1 Yoˊhan 5:10 - Plang (Blang)

¹⁰ Peue yumˊ Konˊ aiˊ Eun Peucawoˊ naˊ kueˊ ce saˊhkiˊ aenˊ a hk'aˊnaee hpumˊ ri. Peue unˊ yumˊ naˊ ce lahˊ Peucawoˊ Eun chiˊlai, kopti unˊ yumˊ ce saˊhkiˊ tuilˊ Eun Peucawoˊ lawng Eun Konˊ aiˊ Eun naˊ.

1 Yoˊhan 5:10 ပူးပေါင်းရင်းမြစ်များ

Yoˊhan 3:16

Kopti Peucawoˊ leumeusˊ Eun peue bhenˊ keuteˊ naˊ, Eun hkamˊ ri tuilˊ Konˊ aiˊ ti peue ri naˊ Eun. Punta peue yumˊ Konˊ aiˊ Eun naˊ ku peue kaw ce unˊ lulaic, daecti ce kaw pun citˊ tip aˊyu tip cotˊcu naˊ.

Yoˊhan 3:18

Aˊnhawˊ lawn yumˊ Eun koˊ, eun hkuinˊ kaw pun ri hkamˊ hk'aˊ tawsˊ aˊmu naˊ. Daecti aˊnhawˊ lawn unˊ yumˊ koˊ, eun kaw pun ri hkamˊ hk'aˊ tawsˊ aˊmu naˊ kopti unˊ yumˊ eun muis Eun Konˊ aiˊ ti peue Eun Peucawoˊ naˊ Eun.

Yoˊhan 3:33

Peue rap ri ti saˊhkiˊ hkamˊ Eun naˊ, htawhkam eun Peucawoˊ meuh Eun neum.

Yoˊhan 5:38

Kopti unˊ yumˊ peˊ Cawoˊ cusˊ Uiˊ lih naˊ Eun, leukahˊ Eun naˊ a ku unˊ utˊ hk'aˊnaee peˊ.

Roˊma 8:16

Citˊ seungaˊ naˊ maeeˊ civit eˊ naˊ a htawhkam lahˊ meuh eˊ konˊ Eun Peucawoˊ naˊ.

Galatiˊ 4:1

Kuˊ sumˊ lahˊ uiˊ naˊ yeuh a kiˊ, nang hk'a sinˊ naˊ eun saecˊ naˊ meuh cawoˊ ka sinˊ naˊ gawmˊeucˊ ka, daecti cu yam kawnˊ buih meuh eun konˊ nyom naˊ, eun hkuinˊ chat hk'aiˊ mhaiˊ naˊ eun.

Galatiˊ 4:6

Kopti meuh peˊ konˊhk'i Eun naˊ, Peucawoˊ Eun tuilˊ Citˊ seungaˊ Eun Konˊ aiˊ ri naˊ nang hpumˊ eˊ naˊ. Citˊ seungaˊ naˊ a klawng ri lahˊ, “Abaˊ, Aˊkuiingˊ.”

Kawˊlawˊsaeˊ 3:3

Kopti yeum peˊ hawcˊ, daecti maetˊmaenˊ civit peˊ naˊ a moˊ ri maeeˊ Hkrit Eun hk'aˊnaee Peucawoˊ Eun.

Hebraeˊ 3:12

Ecˊawngˊ naˊ peˊ, punta hpumˊ rai mapˊ naˊ kaw a unˊ cang kueˊ hk'aˊnaee hpumˊ peˊ naˊ maeeˊ punta kaw peˊ unˊ yumˊ hawcˊ koˊ hpawtˊ ri tec hk'aˊ Eun Peucawoˊ Cawoˊ aˊyu imˊ naˊ saecˊ ti peue naˊ, uinˊ sati ri reuˊ.

2 Petruˊ 1:19

Kop awnˊ na, eˊ jaen gawm yumˊ leukahˊ ce peue suip leukahˊ Eun Peucawoˊ naˊ. Peˊ lawn ti leukahˊ kuˊ seunˊ cengˊ hk'aˊnaee duimˊ yam unˊ nang cengˊ ka naˊ maeeˊ kuˊ seunˊ seumeuengˊ keuting peunngup cawo pucti hk'aˊnaee hpumˊ aenˊ na seucen koˊ, chakˊ ka.

1 Yoˊhan 1:10

Eˊ lawn lahˊ ri unˊ yeuh mapˊ koˊ, yeuh eˊ Peucawoˊ Eun cang chiˊlai. Leukahˊ Eun naˊ a unˊ kueˊ hk'aˊnaee aˊyu eˊ naˊ.

1 Yoˊhan 5:1

Peue yumˊ Yesuˊ meuh Eun Hkrit naˊ ce ku peue, keutˊ ce neum Peucawoˊ Eun. Peue leumeusˊ Aˊkuiingˊ Eun naˊ ce ku peue, ce ku leumeusˊ Konˊ Eun naˊ Eun yeut.

Tuhˊ ri tuilˊ 12:17

Peuyong naˊ a seungeuengˊ nyawkˊ ri beunˊ naˊ ka. A heulˊ peuengˊ suikˊ ri konˊ kawnˊ vang ka naˊ ce. Konˊ awnˊ ce koˊ, ce meuh peue leuceng leukahˊ tuilˊ Eun Peucawoˊ naˊ maeeˊ kati keutawnˊ ri saˊhkiˊ lawng Eun Yesuˊ naˊ. Peuyong naˊ a cawng pang kawˊ sai keunam mhaˊseumutˊ naˊ.

Tuhˊ ri tuilˊ 2:17

Peue kueˊ yhukˊ naˊ, leuceng leukahˊ kuˊ Citˊ seungaˊ naˊ lahˊ ka ri muk konˊ Hkrit naˊ ce reuˊ. Aˊnhawˊ lawn pe koˊ, Uiˊ kaw tuilˊ pliˊ manaˊ moˊ ri naˊ maeeˊ seumu paing temˊ tuˊ muis hk'uˊ ri ka naˊ ri heun. A lawn unˊ meuh peue pun seumu awnˊ a naˊ eun koˊ, aˊnhawˊ hkuinˊ kaw yawng muis awnˊ na.” ’

Tuhˊ ri tuilˊ 2:28

Uiˊ ku kaw tuilˊ seumeuengˊ keuting peunngup cawo naˊ ri heun.