1 Yoˊhan 3:1 - Plang (Blang)

¹ Peucawoˊ Eun ciˊ pe leumeusˊ eˊ aˊneng naˊ kuit ti mhawngˊ a reuˊ. Eun lahˊ eˊ meuh konˊhk'i Eun Peucawoˊ, eˊ ku meuh a yeut. Peue bhenˊ keuteˊ naˊ unˊ yawng ce eˊ, kopti unˊ yawng ce Eun.

1 Yoˊhan 3:1 ပူးပေါင်းရင်းမြစ်များ

Luˊka 20:36

Ce ku unˊ laee pun ri yeum baee, kopti kaw ce keutˊ ri seunˊ inˊhpom naˊ ce. Ce meuh konˊhk'i Eun Peucawoˊ, kopti meuh ce konˊ tang kuhˊ imˊ naˊ.

Yoˊhan 1:12

Daecti peue rap ri ti Eun, peue yumˊ muis Eun naˊ peue gawmˊeucˊ, Eun tuilˊ ahkvang meuh konˊ Eun Peucawoˊ naˊ ri peue.

Yoˊhan 11:52

A hkuinˊ kaw meuh pal pun peue ceu awnˊ ce koe, daecti Eun ku yeum pun konˊ Eun Peucawoˊ kuˊ taicˊjah heulˊ hk'aiˊ puri naˊ, punta kaw Eun va ri ingˊ hk'onˊro ce meuh yawo ti muk naˊ.

Yoˊhan 15:21

Kopti meuh a muis Uiˊ naˊ, ce kaw yeuhkiˊ ri peˊ. Kopti unˊ yawng ce Cawoˊ kuˊ cusˊ Uiˊ lih naˊ Eun.

Yoˊhan 16:3

Yeuh ce keutitˊ naˊ meuh a kopti unˊ yawng ce Aˊkuiingˊ Eun maeeˊ Uiˊ ri naˊ.

Yoˊhan 17:25

Aˊkuiingˊ Cawoˊ leupaws seumeuˊ, bhenˊ keuteˊ naˊ a saecˊ naˊ unˊ yawng Mi, daecti Uiˊ yawng Mi. Yawng ce cusˊ Mi Uiˊ lih.

Yoˊhan 3:16

Kopti Peucawoˊ leumeusˊ Eun peue bhenˊ keuteˊ naˊ, Eun hkamˊ ri tuilˊ Konˊ aiˊ ti peue ri naˊ Eun. Punta peue yumˊ Konˊ aiˊ Eun naˊ ku peue kaw ce unˊ lulaic, daecti ce kaw pun citˊ tip aˊyu tip cotˊcu naˊ.

Roˊma 5:8

Daecti Peucawoˊ tuhˊ Eun eˊ nyu hk'aˊ leumeusˊkeus meun ri naˊ ri cusˊ Eun Hkrit Eun lih yeum pun eˊ yam kawnˊ buih meuh eˊ peue mapˊ naˊ.

Roˊma 8:19

Kuˊ Peucawoˊ hpanplengˊ Eun gawmˊeucˊ naˊ punta Peucawoˊ kaw Eun tuhˊ a nyu aˊnhawˊ ciˊ meuh konˊ Eun Peucawoˊ naˊ, a buih koˊ ri nawk a.

Roˊma 8:21

kuˊ hpanplengˊ aenˊ kaw a pun ri pon hk'aiˊ hk'aˊ lulaic kuˊ mawt a ri naˊ maeeˊ kaw a pun ri ti ri ingˊ hk'aˊnaee hk'aˊ lawtpon ce konˊ Eun Peucawoˊ naˊ.

Roˊma 8:32

Cawoˊ kuˊ unˊ laee mangˊ Konˊ aiˊ ri ti peue naˊ, daecti Eun tuilˊ Konˊ aiˊ ri naˊ Eun ri eˊ naˊ, Eun kawnˊ kaw unˊ cang tuilˊ ku ceu naˊ maeeˊ Konˊ aiˊ naˊ Eun tiduihˊ ri eˊ aw?

2 Kawˊrinhtuˊ 6:18

“Kaw Uiˊ meuh Kuiingˊ peˊ, peˊ kaw meuh konˊ beunˊ konˊ me Uiˊ. Peucawoˊ tiˊca keuting naˊ Eun lahˊ a yeuhkiˊ.”

Galatiˊ 3:26

Kopti meuh a hk'aˊ yumˊ peˊ hk'aˊnaee Yesuˊ Hkrit Eun naˊ, peˊ meuh konˊhk'i Eun Peucawoˊ gawmˊeucˊ ri.

Galatiˊ 3:29

Peˊ lawn meuh peue Eun Hkrit koˊ, peˊ ku meuh ceucat eun Abraham, meuh nang hk'a sinˊ hotˊ kati satˊcaˊ naˊ yeut.

Kawˊlawˊsaeˊ 3:3

Kopti yeum peˊ hawcˊ, daecti maetˊmaenˊ civit peˊ naˊ a moˊ ri maeeˊ Hkrit Eun hk'aˊnaee Peucawoˊ Eun.

1 Yoˊhan 3:10

Meuh a kopti aenˊ a naˊ, eˊ cang yawng a aˊnhawˊ ciˊ meuh konˊhk'i Eun Peucawoˊ, aˊnhawˊ ciˊ meuh konˊhk'i ka seucaˊ naˊ. Aˊnhawˊ lawn unˊ yeuh kuˊ cawpˊ maeeˊ unˊ leumeusˊ ecˊawngˊ ri naˊ ce koˊ, unˊ meuh eun konˊhk'i Eun Peucawoˊ.

1 Yoˊhan 3:2

Aˊmawo leumeusˊ uiˊ naˊ peˊ, maetˊmaenˊ meuh eˊ konˊhk'i Eun Peucawoˊ hawcˊ. Hk'aˊ nanggalˊ ka naˊ eˊ ciˊ kaw yeuh saˊnhawˊ naˊ, eˊ hkuinˊ yawng a. Daecti kuˊ yawng eˊ naˊ yam tang puc Eun ri lih naˊ, eˊ kaw seunˊ Heun ri. Kopti Eun lawn yeuh saˊnhawˊ koˊ, eˊ kaw nyu Eun yeuh saˊawnˊ.

1 Yoˊhan 4:17

Meuh a kopti aenˊ a naˊ, hk'aˊ leumeusˊkeus naˊ a htonnuk hk'aˊnaee eˊ punta kaw eˊ kueˊ vang tahˊ hpumˊ yam seunyi tawsˊ aˊmu naˊ. Kopti eˊ ku seunˊ Heun ri pang bhenˊ keuteˊ aenˊ na.

Tuhˊ ri tuilˊ 21:7

Peue pe naˊ eun kaw pun ri rap ri ti sinˊ aenˊ ce gawmˊeucˊ. Uiˊ kaw meuh Peucawoˊ eun, eun kaw meuh konˊ Uiˊ.