2 Kawˊrinhtuˊ 6:16 - Plang (Blang)

¹⁶ Nya hk'oˊ munˊ Eun Peucawoˊ naˊ a ciˊ kaw cang hkawmaen ruphtu naˊ yeuh saˊnhawˊ? Kopti meuh eˊ nya hk'oˊ munˊ Eun Peucawoˊ Cawoˊ aˊyu imˊ naˊ Eun. Seunˊ Peucawoˊ lahˊ Eun, “Kaw Uiˊ utˊ maeeˊ ce, Uiˊ kaw heulˊ maeeˊ ce. Uiˊ kaw meuh Peucawoˊ ce, ce ku kaw meuh peue ceu Uiˊ.”

2 Kawˊrinhtuˊ 6:16 ပူးပေါင်းရင်းမြစ်များ

Mahtae 16:16

Siˊmon Petruˊ eun topˊ a, “Meuh Mi Hkrit. Mi meuh Konˊ aiˊ Eun Peucawoˊ Cawoˊ aˊyu imˊ naˊ Eun.”

Mahtae 6:24

A saecˊ meuh aˊnhawˊ, eun kaw unˊ cang yeuh mhaiˊ cawoˊ lalˊ peue. Kopti eun lawn ces ri kuˊ ti peue naˊ eun koˊ, eun kaw leumeusˊ kuˊ ti peue naˊ eun. Eun lawn yumyamˊ kuˊ ti peue naˊ eun koˊ, eun kaw unˊ nawpsang kuˊ ti peue naˊ eun. Peˊ kaw unˊ cang yeuh mhaiˊ ka hk'ilˊ leumuil naˊ maeeˊ mhaiˊ Eun Peucawoˊ naˊ tiduihˊ.

Luˊka 5:36

Hawcˊ koˊ, Yesuˊ Eun keutec leukahˊ leupongˊ naˊ. Eun lahˊ, “Hpenˊ ka hk'o hk'uˊ naˊ aˊnhawˊ hkuinˊ duing ti ri leuplu a ri hk'o hk'imˊ naˊ saecˊ ti peue. A lawn yeuh keutitˊ koˊ, hk'o hk'uˊ naˊ kaw a rocˊ vawo. Lheuˊ awnˊ na, hpenˊ hk'uˊ naˊ a hkuinˊ kaw hpaw maeeˊ hk'o hk'imˊ naˊ.

Yoˊhan 14:23

Yesuˊ Eun topˊ a, “Aˊnhawˊ lawn leumeusˊ Uiˊ koˊ, eun kaw leuceng ri ti leukahˊ sangsawnˊ Uiˊ naˊ. Kuiingˊ Uiˊ Eun kaw leumeusˊ eun. Kuiingˊ Uiˊ Eun maeeˊ Uiˊ ri, Ya kaw ingˊ ri heun, utˊ maeeˊ heun.

Yoˊhan 6:56

Aˊnhawˊ lawn hk'a keune nyui nhamˊ Uiˊ naˊ koˊ, eun kaw utˊ hk'aˊnaee Uiˊ, Uiˊ ku kaw utˊ hk'aˊnaee heun.

Roˊma 8:11

Citˊ seungaˊ Eun Cawoˊ Cawoˊ yeuh Yesuˊ Eun tang kuhˊ imˊ naˊ a lawn utˊ hk'aˊnaee peˊ koˊ, Cawoˊ Cawoˊ yeuh Hkrit Eun tang kuhˊ imˊ naˊ Eun kaw tuilˊ civit naˊ ri tuˊ kaw kah ri yeum peˊ naˊ. Eun tuilˊ civit awnˊ a ri hk'aˊnaee cu Eun Citˊ seungaˊ utˊ hk'aˊnaee peˊ naˊ.

Roˊma 8:9

Daecti Citˊ seungaˊ Eun Peucawoˊ naˊ a lawn utˊ hk'aˊnaee peˊ koˊ, peˊ hkuinˊ pun hk'aˊ uˊpeung ka hk'aˊ nhamˊ keune naˊ, daecti peˊ pun hk'aˊ uˊpeung ka hk'aˊ Citˊ seungaˊ naˊ. Aˊnhawˊ lawn unˊ kueˊ Citˊ seungaˊ Eun Hkrit naˊ koˊ, hkawnˊ unˊ meuh eun isˊ Eun Hkrit.

Roˊma 9:26

maeeˊ, “Ceu nang aenˊ ce a kaw keutˊ meuh tehˊ vang lahˊ Uiˊ a ri ce, ‘Hpaw peˊ caˊ meuh peue ceu Uiˊ’ naˊ. Ce kaw pun muis meuh ri, ‘konˊ Eun Peucawoˊ Cawoˊ aˊyu imˊ naˊ Eun.’ ”

1 Kawˊrinhtuˊ 10:21

Nyui peˊ kawkˊ Eun Cawoˊ Yesuˊ naˊ peˊ ku nyui kawkˊ ka seucaˊ naˊ, a hkuinˊ kaw cang. Hk'a peˊ ri hpuinˊ Eun Cawoˊ Yesuˊ naˊ peˊ ku hk'a ri hpuinˊ ka seucaˊ naˊ, a hkuinˊ kaw cang.

1 Kawˊrinhtuˊ 6:19

Unˊ yawng peˊ jawngkuiˊ tuˊ peˊ naˊ meuh a nya hk'oˊ munˊ ka Citˊ seungaˊ chakˊ kuˊ utˊ hk'aˊnaee peˊ kuˊ pun peˊ ri rap ri ti neum Peucawoˊ Eun naˊ aw? Hpaw peˊ caˊ meuh cawoˊ ka jawngkuiˊ tuˊ ri naˊ meun.

Eˊfeˊsuˊ 2:20

Peˊ meuh nya Eun pun ri plengˊ ri hk'aˊpang kleumˊ ka peue caee Eun Yesuˊ maeeˊ peue suip leukahˊ Eun Peucawoˊ kuˊ Yesuˊ Hkrit meuh Eun seumu aˊyeˊ keuting hk'aiˊ peue nang ceˊ ka nya naˊ.

Eˊfeˊsuˊ 2:22

Hk'aˊnaee Heun, peˊ ku pun ri hkamˊ plengˊ ri tiduihˊ kaw meuh vang utˊ Eun Peucawoˊ ri Citˊ seungaˊ Eun naˊ.

Eˊfeˊsuˊ 3:17

punta Hkrit kaw Eun utˊ hk'aˊnaee peˊ kopti hk'aˊ yumˊ peˊ naˊ. Maeeˊ uiˊ hk'oˊ munˊ, yam res peˊ naˊ lec a ruiˊ naˊ maeeˊ keutawnˊ peˊ hk'aˊnaee hk'aˊ leumeusˊkeus naˊ hawcˊ naˊ,

1 Tiˊmoˊse 3:15

kaw mi pun ri yawng kuˊ kaw htukˊ ri yeuh ce peue nya peue hk'ulˊ Eun Peucawoˊ naˊ, uiˊ bai temˊ ri tuilˊ leukahˊ sangsawnˊ aenˊ na ri mi. Peue nya peue hk'ulˊ awnˊ ce meuh muk konˊ Hkrit Eun Peucawoˊ Cawoˊ aˊyu imˊ naˊ. Muk konˊ Hkrit naˊ a meuh kleumˊ rawngˊ maeeˊ kleumˊ ka kuˊ leupaws seumeuˊ naˊ.

2 Tiˊmoˊse 1:14

Cu Citˊ seungaˊ chakˊ utˊ hk'aˊnaee eˊ naˊ, roksaˊ kuˊ chakˊ ap ri ri mi naˊ meulamlam ri reuˊ.

Hebraeˊ 3:6

Daecti Hkrit kati keutawnˊ Eun ri meuh ri Konˊ aiˊ Cawoˊ uˊpeung nya Eun Peucawoˊ naˊ. Eˊ lawn keutawnˊ hk'aˊnaee hk'aˊ hatˊhanˊ ri naˊ maeeˊ hk'aˊnaee vang keutuiˊ hpumˊ ti fung ri naˊ koˊ, eˊ ku meuh nya Eun yeut.

Hebraeˊ 8:10

Aenˊ meuh a kati satˊcaˊ hk'uˊ kaw Uiˊ tangˊ ri peue ceu Iˊsarelaˊ naˊ ce yam kawnˊ kaw ingˊ naˊ, Peucawoˊ Eun paoˊ a yeuh keutitˊ. Uiˊ kaw seueˊ leukahˊ ritroe ri naˊ hk'aˊnaee hpumˊ ce naˊ. Uiˊ kaw temˊ a nang meulˊ bhumˊ ce naˊ. Uiˊ kaw meuh Peucawoˊ ce, ce ku kaw meuh peue Uiˊ yeut.

Yakopˊ 4:5

Kuˊ temˊ ri nang htawm Seungaˊ a lahˊ, “Civit Peucawoˊ seueˊ Eun hk'aˊnaee eˊ naˊ, sumˊ kah Eun a meuh isˊ ti palkoe”, hteumˊ peˊ a temˊ ri hk'oˊhk'awngˊ aw?

1 Petruˊ 2:5

Saecˊ peˊ ri, peˊ kaw seunˊ seumu aˊyu imˊ naˊ, Peucawoˊ Eun naˊ ti ri plengˊ peˊ meuh nya hk'aˊ civit naˊ. Peˊ ku naˊ pun ri meuh peue jhawpˊ rit seungaˊ chakˊ, peˊ kaw tan kuˊ tan. Kopti cu peˊ Yesuˊ Hkrit Eun naˊ, kuˊ tan peˊ naˊ a htukˊ hpumˊ Eun Peucawoˊ.

1 Yoˊhan 4:12

Aˊnhawˊ hkuinˊ duing nyu Peucawoˊ Eun saecˊ ti peue, daecti eˊ lawn leumeusˊ puri koˊ, Peucawoˊ Eun ku kaw utˊ hk'aˊnaee eˊ, maeeˊ hk'aˊ leumeusˊkeus Eun naˊ a ku kaw htonnuk hk'aˊnaee eˊ.

1 Yoˊhan 4:15

Aˊnhawˊ lawn rap ri ti Yesuˊ meuh Eun Konˊ aiˊ Eun Peucawoˊ koˊ, Peucawoˊ Eun ku utˊ hk'aˊnaee heun, eun ku utˊ hk'aˊnaee Peucawoˊ Eun yeut.

Tuhˊ ri tuilˊ 2:1

Temˊ ri tuilˊ htawm ri inˊhpom ce muk konˊ Hkrit Eˊfeˊsuˊ naˊ eun yeuh keutitˊ, ‘Cawoˊ jhawpˊ seumeuengˊ aˊres meulˊ hk'aˊ tiˊ aˊtawmˊ ri Eun utˊ nang seunaˊ ka binˊ ngawl aˊres binˊ naˊ Eun lahˊ a yeuh keutitˊ,

Tuhˊ ri tuilˊ 21:3

Hawcˊ koˊ, uiˊ pun ri mhawngˊ sengˊ lawsˊ neum tenceoˊ naˊ a lahˊ, “Maetˊmaenˊ, vang utˊ Eun Peucawoˊ naˊ lih utˊ a maeeˊ peue hawcˊ. Eun kaw utˊ maeeˊ ce. Ce kaw meuh peue Eun. Tuˊ Eun Peucawoˊ naˊ Eun kaw utˊ maeeˊ ce, meuh Peucawoˊ ce.

Tuhˊ ri tuilˊ 21:7

Peue pe naˊ eun kaw pun ri rap ri ti sinˊ aenˊ ce gawmˊeucˊ. Uiˊ kaw meuh Peucawoˊ eun, eun kaw meuh konˊ Uiˊ.