ naˊ.

1 Petruˊ 2:8

A meuh seumu vang seuduih peue ri, a yeuh peue htangˊmeul.” Ce seuduih ri kopti unˊ leuceng ce leukahˊ aenˊ na. A hotˊ seunˊ kuˊ Peucawoˊ tangˊ Eun ri uinˊ a tangˊ neum nanggalˊ naˊ hawcˊ.

2 Petruˊ 2:1

Seunˊ peue guil ri meuh peue suip leukahˊ Eun Peucawoˊ naˊ tawn puc ce ri hk'aˊnaee peue Yuˊda naˊ ce, seuraˊ sangsawnˊ kuˊ kleucˊ naˊ ce ku kaw cang pucti hk'aˊnaee peˊ ri yeut. Ce kaw ra ri ti kuˊ sangsawnˊ kleucˊ cang yeuh kuˊ lulaic naˊ ingˊ lec hk'aˊnaee peˊ. Ce yeuh a rot ti tecla ce Cawoˊ aˊyu Cawoˊ teumˊkawm htut ce lawtpon naˊ Eun, yeuh ce kiˊ naˊ lakˊ ti ce kuˊ lulaic naˊ ingˊ ri tuˊ ri naˊ meun vaeevaee.

2 Petruˊ 2:14

Hk'aˊ lenˊcu naˊ a nuknhenˊ saiˊ ngaiˊ ce naˊ. Ce hkuinˊ laee keuluiˊ yeuh ri mapˊ naˊ. Ce copˊlong peue hpumˊ unˊ keutawnˊ naˊ ce. Ce ara ri taˊnhaˊ naˊ. Ce meuh peue ceu pun hk'aˊ jhaˊ naˊ.

2 Petruˊ 3:14

Kop awnˊ na aˊmawo leumeusˊ uiˊ naˊ peˊ, kopti buih koˊ peˊ ceu nang aenˊ ce naˊ, coˊcaˊ peˊ yeuh Peucawoˊ Eun nyu peˊ unˊ laee kueˊ vang ri, vang cutyawmˊ maeeˊ kueˊ peˊ hk'aˊ renˊkawn kuit samˊran cumyenˊ hk'aˊnaee Heun naˊ reuˊ.

2 Petruˊ 3:2

Uiˊ sumˊ kah peˊ kuit rot ri leukahˊ lahˊ ce peue suip leukahˊ Eun Peucawoˊ seungaˊ chakˊ leumahˊ naˊ ce, maeeˊ sumˊ kah peˊ kuit rot ri leukahˊ Eun Peucawoˊ Cawoˊ teumˊkawm htut eˊ lawtpon kuˊ cu Eun peue caee Eun Yesuˊ ce lahˊ a naˊ.

Yuˊda 1:4

Kopti peue ngonˊ naˊ ra ce ri ingˊ lec hk'aˊnaee muk peˊ naˊ. Leukahˊ tawsˊ aˊmu ri peue awnˊ ce naˊ temˊ a ri uinˊ ri lingˊ hawcˊ. Ce meuh peue unˊ leupaws seumeuˊ, unˊ hkopyawmˊ ri Peucawoˊ Eun. Ce hpawtˊ munˊ Eun naˊ meuh licmat ahkvang yeuh kuˊ unˊ leupaws seumeuˊ naˊ. Ce unˊ rap ri ti Yesuˊ Hkrit Cawoˊ meuh Cawoˊ aˊyu kuˊ meuh Peucawoˊ eˊ ti peue yawo naˊ Eun.