2 Kawˊrinhtuˊ 13:9 - Plang (Blang)

⁹ Ya saecˊ naˊ kawlˊreng kloe kopti kawlˊreng keuting peˊ naˊ koˊ, ya renˊkawn. Punta kaw peˊ htonnuk naˊ, ya hk'oˊ munˊ pun peˊ.

2 Kawˊrinhtuˊ 13:9 ပူးပေါင်းရင်းမြစ်များ

Roˊma 15:2

Eˊ ri ku peue, yeuh kuˊ hitˊ hpumˊ ce peue utˊ keunam caonaoˊ naˊ ce reuˊ, punta kaw a kueˊ munˊ pun ce naˊ, ce naˊ goˊ ri hukˊ hk'aˊnaee hk'aˊ yumˊ naˊ.

1 Kawˊrinhtuˊ 1:10

Ecˊawngˊ naˊ peˊ, uiˊ hk'oˊhk'ang peˊ hk'aˊnaee muis Eun Cawoˊ eˊ Yesuˊ Hkrit naˊ. Kah peˊ cawpˊmaen puri. Pawlaee kah hk'aˊnaee muk peˊ naˊ kueˊ hk'aˊ gvah muk gvah cum puri naˊ. Daecti kah peˊ meuh hpumˊ ti meulˊ kamkuit ti nyeng naˊ reuˊ.

1 Kawˊrinhtuˊ 2:3

Ingˊ uiˊ ri peˊ maeeˊ kawlˊreng kloe lhatˊ keuyuingˊ ruing ri nyawkˊ.

1 Kawˊrinhtuˊ 4:10

Ya meuh peue ngaˊ pun Hkrit Eun, daecti peˊ meuh peue hengˊlaetˊ hk'aˊnaee Hkrit Eun. Ya kawlˊreng kloe, peˊ kawlˊreng keuting. Peˊ kueˊ munhpungˊ, ya unˊ kueˊ munhpungˊ.

2 Kawˊrinhtuˊ 11:30

Uiˊ lawn kaw kah ri mhawngˊ ri hk'oˊcuin koˊ, kaw uiˊ mhawngˊ ri hk'oˊcuin ri lawng hk'aˊ kawlˊreng kloe ri naˊ.

2 Kawˊrinhtuˊ 13:11

Vang tisutˊ ka naˊ, ecˊawngˊ naˊ peˊ, sangˊ amˊla peˊ. Sawngˊ yeuh meun ri htonnuk reuˊ. Leuceng leukahˊ hk'oˊhk'ang uiˊ naˊ reuˊ. Yeuh hpumˊ ri meuh ti meulˊ reuˊ. Utˊ hk'aˊnaee hk'aˊ cumyenˊ naˊ reuˊ. Peucawoˊ ka hk'aˊ leumeusˊkeus maeeˊ hk'aˊ cumyenˊ naˊ kaw Eun utˊ maeeˊ peˊ.

2 Kawˊrinhtuˊ 13:4

Hkrit Eun saecˊ naˊ pun ri tawkˊ ri yeum pang kleumˊ rawngˊtawpˊ naˊ hk'aˊnaee hk'aˊ kawlˊreng kloe ri koˊ, daecti maetˊmaenˊ aˊyu imˊ Eun ri tiˊca Eun Peucawoˊ naˊ. Seunˊ awnˊ na, ya saecˊ naˊ kawlˊreng kloe hk'aˊnaee Hkrit Eun naˊ koˊ, daecti punta kaw ya yeuh mhaiˊ peˊ naˊ, ya kaw aˊyu imˊ maeeˊ Hkrit Eun hk'aˊnaee tiˊca Eun Peucawoˊ naˊ.

2 Kawˊrinhtuˊ 4:12

Kop awnˊ na, hk'aˊ yeum naˊ a buih yeuh kanˊ hk'aˊnaee ya. Daecti hk'aˊ aˊyu imˊ naˊ a buih yeuh kanˊ hk'aˊnaee peˊ.

2 Kawˊrinhtuˊ 7:1

Aˊmawo leumeusˊ naˊ peˊ, kopti pun eˊ leukahˊ kati yeuhkiˊ naˊ hawcˊ naˊ, kah eˊ saicˊ meun ri tec kuˊ yeuh jawngkuiˊ tuˊ maeeˊ civit eˊ hk'awˊjeuk naˊ reuˊ. Yeuh hk'aˊ seungaˊ chakˊ naˊ htonnuk ri hk'aˊ lhatˊtil ri Peucawoˊ Eun naˊ reuˊ.

Kawˊlawˊsaeˊ 1:28

Punta kaw eˊ ap peue ku peue naˊ peue meuh peue chakˊ htonnuk hk'aˊnaee Hkrit Eun naˊ, eˊ paoˊ lawng Eun naˊ, eˊ sangsawnˊ tuilˊ sati peue ku peue naˊ ce ri cuˊyi naˊ gawmˊeucˊ.

Kawˊlawˊsaeˊ 4:12

Eˊpafasˊ meuh peue hk'aˊnaee peˊ kuˊ meuh mhaiˊ Eun Yesuˊ Hkrit naˊ eun ku tawmˊ a eun lahˊ ri leunyeng ri peˊ. Punta kaw peˊ cawng keutawnˊ, keuting hk'aˊnaee hk'aˊ civit naˊ maeeˊ hpumˊ keutawnˊ htonnuk hk'aˊnaee alo Eun Peucawoˊ naˊ gawmˊeucˊ ka, eun hk'oˊ munˊ pun peˊ laleung.

1 Hteˊsalawˊniˊ 3:10

Punta kaw ye tang hk'eupˊ nyu peˊ baee vang unˊ nuk ka hk'aˊ yumˊ peˊ naˊ, ye saeˊcaeeˊ hk'oˊ munˊ gawmˊ sumˊ gawmˊ seunyi.

2 Tiˊmoˊse 3:17

A rangraen peue Eun Peucawoˊ naˊ kaw ce rangraen ri kaw yeuh kanˊ chakˊ naˊ ku ceu ka.

Hebraeˊ 12:23

rot ri muk konˊ Hkrit ce konˊ aiˊ kuˊ kueˊ muis temˊ ri nang kuingˊ pang maoˊ naˊ ce. Peˊ ingˊ rot ri Peucawoˊ Cawoˊ tawsˊ aˊmu ri peue gawmˊeucˊ naˊ Eun, rot ri civit ce peue leupaws seumeuˊ kuˊ pun ri rap ri yeuh ri htonnuk hawcˊ naˊ ce,

Hebraeˊ 13:21

punta kaw peˊ hotˊ ri yeuh alo Eun naˊ, kah Eun yeuh peˊ htonnuk ri kuˊ chakˊ ku ceu naˊ maeeˊ kah Eun yeuh kanˊ hk'aˊnaee peˊ hotˊ kuˊ htukˊ hpumˊ Eun naˊ ri Yesuˊ Hkrit Eun reuˊ. Kah munhpungˊ naˊ kueˊ ri Heun cotˊcu ri reuˊ. Amin.

Hebraeˊ 6:1

Kop awnˊ na, kah eˊ hk'ahˊ kleumˊ ka leukahˊ sangsawnˊ lawng Eun Hkrit naˊ heulˊ, eˊ naˊ lec htan ce nang keuting naˊ pawh. Lawng tawsˊ hpumˊ fuin mapˊ yeuh eˊ lec hk'aˊ yeum naˊ unˊ lahˊ, lawng yumˊ Peucawoˊ Eun naˊ unˊ lahˊ,

1 Petruˊ 5:10

Hawcˊ ka yam pun peˊ ri hkamˊ kuˊ tukhka naˊ ti vut ti yam naˊ, Peucawoˊ meuh Cawoˊ munˊ gawmˊeucˊ kuˊ klawng peˊ ingˊ ri munhpungˊ cotˊcu hk'aˊnaee Hkrit Eun naˊ Eun kaw yeuh peˊ htonnuk, kueˊ kawlˊreng maeeˊ yeuh peˊ keutawnˊ seupit.