1 Yoˊhan 3:7 - Plang (Blang)

⁷ Konˊ leumeusˊ uiˊ naˊ peˊ, pawlaee tuilˊ peue copˊ ri yeuh peˊ kleucˊ hk'aˊ ri. Peue yeuh kuˊ cawpˊ naˊ meuh ce peue leupaws seumeuˊ seunˊ leupaws seumeuˊ Heun naˊ.

1 Yoˊhan 3:7 ပူးပေါင်းရင်းမြစ်များ

Mahtae 5:20

Kopti Uiˊ lahˊ a ri peˊ, ‘Peˊ lawn unˊ kueˊ hk'aˊ leupaws seumeuˊ naˊ heunˊ hk'aiˊ peue Hparisaeˊ maeeˊ peue guil leukahˊ ritroe naˊ ce koˊ, peˊ hkuinˊ kaw pun ri lec hk'aˊnaee kuingˊ pang maoˊ naˊ neumneum.’

Luˊka 1:75

Rot ti aˊyu eˊ sutˊ ka naˊ, eˊ kaw meuh peue leupaws seumeuˊ seungaˊ chakˊ nanggalˊ Eun Peucawoˊ.

Peue caee 10:35

Daecti Eun rap ri ti peue ceu ku ceu kuˊ lhatˊtil ri Heun naˊ maeeˊ kuˊ yeuh kuˊ leupaws seumeuˊ naˊ ce.

Roˊma 2:13

Kopti peue leupaws seumeuˊ nanggalˊ Eun Peucawoˊ naˊ ce hkuinˊ meuh peue pun ri mhawngˊ leukahˊ ritroe naˊ, daecti peue hotˊ ri yeuh leukahˊ ritroe naˊ ce palkoe Peucawoˊ sawnˊ Eun ce meuh peue leupaws seumeuˊ.

1 Kawˊrinhtuˊ 6:9

Unˊ yawng peˊ peue rai naˊ kaw ce unˊ pun ri lec hk'aˊnaee kuingˊ Eun Peucawoˊ naˊ aw? Pawlaee va ri kleucˊ hk'aˊ ri. Peue hkuitˊnawngˊtangˊ, aˊkoˊ peue faeeˊ ruphtu, aˊkoˊ peue lenˊcu, aˊkoˊ me paingˊ ri, aˊkoˊ me itˊ maeeˊ me beunˊ itˊ maeeˊ beunˊ,

Eˊfeˊsuˊ 5:6

Pawlaee kah aˊnhawˊ copˊlong peˊ ri leukahˊ unˊ kueˊ peuehotˊ naˊ, kopti kop meuh a ceu nang awnˊ ce, Peucawoˊ Eun kaw ciyang peue unˊ leuceng ri ti leukahˊ Eun naˊ ce.

Eˊfeˊsuˊ 5:9

Kopti pliˊ ka kuˊ cengˊ naˊ meuh a hk'aˊ chakˊ, hk'aˊ leupaws seumeuˊ maeeˊ hk'aˊ neumneum naˊ gawmˊeucˊ.

Hpiˊliˊpiˊ 1:11

maeeˊ punta kaw peˊ kueˊ pliˊ ka hk'aˊ leupaws seumeuˊ lih neum Yesuˊ Hkrit Eun naˊ htonnuk naˊ. Aenˊ a meuh punta kaw tuilˊ hk'aˊ munhpungˊ maeeˊ hk'aˊ sukˊseunˊ Peucawoˊ Eun naˊ.

Hebraeˊ 1:8

Daecti Eun lahˊ lawng Eun Konˊ aiˊ naˊ yeuh keutitˊ, “Peucawoˊ, tenceoˊ Mi naˊ kaw a keutawnˊ cotˊcu ri. Mi kaw uˊpeung kuingˊ ri naˊ ri hkuˊji ka hk'aˊ leupaws seumeuˊ naˊ.

Hebraeˊ 7:2

Hk'eung Abraham pun eun naˊ gawmˊeucˊ ka, eun tan a kulˊ pun ti pun ri heun. Vangdohˊ ka muis Melhkisedekˊ naˊ lahˊ, “hkunˊhawˊhkamˊ ka hk'aˊ leupaws seumeuˊ” naˊ. Vangdohˊ ka “Hkunˊhawˊhkamˊ ce veng Salem” naˊ lahˊ, “hkunˊhawˊhkamˊ ka hk'aˊ cumyenˊ” naˊ.

Yakopˊ 1:22

Pawlaee leuceng hk'oˊhk'awngˊ leukahˊ mun naˊ palkoe. Yeuh keutitˊ naˊ, meuh a nang chiˊlai tuˊ ri meun. Daecti hotˊ ri yeuh kuˊ lahˊ ka naˊ reuˊ.

Yakopˊ 2:19

Yumˊ mi Peucawoˊ meuh Eun ti peue yawo naˊ chakˊ ka. Saecˊ meuh seucaˊ naˊ a ku yumˊ yeuhkoˊ yeut. A lhatˊ keuyuingˊ.

1 Petruˊ 2:24

Punta yeum eˊ hk'aˊnaee mapˊ ri naˊ eˊ kaw pun ri aˊyu imˊ pun hk'aˊ leupaws seumeuˊ naˊ, Eun peus mapˊ eˊ naˊ ri tuˊ ri naˊ pang kleumˊ rawngˊtawpˊ naˊ. Kopti meuh a vang suiˊ Eun naˊ, peˊ pun ri baiˊ ri cuin hawcˊ.

1 Yoˊhan 2:1

Konˊ leumeusˊ uiˊ naˊ peˊ, punta kaw peˊ unˊ yeuh mapˊ naˊ, uiˊ temˊ ri buˊ htawm aenˊ na ri peˊ. Daecti aˊnhawˊ lawn yeuh mapˊ naˊ koˊ, eˊ kueˊ nang hk'oˊ a tangˊ eˊ ri Aˊkuiingˊ Eun. A meuh Yesuˊ Hkrit Cawoˊ leupaws seumeuˊ naˊ Eun.

1 Yoˊhan 2:26

Uiˊ temˊ ri buˊ htawm lawng ce peue coˊcaˊ ri copˊ peˊ kleucˊ hk'aˊ ri naˊ ri peˊ.

1 Yoˊhan 2:29

Mi lawn yawng leupaws seumeuˊ Eun koˊ, mi ku yawng peue yeuh kuˊ leupaws seumeuˊ naˊ keutˊ ce neum Heun ri ku peue ri.

1 Yoˊhan 3:18

Konˊ leumeusˊ uiˊ naˊ peˊ, pawlaee leumeusˊ puri ri leukahˊ maeeˊ ri moeng ri naˊ palkoe, daecti leumeusˊ puri ri kuˊ yeuh maeeˊ kuˊ leupaws seumeuˊ naˊ reuˊ.

1 Yoˊhan 3:3

Peue keutuiˊ hpumˊ a yeuhkiˊ hk'aˊnaee Heun naˊ peue ku peue, ce kaw yeuh tuˊ ri naˊ seungaˊ chakˊ seunˊ seungaˊ chakˊ Heun naˊ.

1 Yoˊhan 4:17

Meuh a kopti aenˊ a naˊ, hk'aˊ leumeusˊkeus naˊ a htonnuk hk'aˊnaee eˊ punta kaw eˊ kueˊ vang tahˊ hpumˊ yam seunyi tawsˊ aˊmu naˊ. Kopti eˊ ku seunˊ Heun ri pang bhenˊ keuteˊ aenˊ na.