1 Yoˊhan 2:7 - Plang (Blang)

⁷ Aˊmawo leumeusˊ uiˊ naˊ peˊ, hpaw uiˊ caˊ toˊ ri temˊ ri tuilˊ leukahˊ ritroe hk'uˊ naˊ ri peˊ, daecti a meuh leukahˊ ritroe hk'imˊ kueˊ ri peˊ hawcˊ tangˊ neum yamla ka naˊ. Leukahˊ ritroe hk'imˊ awnˊ a meuh leukahˊ tawn mhawngˊ peˊ naˊ.

1 Yoˊhan 2:7 ပူးပေါင်းရင်းမြစ်များ

Mahtae 5:43

Leukahˊ lahˊ, ‘Leumeusˊ peue utˊ keunam caonaoˊ ri naˊ ce, ces ri ransu ri naˊ ce reuˊ’, naˊ pun peˊ ri mhawngˊ a hawcˊ.

Yoˊhan 13:34

Kaw Uiˊ tuilˊ leukahˊ ritroe hk'uˊ ri peˊ, a meuh leumeusˊ pu peˊ ti peue hawcˊ ti peue reuˊ. Leumeusˊ pu peˊ ti peue hawcˊ ti peue seunˊ leumeusˊ Uiˊ peˊ naˊ reuˊ.

Peue caee 17:19

Kop awnˊ na, ce ti Pawˊlu eun heulˊ nang vang hk'om muis Areopakasˊ naˊ. Ce lahˊ, “Lawng kuˊ sangsawnˊ hk'uˊ buih sangsawnˊ mi aenˊ na, lakˊ kaw mi cang sangsawnˊ a ri ye yeut aw?

Hebraeˊ 6:9

Aˊmawo leumeusˊ uiˊ naˊ peˊ, uiˊ saecˊ naˊ lahˊ a yeuhkiˊ koˊ, yawng uiˊ a neum kuˊ chakˊ lheuˊ awnˊ a naˊ kawnˊ kueˊ a pun peˊ. A meuh kuˊ toˊ ri lawng hk'aˊ htut lawtpon naˊ.

1 Yoˊhan 2:24

Kah kuˊ pun peˊ ri mhawngˊ tangˊ neum yamla ri naˊ kueˊ hk'aˊnaee peˊ reuˊ. Ceu nang aenˊ ce lawn kueˊ hk'aˊnaee peˊ koˊ, peˊ ku kaw utˊ hk'aˊnaee Konˊ aiˊ Eun maeeˊ Aˊkuiingˊ Eun yeut.

1 Yoˊhan 3:11

Pun peˊ ri mhawngˊ leukahˊ aenˊ na tangˊ neum yamla ri naˊ, “Kaw eˊ htukˊ ri leumeusˊ puri.”

1 Yoˊhan 3:2

Aˊmawo leumeusˊ uiˊ naˊ peˊ, maetˊmaenˊ meuh eˊ konˊhk'i Eun Peucawoˊ hawcˊ. Hk'aˊ nanggalˊ ka naˊ eˊ ciˊ kaw yeuh saˊnhawˊ naˊ, eˊ hkuinˊ yawng a. Daecti kuˊ yawng eˊ naˊ yam tang puc Eun ri lih naˊ, eˊ kaw seunˊ Heun ri. Kopti Eun lawn yeuh saˊnhawˊ koˊ, eˊ kaw nyu Eun yeuh saˊawnˊ.

1 Yoˊhan 3:21

Aˊmawo leumeusˊ uiˊ naˊ peˊ, hpumˊ eˊ naˊ a lawn unˊ tangˊ mapˊ naˊ ri eˊ meun koˊ, eˊ kaw hpumˊ keutawnˊ ri nanggalˊ Eun Peucawoˊ.

1 Yoˊhan 3:23

Leukahˊ tuilˊ Eun naˊ koˊ meuh a kah eˊ ri yumˊ muis Eun Yesuˊ Hkrit Konˊ aiˊ Eun Peucawoˊ naˊ, maeeˊ kah eˊ leumeusˊ puri seunˊ leukahˊ tuilˊ Eun ri eˊ naˊ.

1 Yoˊhan 4:1

Aˊmawo leumeusˊ uiˊ naˊ peˊ, pawlaee yumˊ citˊ naˊ ce gawmˊeucˊ ka, daecti citˊ awnˊ a ciˊ naˊ meuh nang lih neum Peucawoˊ Eun meuh unˊ meuh caet ri nawk a reuˊ. Kopti peue guil ri meuh peue suip leukahˊ Eun Peucawoˊ naˊ ingˊ ce pang bhenˊ keuteˊ naˊ heunˊ hawcˊ.

1 Yoˊhan 4:11

Aˊmawo leumeusˊ uiˊ naˊ peˊ, Peucawoˊ Eun lawn leumeusˊ eˊ htanˊ aenˊ na koˊ, eˊ ku htukˊ ri leumeusˊ puri.

1 Yoˊhan 4:21

Peucawoˊ Eun tuilˊ ri uinˊ leukahˊ ri eˊ yeuhkiˊ, “Peue leumeusˊ Peucawoˊ Eun naˊ, eun ku kaw pun ri leumeusˊ ecˊawngˊ ri naˊ ce yeut.”

1 Yoˊhan 4:7

Aˊmawo leumeusˊ uiˊ naˊ peˊ, eˊ leumeusˊ puri pawh, kopti hk'aˊ leumeusˊkeus naˊ lih a neum Peucawoˊ Eun. Peue cang leumeusˊ naˊ keutˊ ce neum Peucawoˊ Eun, ce yawng Eun ku peue ri.