2 Petruˊ 1:7 - Plang (Blang)

⁷ baee hk'aˊ aˊyu imˊ hotˊ hk'aˊ Eun Peucawoˊ naˊ ri hk'aˊ leumeusˊkeus ecˊawngˊ ri naˊ, baee hk'aˊ leumeusˊkeus ecˊawngˊ ri naˊ ri hk'aˊ leumeusˊkeus naˊ reuˊ.

2 Petruˊ 1:7 ပူးပေါင်းရင်းမြစ်များ

Roˊma 12:10

Leumeusˊ puri seunˊ ecˊawngˊ reuˊ. Tuilˊ puri isˊ munhpungˊ hk'aˊnaee sawnˊ peue chakˊ lheuˊ mi ri naˊ reuˊ.

Galatiˊ 6:10

Kop awnˊ na, yam kueˊ eˊ yam naˊ, yeuh kuˊ chakˊ naˊ ri peue gawmˊeucˊ reuˊ. Lheuˊ awnˊ na, jaen yeuh a ri peue nya peue hk'ulˊ kuˊ kueˊ hk'aˊ yumˊ naˊ ce.

Kawˊlawˊsaeˊ 3:14

Cuipˊ hk'eung hk'aˊ leumeusˊkeus naˊ kangˊ kuˊ chakˊ aenˊ ce gawmˊeucˊ reuˊ. Hk'aˊ leumeusˊkeus naˊ mawt a ceu nang aenˊ ce htonnuk meuh yawo keuhti.

1 Hteˊsalawˊniˊ 3:12

Kah Peucawoˊ Eun yeuh hk'aˊ leumeusˊkeus peˊ naˊ nukveh hk'aˊpang peˊ ti peue hawcˊ ti peue maeeˊ hk'aˊpang peue seubu naˊ ce gawmˊeucˊ seunˊ leumeusˊ ye peˊ naˊ reuˊ.

1 Hteˊsalawˊniˊ 5:15

Keueˊ meulamlam ri, pawlaee kah aˊnhawˊ yeuh ri topˊ kuˊ rai naˊ ri yeuh kuˊ rai naˊ. Daecti, coˊcaˊ ri yeuh kuˊ chakˊ naˊ ri puri gawmˊ peue seubu gawmˊeucˊ naˊ ce laleung reuˊ.

Hebraeˊ 13:1

Leumeusˊ puri laleung seunˊ ecˊawngˊ naˊ ce reuˊ.

1 Petruˊ 1:22

Punta kaw peˊ leumeusˊ ecˊawngˊ ri naˊ ce neumneum naˊ, maetˊmaenˊ yeuh peˊ ri seungaˊ chakˊ meun ri leuceng peˊ kuˊ leupaws seumeuˊ naˊ hawcˊ. Kop awnˊ na, peˊ naˊ leumeusˊ puri rot tisutˊ ka hpumˊ ri naˊ reuˊ.

1 Petruˊ 2:17

Hkopyawmˊ ri peue gawmˊeucˊ reuˊ. Leumeusˊ ecˊawngˊ hk'aˊnaee Hkrit Eun naˊ ce reuˊ. Lhatˊtil ri Peucawoˊ Eun reuˊ. Hkopyawmˊ ri hkunˊhawˊhkamˊ naˊ ce reuˊ.

1 Petruˊ 3:8

Leukahˊ tisutˊ ka naˊ, tangˊ hpumˊ peˊ meuh ti meulˊ gawmˊeucˊ ri, keueˊ nyu ri puri, yeuh ri kueˊ hpumˊ onawnˊ maeeˊ hpumˊ nyomˊ jom naˊ reuˊ.

1 Yoˊhan 3:14

Yawng eˊ pun eˊ ri pon vang yeum naˊ eˊ lec vang civit imˊ naˊ meuh a kopti leumeusˊ eˊ ecˊawngˊ ri naˊ ce. Aˊnhawˊ lawn unˊ kueˊ hk'aˊ leumeusˊkeus naˊ koˊ, kawnˊ utˊ eun hk'aˊnaee vang yeum naˊ.

1 Yoˊhan 3:16

Meuh a kopti aenˊ a naˊ, eˊ saecˊ maee yawng hk'aˊ leumeusˊkeus naˊ a ciˊ meuh keunhawˊ, meuh a kopti Yesuˊ Hkrit tan Eun aˊyu ri pun eˊ naˊ. Saecˊ eˊ ri eˊ htukˊ ri tan aˊyu ri naˊ pun ecˊawngˊ ri naˊ ce yeut.

1 Yoˊhan 4:21

Peucawoˊ Eun tuilˊ ri uinˊ leukahˊ ri eˊ yeuhkiˊ, “Peue leumeusˊ Peucawoˊ Eun naˊ, eun ku kaw pun ri leumeusˊ ecˊawngˊ ri naˊ ce yeut.”