2 Kawˊrinhtuˊ 1:10 - Plang (Blang)

¹⁰ Eun yeuh ya lawtpon hk'aiˊ htan kaw yeum naˊ. Eun ku kawnˊ kaw tang teumˊkawm ya baee yeut. Ya keutuiˊ hpumˊ Eun kaw suip ri teumˊkawm ya heulˊ baee

2 Kawˊrinhtuˊ 1:10 ပူးပေါင်းရင်းမြစ်များ

Peue caee 26:21

Kopti meuh a ceu nang aenˊ ce naˊ, peue Yuˊda naˊ ce mheutˊ uiˊ nang nya hk'oˊ munˊ keuting naˊ. Ce coˊcaˊ ri kaw toh uiˊ.

Roˊma 15:31

Hk'oˊ peˊ hk'oˊ munˊ kah uiˊ pun ri rap ri ti hk'aˊ teumˊkawm kah uiˊ saˊpa samˊran hk'aiˊ peue unˊ yumˊ utˊ nang kuingˊ Yuˊda naˊ ce, maeeˊ hk'oˊ peˊ hk'oˊ munˊ kah peue Eun Peucawoˊ utˊ nang veng Yeruˊsalaem naˊ rap ce ri ti hk'aˊ teumˊkawm uiˊ naˊ.

2 Kawˊrinhtuˊ 1:9

Neumneum ka naˊ koˊ, hteumˊ ya ri rot htan kaw yeum naˊ hawcˊ. Daecti meuh a yeuhkiˊ naˊ a meuh punta kaw ya unˊ papuing jawngkuiˊ tuˊ ri naˊ meun, daecti ya papuing Peucawoˊ Cawoˊ yeuh peue yeum ce tang kuhˊ imˊ naˊ Eun.

2 Kawˊrinhtuˊ 6:9

Ya saecˊ naˊ meuh peue peue yawng ya gawmˊeucˊ ri koˊ, daecti peue yeuh ri seunˊ unˊ yawng ri ya koˊ. Ya saecˊ naˊ seunˊ peue buih yeum naˊ koˊ, daecti ya kawnˊ aˊyu imˊ. Ya saecˊ naˊ pun ri hkamˊ hk'aˊ ciyang peue ri naˊ koˊ, daecti a hkuinˊ nang hk'oˊ ya yeum.

1 Tiˊmoˊse 4:10

Htalikawmˊ hkamˊ eˊ ri saeˊcaeeˊ yeuh kanˊ naˊ kopti meuh a keutuiˊ hpumˊ eˊ Peucawoˊ Cawoˊ aˊyu imˊ naˊ Eun. Eun meuh Cawoˊ teumˊkawm htut peue gawmˊeucˊ peue lawtpon naˊ, Eun jaen meuh Cawoˊ teumˊkawm htut peue yumˊ Eun naˊ ce lawtpon.

2 Tiˊmoˊse 4:17

Meuh a kop uiˊ ri punta leukahˊ munˊ renˊkawn naˊ kaw a pucti heulˊ htonnuk, maeeˊ peue unˊ meuh peue ceu Yuˊda naˊ kaw ce mhawngˊ lawng aenˊ na gawmˊeucˊ ri naˊ, Peucawoˊ Eun utˊ hk'aˊ uiˊ, Eun tuilˊ kawlˊreng uiˊ. Eun ku ti uiˊ pon hk'aiˊ moeng ka leuvai sangsiˊ naˊ.

2 Petruˊ 2:9

Kopti yeuh a keutitˊ naˊ, Peucawoˊ Eun ciˊ kaw teumˊkawm peue leupaws seumeuˊ naˊ ce pon hk'aiˊ hk'aˊ copˊlong naˊ yeuh saˊnhawˊ naˊ, Eun yawng a. Eun ciˊ kaw hk'awngˊ, Eun ciˊ kaw suip ri ciyang peue unˊ leupaws seumeuˊ naˊ ce yeuh saˊnhawˊ heulˊ rot ti yam seunyi kaw tawsˊ aˊmu naˊ, Eun ku yawng a.