2 Kawˊrinhtuˊ 11:11 - Plang (Blang)

¹¹ A ciˊ meuh kop keunhawˊ? Meuh a kopti unˊ leumeusˊ uiˊ peˊ naˊ aw? Peucawoˊ yawng Eun leumeusˊ uiˊ peˊ yeut.

2 Kawˊrinhtuˊ 11:11 ပူးပေါင်းရင်းမြစ်များ

Yoˊhan 21:17

Yesuˊ Eun tang lahˊ a ri heun hton loeˊ pok, “Siˊmon konˊ Yoˊhan, lakˊ leumeusˊ mi Uiˊ aw?” Kopti Yesuˊ mhaingˊ Eun, “Lakˊ leumeusˊ mi Uiˊ aw?” hton loeˊ pok naˊ, Petruˊ eun hpumˊ lu. Eun topˊ a, “Cawoˊ, yawng Mi ku ceu gawmˊeucˊ naˊ. Mi yawng leumeusˊ uiˊ Mi.” Yesuˊ eun lahˊ, “Uiiˊ konˊyungˊ Uiˊ naˊ ce reuˊ.

Peue caee 15:8

Peucawoˊ cang yawng nang hpumˊ naˊ Eun, rap Eun ri ti ce naˊ yeuh Eun a pucti lih ri tuilˊ Eun Citˊ seungaˊ chakˊ naˊ ri ce seunˊ tuilˊ Eun a ri eˊ naˊ.

Roˊma 1:9

Peucawoˊ Cawoˊ yeuh uiˊ mhaiˊ Eun sutˊ hk'aˊnaee hpumˊ ri hk'aˊnaee vang paoˊ uiˊ leukahˊ munˊ renˊkawn lawng Eun Konˊ aiˊ Eun naˊ, penˊ hkamˊ Eun saˊhkiˊ ka kuit rot uiˊ ri peˊ laleung

2 Kawˊrinhtuˊ 11:10

Seunˊ hk'aˊ neumneum Eun Hkrit naˊ kueˊ a hk'aˊnaee uiˊ naˊ, aˊnhawˊ hkuinˊ kaw cang hamˊtap uiˊ unˊ kah uiˊ lahˊ leukahˊ mhawngˊ uiˊ ri hk'oˊcuin ri lawng aenˊ a hk'aˊnaee kuingˊ Ahkaiyaˊ naˊ saecˊ ti peue.

2 Kawˊrinhtuˊ 11:31

Peucawoˊ Cawoˊ kuingˊ ri sukˊseunˊ cotˊcu Eun meuh aˊkuiingˊ Eun Cawoˊ Yesuˊ eˊ naˊ yawng Eun unˊ chiˊlai uiˊ.

2 Kawˊrinhtuˊ 12:15

Kop awnˊ na, renˊ uiˊ maeeˊ kaw ri tuilˊ peˊ isˊ kuˊ kueˊ ri naˊ gawmˊeucˊ maeeˊ jawngkuiˊ tuˊ uiˊ naˊ. Uiˊ lawn gawm baet ri leumeusˊ peˊ heunˊ koˊ, kaw peˊ baet ri leumeusˊ uiˊ leng aw?

2 Kawˊrinhtuˊ 2:17

Kopti hpaw ya caˊ seunˊ peue heunˊ naˊ ce. Ce ri, heulˊ paingˊ ce ri hk'a leukahˊ Eun Peucawoˊ naˊ. Daecti ya ri, ya sangsawnˊ a ri cu ya Hkrit Eun naˊ seunˊ meuh ya peue kati keutawnˊ naˊ, seunˊ meuh ya peue lih neum Peucawoˊ Eun naˊ maeeˊ seunˊ meuh ya peue utˊ nanggalˊ Eun Peucawoˊ naˊ.

2 Kawˊrinhtuˊ 7:3

Lahˊ uiˊ a yeuhkiˊ naˊ a hkuinˊ toˊ ri meuh sumˊ tangˊ uiˊ mapˊ ri peˊ. Daecti tawn lahˊ uiˊ a ri peˊ nanggalˊ aenˊ a yeut, utˊ peˊ hk'aˊnaee hpumˊ ya a hk'oˊ a rot ti htan kaw ya cu ri yeum yawo maeeˊ peˊ a ku naˊ pun naˊ.

Hebraeˊ 4:13

Kuˊ hpanplengˊ Eun naˊ a hkuinˊ kueˊ kuˊ cang moˊ ri ri saiˊ ngaiˊ Eun naˊ saecˊ ti ceu. Ku ceu naˊ a kaw tuhˊ ri glihˊgleuengˊ pucti maeeˊ ngaiˊ Eun Cawoˊ kuˊ kaw eˊ kah ri ris Eun mhawngˊ naˊ.

Tuhˊ ri tuilˊ 2:23

Uiˊ kaw toh konˊ ka beunˊ awnˊ ce. Yeuh keutitˊ naˊ, muk konˊ Hkrit naˊ ce gawmˊeucˊ ce kaw yawng meuh Uiˊ Cawoˊ cang yawng kuˊ kuit peue nang hpumˊ ri naˊ. Uiˊ kaw topˊ kun ka naˊ hotˊ kuˊ yeuh peˊ naˊ ti peue hawcˊ ti peue.