2 Petruˊ 2:21 - Plang (Blang)

²¹ Ce lawn naˊ unˊ yawng hk'aˊ leupaws seumeuˊ naˊ koˊ, naˊ a chakˊ hk'aiˊ yawng ce a, hawcˊ koˊ ce tang hpawtˊ ri eungˊ kuiˊ ri ri leukahˊ tiˊca keuting seungaˊ chakˊ Eun Peucawoˊ kuˊ suip ri ingˊ rot ri ce naˊ.

2 Petruˊ 2:21 ပူးပေါင်းရင်းမြစ်များ

Mahtae 21:32

Kopti Yoˊhan lih seuji eun peˊ nawk hk'aˊ leupaws seumeuˊ naˊ, peˊ hkuinˊ yumˊ eun, daecti peue cepˊ hkawnˊ maeeˊ beunˊ paingˊ tuˊ ri naˊ ce yumˊ eun. Peˊ saecˊ naˊ pun ri nyu ceu nang aenˊ ce hawcˊ koˊ, peˊ hkuinˊ tawsˊ hpumˊ fuin mapˊ ri yumˊ eun.

Luˊka 12:47

Mhaiˊ naˊ eun saecˊ yawng alo eun cawoˊ ri naˊ, daecti eun lawn unˊ rangraen unˊ yeuh alo eun naˊ koˊ, eun kaw pun ri hkamˊ hk'aˊ taˊfaetˊ heunˊ tiˊ naˊ.

Yoˊhan 15:22

Uiˊ lawn unˊ lih lahˊ ce mhawngˊ a koˊ, ce hkuinˊ kaw kueˊ kuˊ kleucˊ ri mapˊ naˊ. Daecti maetˊmaenˊ ce hkuinˊ laee kueˊ kuˊ kaw plohˊplehˊ ri ri mapˊ ri naˊ.

Yoˊhan 9:41

Yesuˊ Eun lahˊ, “Peˊ lawn ngaiˊ fecˊ koˊ, hpaw peˊ caˊ kaw kueˊ mapˊ. Daecti kopti lahˊ peˊ ri nyu hk'aˊ ri naˊ, mapˊ peˊ naˊ a kawnˊ kueˊ.

Roˊma 7:12

Kop awnˊ na, leukahˊ ritroe naˊ a seungaˊ chakˊ. Saecˊ meuh ritroe naˊ a ku seungaˊ chakˊ, leupaws seumeuˊ, a chakˊ.

Galatiˊ 6:2

Teumˊ puri peus beus puri naˊ reuˊ. Yeuh peˊ keutitˊ naˊ, buih hotˊ peˊ ri yeuh leukahˊ ritroe Eun Hkrit naˊ.

1 Hteˊsalawˊniˊ 4:2

Kopti tup yawng peˊ leukahˊ sangsawnˊ tuilˊ ye ri peˊ ri tiˊca Eun Cawoˊ Yesuˊ naˊ.

1 Tiˊmoˊse 6:14

rot ti yam Cawoˊ eˊ Yesuˊ Hkrit tang puc Eun ri lih naˊ, roksaˊ leukahˊ tuilˊ Eun aenˊ ce meulamlam ri, pawlaee va a kueˊ vang kleucˊ kuˊ lahˊ kuˊ ris.

Hebraeˊ 10:26

Eˊ saecˊ naˊ yawng kuˊ leupaws seumeuˊ naˊ, daecti eˊ lawn kawnˊ tangˊnhaˊ ri suip ri yeuh mapˊ naˊ koˊ, a hkuinˊ kaw laee kueˊ kuˊ tan saicˊ ri tec mapˊ naˊ baee saecˊ ti ceu.

Yakopˊ 4:17

Kop awnˊ na, aˊnhawˊ saecˊ yawng kuˊ chakˊ naˊ daecti eun lawn unˊ yeuh a koˊ, yeuh eun mapˊ naˊ.

2 Petruˊ 3:2

Uiˊ sumˊ kah peˊ kuit rot ri leukahˊ lahˊ ce peue suip leukahˊ Eun Peucawoˊ seungaˊ chakˊ leumahˊ naˊ ce, maeeˊ sumˊ kah peˊ kuit rot ri leukahˊ Eun Peucawoˊ Cawoˊ teumˊkawm htut eˊ lawtpon kuˊ cu Eun peue caee Eun Yesuˊ ce lahˊ a naˊ.

Yuˊda 1:3

Aˊmawo leumeusˊ uiˊ naˊ peˊ, uiˊ saecˊ naˊ sumˊ temˊ ri tuilˊ lawng hk'aˊ htut lawtpon kueˊ eˊ seunˊ puri naˊ ri peˊ nyawkˊ, daecti uiˊ kuit peˊ naˊ chakˊ ri loˊ temˊ ri tuilˊ kawlˊreng peuengˊ suikˊ pun hk'aˊ yumˊ kuˊ unˊ cang leuplohˊ plinˊ ri ri peue Eun Peucawoˊ naˊ ce naˊ.