1 Yoˊhan 3:16 - Plang (Blang)

¹⁶ Meuh a kopti aenˊ a naˊ, eˊ saecˊ maee yawng hk'aˊ leumeusˊkeus naˊ a ciˊ meuh keunhawˊ, meuh a kopti Yesuˊ Hkrit tan Eun aˊyu ri pun eˊ naˊ. Saecˊ eˊ ri eˊ htukˊ ri tan aˊyu ri naˊ pun ecˊawngˊ ri naˊ ce yeut.

1 Yoˊhan 3:16 ပူးပေါင်းရင်းမြစ်များ

Mahtae 20:28

A seunˊ Konˊ aiˊ peue naˊ hpaw Eun caˊ lih pun kaw peue yeuh mhaiˊ Eun, daecti lih Eun pun kaw Eun yeuh mhaiˊ peue maeeˊ kaw Eun tuilˊ aˊyu ri naˊ meuh ngos ka hk'aˊ htut lawtpon pun peue heunˊ naˊ peue.”

Yoˊhan 10:11

Meuh Uiˊ Cawoˊ goˊ konˊyungˊ chakˊ. Cawoˊ goˊ konˊyungˊ chakˊ naˊ eun hkamˊ ri sum aˊyu ri naˊ pun konˊyungˊ ri naˊ ce.

Yoˊhan 10:15

seunˊ Aˊkuiingˊ yawng Eun Uiˊ naˊ, Uiˊ ku yawng Aˊkuiingˊ Eun. Uiˊ hkamˊ ri sum aˊyu ri naˊ pun konˊyungˊ ri naˊ ce.

Yoˊhan 13:34

Kaw Uiˊ tuilˊ leukahˊ ritroe hk'uˊ ri peˊ, a meuh leumeusˊ pu peˊ ti peue hawcˊ ti peue reuˊ. Leumeusˊ pu peˊ ti peue hawcˊ ti peue seunˊ leumeusˊ Uiˊ peˊ naˊ reuˊ.

Yoˊhan 3:16

Kopti Peucawoˊ leumeusˊ Eun peue bhenˊ keuteˊ naˊ, Eun hkamˊ ri tuilˊ Konˊ aiˊ ti peue ri naˊ Eun. Punta peue yumˊ Konˊ aiˊ Eun naˊ ku peue kaw ce unˊ lulaic, daecti ce kaw pun citˊ tip aˊyu tip cotˊcu naˊ.

Peue caee 20:28

Nomˊnawk tuˊ peˊ naˊ maeeˊ muk konˊyungˊ kuˊ Citˊ seungaˊ chakˊ naˊ uinˊ a peˊ meuh nang nomˊnawk roksaˊ naˊ ce meulamlam ri reuˊ. Meuh nang koˊ konˊyungˊ muk konˊ Hkrit Eun Peucawoˊ kuˊ Peucawoˊ leuvaee Eun hk'aiˊ nhamˊ ri naˊ reuˊ.

Roˊma 16:4

Punta kaw uiˊ pun ri pon naˊ, ka hkuinˊ laee mangˊ aˊyu ri. A hkuinˊ meuh uiˊ ri koe, daecti muk konˊ Hkrit unˊ meuh peue ceu Yuˊda naˊ ce ku kuit rot ri munˊ ka yeut.

Roˊma 5:8

Daecti Peucawoˊ tuhˊ Eun eˊ nyu hk'aˊ leumeusˊkeus meun ri naˊ ri cusˊ Eun Hkrit Eun lih yeum pun eˊ yam kawnˊ buih meuh eˊ peue mapˊ naˊ.

2 Kawˊrinhtuˊ 4:12

Kop awnˊ na, hk'aˊ yeum naˊ a buih yeuh kanˊ hk'aˊnaee ya. Daecti hk'aˊ aˊyu imˊ naˊ a buih yeuh kanˊ hk'aˊnaee peˊ.

Eˊfeˊsuˊ 5:2

Aˊyu imˊ hk'aˊnaee hk'aˊ leumeusˊkeus naˊ seunˊ Hkrit leumeusˊ Eun eˊ ku peue naˊ reuˊ. Eun tuilˊ meun tuˊ ri naˊ meuh seunˊ kuˊ tan kueˊ aiˊ homˊ maeeˊ seunˊ kuˊ dum ri tan ri Peucawoˊ Eun naˊ pun eˊ.

Eˊfeˊsuˊ 5:25

Me naˊ peˊ, leumeusˊ beunˊ peˊ naˊ ce seunˊ Hkrit leumeusˊ Eun muk konˊ Hkrit ri naˊ ce reuˊ. Eun tuilˊ tuˊ ri naˊ ri ce

Hpiˊliˊpiˊ 2:17

Daecti uiˊ saecˊ naˊ pun ri buit ri hk'uicˊ seunˊ leuumˊ kuˊ tan naˊ hk'aˊpang kuˊ tan naˊ maeeˊ hk'aˊpang kanˊ mhaiˊ yeuh peˊ hk'aˊnaee hk'aˊ yumˊ peˊ naˊ koˊ, uiˊ renˊkawn maeeˊ renˊkawn maeeˊ peˊ gawmˊeucˊ tiduihˊ.

Hpiˊliˊpiˊ 2:30

kopti daee yeum eun pun kanˊ Eun Hkrit naˊ. Eun ti imˊ yeum ri teumˊkawm uiˊ hk'aˊnaee kuˊ yeuh unˊ pun peˊ naˊ.

1 Hteˊsalawˊniˊ 2:8

Leumeusˊ ye peˊ nyawkˊ naˊ, ye renˊkawn tuilˊ pal leukahˊ munˊ renˊkawn Eun Peucawoˊ naˊ ri peˊ a hkuinˊ nang hk'oˊ, saecˊ meuh aˊyu ye naˊ ye ku sumˊ tuilˊ a yeut, kopti keutˊ peˊ ri meuh peue leumeusˊ ye peˊ nyawkˊ hawcˊ.

Tiˊtasˊ 2:13

Hk'aˊnaee cu cat aenˊ na, koˊ eˊ vang keutuiˊ hpumˊ munˊ htonnuk naˊ. Vang keutuiˊ hpumˊ munˊ htonnuk awnˊ a meuh munhpungˊ Eun Yesuˊ Hkrit Cawoˊ meuh Peucawoˊ Cawoˊ htut keuting eˊ naˊ kaw a pucti lih naˊ.

1 Petruˊ 1:18

Kopti tup yawng peˊ teumˊkawm htut Eun peˊ lawtpon hk'aiˊ hk'aˊ aˊyu imˊ unˊ kueˊ munˊ kuˊ suip ri ingˊ neum aˊtaˊ aˊya peˊ naˊ ce naˊ. Eun hkuinˊ htut peˊ ri kuˊ cang lulaic heulˊ naˊ, uˊhpama ri koˊ hk'ilˊ, aˊkoˊ leumuil.

1 Petruˊ 2:24

Punta yeum eˊ hk'aˊnaee mapˊ ri naˊ eˊ kaw pun ri aˊyu imˊ pun hk'aˊ leupaws seumeuˊ naˊ, Eun peus mapˊ eˊ naˊ ri tuˊ ri naˊ pang kleumˊ rawngˊtawpˊ naˊ. Kopti meuh a vang suiˊ Eun naˊ, peˊ pun ri baiˊ ri cuin hawcˊ.

1 Petruˊ 3:18

Kopti Hkrit yeum Eun naˊ meuh a punta saicˊ Eun ri tec mapˊ naˊ gawmˊeucˊ ti pok a hk'oˊ. Aenˊ na koˊ, peue leupaws seumeuˊ naˊ Eun pun ri hkamˊ ri yeum tangˊ peue unˊ leupaws seumeuˊ naˊ ce punta kaw Eun va ce ingˊ ri Peucawoˊ Eun naˊ. Tuˊ Eun naˊ a saecˊ yeum, daecti Eun tang kuhˊ imˊ hk'aˊnaee Citˊ seungaˊ naˊ.

1 Yoˊhan 2:6

Aˊnhawˊ lawn lahˊ ri utˊ hk'aˊnaee Heun koˊ, eun htukˊ ri aˊyu imˊ seunˊ Yesuˊ Eun yeut.

1 Yoˊhan 2:9

Aˊnhawˊ saecˊ naˊ lahˊ ri utˊ hk'aˊnaee kuˊ cengˊ naˊ, daecti eun lawn ces ri ecˊawngˊ ri naˊ ce koˊ, kawnˊ utˊ eun hk'aˊnaee kuˊ duimˊlawng naˊ.

Tuhˊ ri tuilˊ 1:5

maeeˊ lih neum Yesuˊ Hkrit Cawoˊ hkamˊ saˊhkiˊ kati keutawnˊ kuˊ meuh Cawoˊ tang kuhˊ imˊ hk'aiˊ vang yeum ri nanggalˊ peue, Eun meuh Cawoˊ uˊpeung hk'aˊpang hkunˊhawˊhkamˊ pang bhenˊ keuteˊ naˊ ce gawmˊeucˊ naˊ kueˊ ri peˊ reuˊ. Yesuˊ Hkrit leumeusˊ Eun eˊ. Eun yeuh eˊ pon mapˊ ri ri nhamˊ ri naˊ.

Tuhˊ ri tuilˊ 5:9

Ce lahˊ sengˊ cai hk'uˊ naˊ. Ce lahˊ, “Kuingˊ Mi ri rap ri ti bawlˊ htawm naˊ maeeˊ tohˊ taˊraˊ naˊ maeeˊ glas htawm naˊ, kopti pun Mi ri hkamˊ toh peue ri hawcˊ. Mi leuvaee peue gawmˊeucˊ naˊ peue neum peue ceu ku ceu, leukahˊ ku ceu, ceucat ku ceu maeeˊ peue kuingˊ ku kuingˊ naˊ peue hk'aiˊ nhamˊ ri naˊ ap ce ri Peucawoˊ Eun hawcˊ.