2 Kawˊrinhtuˊ 2:13 - Plang (Blang)

¹³ Daecti kopti unˊ pun uiˊ ri hk'eupˊ Tiˊtasˊ awngˊ uiˊ naˊ eun tehˊ naˊ, hpaw uiˊ caˊ laee kueˊ hk'aˊ kuit nyawkˊ kuit samˊran cumyenˊ hk'aˊnaee hpumˊ ri naˊ. Kop awnˊ na, uiˊ gahˊ hk'aiˊ ecˊawngˊ naˊ ce, uiˊ ingˊ nang kuingˊ Masidoˊniˊ naˊ.

2 Kawˊrinhtuˊ 2:13 ပူးပေါင်းရင်းမြစ်များ

Makuˊ 6:46

Hawcˊ gahˊ Eun hk'aiˊ peue cum heunˊ naˊ ce, Eun hukˊ hk'oˊ munˊ pang gong naˊ.

Peue caee 21:6

Hawcˊ amˊla ye puri naˊ, ye lec reu naˊ. Ce ku ingˊ ti nya ri.

Roˊma 15:26

Kopti ecˊawngˊ utˊ nang kuingˊ Masidoˊniˊ maeeˊ kuingˊ Ahkaiyaˊ naˊ renˊkawn ro ce paec tan ri tuilˊ a ri peue Eun Peucawoˊ kuˊ hk'oˊtukyak utˊ nang veng Yeruˊsalaem naˊ ce.

2 Kawˊrinhtuˊ 12:18

Hk'oˊ uiˊ Tiˊtasˊ eun heulˊ ri peˊ. Uiˊ ku cusˊ ecˊawngˊ ti peue naˊ eun heulˊ maeeˊ heun yeut. Tiˊtasˊ hkuinˊ eun tawp unˊ duing chiˊlai ri ti kuˊ ti ri ceu ri peˊ aw? Yeuh ya kanˊ naˊ hk'aˊnaee hpumˊ ya naˊ seunˊ a puri naˊ, unˊ meuh ka aw? Ya hotˊ yawo hk'aˊ ti hk'aˊ naˊ, unˊ meuh ka aw?

2 Kawˊrinhtuˊ 7:13

Kopti meuh a ceu nang aenˊ ce naˊ, ya pun kawlˊreng ri. Lheuˊ siˊ pun ya kawlˊreng ri naˊ, ya ku jaen renˊkawn nyawkˊ kopti pun ya ri nyu Tiˊtasˊ eun ciˊ pe renˊkawn aˊneng kopti baee peˊ kawlˊreng ka civit eun naˊ.

2 Kawˊrinhtuˊ 7:14

Uiˊ lahˊ eun mhawngˊ lawng mhawngˊ uiˊ ri hk'oˊcuin maeeˊ peˊ naˊ, hpaw peˊ caˊ yeuh uiˊ kaic. Seunˊ kuˊ lahˊ ya ri peˊ ku ceu naˊ meuh a kuˊ meuh neum naˊ, kuˊ mhawngˊ ya ri hk'oˊcuin maeeˊ peˊ ri Tiˊtasˊ eun naˊ a ku meuh kuˊ neumneum yeut, a pucti lih glihˊgleuengˊ hawcˊ.

2 Kawˊrinhtuˊ 8:16

Munˊ keuting uiˊ ri Peucawoˊ Cawoˊ tuilˊ Tiˊtasˊ eun kueˊ hpumˊ kuit nyhapˊ pun peˊ seunˊ uiˊ ri kueˊ uiˊ yeut naˊ.

2 Kawˊrinhtuˊ 8:23

Pun Tiˊtasˊ eun ritˊ, meuh eun pu yeuh kanˊ maeeˊ uiˊ pun peˊ. Pun ecˊawngˊ aenˊ ka koˊ, ka meuh peue cusˊ ce muk konˊ Hkrit naˊ. Ka meuh munhpungˊ Eun Hkrit.

2 Kawˊrinhtuˊ 8:6

Kop awnˊ na, ya tuilˊ kawlˊreng eun Tiˊtasˊ kuˊ meuh nang tangˊ ri yeuh kanˊ teumˊkawm aenˊ a maeeˊ peˊ naˊ eun kah eun heulˊ suip ri teumˊkawm peˊ yeuh a hawcˊ.

Galatiˊ 2:1

Hawcˊ awnˊ na kulˊpunˊ neum naˊ, Banabasˊ ya tang hukˊ nang veng Yeruˊsalaem naˊ baee ti pok. Ya ku va Tiˊtasˊ eun hukˊ maeeˊ ti.

Galatiˊ 2:3

Tiˊtasˊ kuˊ hotˊ uiˊ heulˊ naˊ eun saecˊ naˊ meuh peue Helasaˊ koˊ, peue caee Eun Yesuˊ naˊ ce hkuinˊ tecˊteng kah eun tonˊ duingˊ hakˊ ri.

2 Tiˊmoˊse 4:10

Kopti Demasˊ leumeusˊ eun bhenˊ keuteˊ cu maetˊmaenˊ aenˊ a naˊ, eun tecla uiˊ. Eun heulˊ nang veng Hteˊsaloˊniˊ hawcˊ. Kah uiˊ Hkreˊsensˊ eun heulˊ nang kuingˊ Galatiˊ, Tiˊtasˊ eun heulˊ nang kuingˊ Dalmatiˊ hawcˊ.

Tiˊtasˊ 1:4

Uiˊ temˊ ri tuilˊ htawm aenˊ a ri Tiˊtasˊ kuˊ meuh konˊ uiˊ neumneum hk'aˊnaee hk'aˊ yumˊ seunˊ puri naˊ mi. Kah munˊ sinˊ maeeˊ hk'aˊ kuit nyawkˊ kuit samˊran cumyenˊ lih neum Kuiingˊ Peucawoˊ maeeˊ neum Cawoˊ Yesuˊ Hkrit Cawoˊ teumˊkawm htut eˊ lawtpon naˊ kueˊ ri mi reuˊ.