2 Kawˊrinhtuˊ 11:2 - Plang (Blang)

² Uiˊ hkiˊkeung ri peˊ seunˊ Peucawoˊ hkiˊkeung Eun ri peˊ naˊ yeut. Kopti punta kaw uiˊ tan peˊ ri Hkrit Eun seunˊ meuh peˊ konˊhk'ihˊ plotˊlon seungaˊ chakˊ naˊ, uiˊ yeuh kati ri hawcˊ kaw kah peˊ ti yawo ri isˊ me ti peue naˊ Eun.

2 Kawˊrinhtuˊ 11:2 ပူးပေါင်းရင်းမြစ်များ

Yoˊhan 3:29

Konˊ hk'ihˊ kaw ti ri isˊ me naˊ meuh eun isˊ eun seula naˊ. Pu eun seula kaw ti ri isˊ beunˊ naˊ, koˊ eun ri leuceng leukahˊ eun seula naˊ. Yam pun eun ri mhawngˊ leukahˊ eun naˊ, pu naˊ eun renˊkawn nyawkˊ. Uiˊ ku renˊkawn seunˊ awnˊ na yeut. Maetˊmaenˊ, hk'aˊ renˊkawn uiˊ naˊ a htonnuk hawcˊ.

Roˊma 7:4

Kop awnˊ na ecˊawngˊ uiˊ naˊ peˊ, saecˊ peˊ ri yeum peˊ hk'aiˊ leukahˊ ritroe naˊ kopti Hkrit yeum Eun pun peˊ naˊ. Aenˊ a meuh punta kaw peˊ unˊ laee pun ri meuh isˊ ka leukahˊ ritroe naˊ daecti meuh peˊ isˊ Eun Hkrit Cawoˊ tang kuhˊ imˊ hk'aiˊ vang yeum ri naˊ Eun. Aenˊ a meuh punta kaw eˊ tan pliˊ ri naˊ ri Peucawoˊ Eun naˊ.

1 Kawˊrinhtuˊ 4:15

Peˊ saecˊ naˊ kueˊ nang sangsawnˊ lawng Eun Hkrit naˊ ri peˊ hk'oˊ timhuinˊ peue koˊ, daecti kueˊ peˊ kuiingˊ ti peue. Kopti hk'aˊnaee Yesuˊ Hkrit Eun, pun uiˊ ri meuh kuiingˊ peˊ ri leukahˊ munˊ renˊkawn naˊ.

2 Kawˊrinhtuˊ 4:14

Yawng ya Cawoˊ yeuh Cawoˊ Yesuˊ Eun tang kuhˊ imˊ naˊ kaw Eun yeuh ya tang kuhˊ imˊ maeeˊ Cawoˊ Yesuˊ Eun. Eun kaw va ya ingˊ ri nanggalˊ Eun naˊ maeeˊ peˊ tiduihˊ.

Galatiˊ 4:11

Kuit nyhapˊ uiˊ ri kuˊ saeˊcaeeˊ uiˊ ri yeuh pun peˊ naˊ, naˊ a cang meuh kuˊ hk'oˊhk'awngˊ.

Hpiˊliˊpiˊ 1:8

Uiˊ ciˊ pe keutuiˊ hpumˊ peˊ gawmˊeucˊ ri aˊneng naˊ, Peucawoˊ penˊ hkamˊ Eun saˊhkiˊ ka pun uiˊ. Leumeusˊ uiˊ peˊ gawmˊeucˊ ri hk'aˊ leumeusˊkeus Eun Yesuˊ Hkrit naˊ.

Kawˊlawˊsaeˊ 1:28

Punta kaw eˊ ap peue ku peue naˊ peue meuh peue chakˊ htonnuk hk'aˊnaee Hkrit Eun naˊ, eˊ paoˊ lawng Eun naˊ, eˊ sangsawnˊ tuilˊ sati peue ku peue naˊ ce ri cuˊyi naˊ gawmˊeucˊ.

1 Hteˊsalawˊniˊ 2:11

Kopti tup yawng peˊ a, yeuh ye ri peˊ seunˊ kuiingˊ naˊ yeuh eun ri konˊ ri naˊ ce koˊ.

Tuhˊ ri tuilˊ 14:4

Peue awnˊ ce meuh peue unˊ yeuh kuˊ hk'awˊjeuk ri beunˊ, kopti roksaˊ ce tuˊ ri seungaˊ chakˊ meun naˊ. Ce hotˊ Konˊyungˊ naˊ Eun ku duihˊ. Ce meuh peue Peucawoˊ htut Eun ce neum peue punta kaw ce meuh pliˊ nanggalˊ tan ri ri Peucawoˊ Eun naˊ maeeˊ ri Konˊyungˊ naˊ Eun.