Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Petruˊ 1:4 - Plang (Blang)

4 Eun cu awnˊ na, Eun tuilˊ kati keuting ngos heunˊ ri naˊ ri eˊ. Punta kopti meuh a kati aenˊ ce, peˊ naˊ pun ri lec hk'aˊnaee ruprang Eun Peucawoˊ naˊ maeeˊ pun ri pon hk'aiˊ kuˊ hk'awˊjeuk ka bhenˊ keuteˊ kuˊ lih neum taˊnhaˊ rai naˊ.

အခန်းကိုကြည့်ပါ။ ကော်ပီ




2 Petruˊ 1:4
25 ပူးပေါင်းရင်းမြစ်များ  

A meuh peue Iˊsarelaˊ naˊ ce. Ce pun ri meuh konˊ Eun Peucawoˊ, pun ri rap ri ti munhpungˊ, kati satˊcaˊ, leukahˊ ritroe, ritroe hk'oˊ munˊ hk'aˊnaee nya hk'oˊ munˊ keuting naˊ maeeˊ kati satˊcaˊ Eun naˊ gawmˊeucˊ.


Kopti Peucawoˊ Eun saecˊ naˊ yeuh kati ri naˊ heunˊheunˊ aˊneng koˊ, kati aenˊ ce “a meuh neum” gawmˊeucˊ hk'aˊnaee Hkrit Eun. Kop awnˊ na, punta kaw eˊ tuilˊ munhpungˊ ri Peucawoˊ Eun naˊ, eˊ lahˊ “Amin” ri cu eˊ Yesuˊ Eun naˊ.


Eˊ ri gawmˊeucˊ, eˊ hkuinˊ laee pun ri kangˊ buh ri naˊ. Eˊ buih tilˊ kuˊ cengˊ ka munhpungˊ Eun Cawoˊ naˊ. Eˊ pun ri plinˊ ri baet ri seunˊ Cawoˊ Eun ri pun eˊ munhpungˊ Eun naˊ ti htan hawcˊ ti htan. Ceu nang aenˊ ce a lih neum Cawoˊ kuˊ meuh Citˊ seungaˊ naˊ Eun.


Peucawoˊ Eun ku lahˊ a hk'aˊnaee htawm Seungaˊ ton kuˊ seubu naˊ, “Pucti heulˊ hk'aiˊ ce, hkvetˊ ri sawngˊ utˊ reuˊ. Pawlaee paicˊ kuˊ unˊ chakˊ unˊ seungaˊ naˊ, hawcˊ koˊ, Uiˊ kaw rap ri ti peˊ.”


Peucawoˊ Eun yeuh kati satˊcaˊ ri Abraham eun maeeˊ ceucat eun naˊ. Nang htawm Seungaˊ naˊ a hkuinˊ lahˊ, “ceucat eun naˊ ce”, aenˊ a sumˊ lahˊ peue heunˊ peue. Daecti nang htawm Seungaˊ naˊ a lahˊ, “ceucat mi”, aenˊ a sumˊ lahˊ yawo peue ti peue. Peue awnˊ a meuh Hkrit Eun.


Aˊnhawˊ lawn puinˊ hotˊ hk'aˊ nhamˊ keune ri naˊ meun koˊ, eun kaw pun ri vuic hk'aˊ lulaic naˊ neum hk'aˊ nhamˊ keune awnˊ na. Daecti aˊnhawˊ lawn puinˊ hotˊ hk'aˊ Citˊ seungaˊ naˊ koˊ, eun kaw pun ri vuic hk'aˊ aˊyu imˊ cotˊcu naˊ neum Citˊ seungaˊ naˊ.


rot ti kaw a rot ti meuh eˊ nhamˊ keune keuhti gawmˊeucˊ hk'aˊnaee hk'aˊ yumˊ naˊ maeeˊ hk'aˊnaee hk'aˊ yawng eˊ Konˊ aiˊ Peucawoˊ naˊ Eun naˊ, rot ti meuh eˊ nang hengˊ keuting htonnuk ri hk'aˊ htonnuk Eun Hkrit naˊ.


maeeˊ cuipˊ peˊ jawngkuiˊ tuˊ hk'uˊ kuˊ buih hpanplengˊ hk'uˊ ri hotˊ seunˊ ruprang Eun Cawoˊ hpanplengˊ naˊ, a meuh punta kaw peˊ gawm baet ti yawng Eun heunˊ naˊ.


Kuiingˊ eˊ naˊ taˊfaetˊ sangsawnˊ eun eˊ ti vut ti yam hotˊ seunˊ kuˊ chakˊ hk'aiˊ peue kuit eun naˊ. Daecti Peucawoˊ taˊfaetˊ sangsawnˊ Eun eˊ pun kuˊ chakˊ eˊ naˊ maeeˊ punta kaw eˊ pun ri pawngˊ ri maeeˊ hk'aˊ seungaˊ chakˊ Eun naˊ.


Kop awnˊ na, punta peue Peucawoˊ klawng Eun ri ti naˊ kaw ce pun ri rap ri ti sinˊ cotˊcu kuˊ yeuh Eun kati naˊ, Hkrit Eun meuh nang seunaˊ ka kati satˊcaˊ hk'uˊ naˊ. Kopti punta Hkrit kaw Eun ploeˊ mapˊ yeuh ce hk'aˊruim ka kati satˊcaˊ nanggalˊ naˊ, Eun pun ri sum aˊyu ri meuh ngos ka hk'aˊ htut lawtpon naˊ.


Tamˊ munˊ tamˊ sinˊ kuˊ Kuiingˊ Peucawoˊ eˊ rap Eun ri ti naˊ a meuh kuˊ seungaˊ chakˊ maeeˊ kuˊ unˊ kueˊ vang ri naˊ meuh ka roksaˊ konˊ dueˊ maeeˊ aˊya seunao kuˊ pun ri hkamˊ kuˊ tukhka naˊ, maeeˊ roksaˊ tuˊ ri unˊ va kuˊ hk'awˊjeuk ka bhenˊ keuteˊ naˊ pit ri naˊ.


Htawm ti okˊ aenˊ na koˊ, meuh uiˊ Siˊmon Petruˊ meuh mhaiˊ meuh peue caee Eun Yesuˊ Hkrit, uiˊ temˊ ri tuilˊ a ri peue pun ri rap ri ti hk'aˊ yumˊ ngos heunˊ naˊ ce seunˊ uiˊ ri pun uiˊ ri rap ri ti a hk'aˊnaee hk'aˊ leupaws seumeuˊ Eun Yesuˊ Hkrit meuh Peucawoˊ Cawoˊ htut eˊ naˊ Eun.


Daecti kopti Peucawoˊ jhawpˊ Eun kati ri naˊ keutawnˊ naˊ, eˊ buih koˊ maoˊ hk'uˊ maeeˊ bhenˊ keuteˊ hk'uˊ kuˊ meuh vang utˊ ce peue leupaws seumeuˊ naˊ.


Peucawoˊ hpaw Eun caˊ yeuh kati ri naˊ kvai seunˊ kuˊ kuit peue ngonˊ naˊ, daecti yeunˊhkam Eun pun peˊ. Kopti unˊ sumˊ kah Eun peue lulaic saecˊ ti peue, daecti Eun sumˊ kah peue tawsˊ hpumˊ fuin mapˊ ri ku peue.


Aenˊ ce a meuh kati tuilˊ Eun ri eˊ. A meuh citˊ tip aˊyu tip cotˊcu naˊ.


Aˊmawo leumeusˊ uiˊ naˊ peˊ, maetˊmaenˊ meuh eˊ konˊhk'i Eun Peucawoˊ hawcˊ. Hk'aˊ nanggalˊ ka naˊ eˊ ciˊ kaw yeuh saˊnhawˊ naˊ, eˊ hkuinˊ yawng a. Daecti kuˊ yawng eˊ naˊ yam tang puc Eun ri lih naˊ, eˊ kaw seunˊ Heun ri. Kopti Eun lawn yeuh saˊnhawˊ koˊ, eˊ kaw nyu Eun yeuh saˊawnˊ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ