1 Yoˊhan 2:10 - Plang (Blang)

¹⁰ Aˊnhawˊ lawn leumeusˊ ecˊawngˊ ri naˊ ce koˊ, utˊ eun hk'aˊnaee kuˊ cengˊ naˊ. Hk'aˊnaee tuˊ eun naˊ a hkuinˊ kueˊ kuˊ yeuh eun seuduih ri.

1 Yoˊhan 2:10 ပူးပေါင်းရင်းမြစ်များ

Mahtae 13:21

Daecti kopti res ka naˊ unˊ lec ka ruiˊ naˊ, leukahˊ munˊ renˊkawn naˊ a utˊ maeeˊ ce ti cu hkaoˊ. Yam hk'eupˊ ce kuˊ kuit nyhapˊ, aˊkoˊ kuˊ keunhapˊ nokneh kopti meuh a leukahˊ munˊ renˊkawn naˊ, ce ku keulawnˊ tecla a.

Mahtae 18:7

Kopti meuh a ceu nang aenˊ yeuh a peue naˊ peue yeuh mapˊ naˊ, bhenˊ keuteˊ naˊ a pun ri hkamˊ hk'aˊ jhaˊ naˊ. Daecti peue yeuh ceu nang aenˊ ce keutˊ meuh pucti lih naˊ, kaw ce pun ri hkamˊ hk'aˊ jhaˊ naˊ.

Yoˊhan 11:9

Yesuˊ Eun topˊ a, “Peunnyi naˊ kueˊ a kulˊleualˊ nali, unˊ meuh ka aw? Peue long hk'aˊ peunnyi naˊ eun hkuinˊ cang seuduih ri, kopti nyu eun hk'aˊ ri ri kuˊ cengˊ ka bhenˊ keuteˊ aenˊ na.

Yoˊhan 12:35

Yesuˊ Eun topˊ a, “Gup kaw peˊ kueˊ kuˊ cengˊ naˊ ti vut ti yam. Suip ri long hk'aˊ heulˊ yam kawnˊ kueˊ a kuˊ cengˊ nanggalˊ yam hk'aˊ duimˊlawng naˊ unˊ nang rot ka naˊ. Peue long hk'aˊ hk'aˊnaee hk'aˊ duimˊlawng naˊ hpaw eun caˊ yawng buih heulˊ ri hk'aˊnhawˊ.

Yoˊhan 8:31

Yesuˊ lahˊ Eun a ri peue Yuˊda kuˊ yumˊ Eun naˊ ce, “Peˊ lawn jhawpˊ leukahˊ sangsawnˊ Uiˊ naˊ keutawnˊ koˊ, meuh peˊ tapaeˊ Uiˊ neumneum.

Roˊma 14:13

Kop awnˊ na, pawlaee tawsˊ aˊmu ri puri. Daecti htukˊ eˊ ri kuit a deut hpaw eˊ caˊ kaw laee yeuh kuˊ kaw yeuh ecˊawngˊ naˊ ce seuduih leuveulˊ ri naˊ maeeˊ unˊ laee va ri yeuh kuˊ kangˊ hk'aˊ ce naˊ, a jaen naˊ chakˊ.

Hpiˊliˊpiˊ 1:10

punta kaw peˊ cang gvah kuˊ chakˊ hk'aiˊ peue naˊ a ciˊ meuh keunhawˊ naˊ, maeeˊ punta kaw peˊ pun ri seungaˊ chakˊ unˊ laee kueˊ vang ri rot ti yam seunyi Eun Hkrit naˊ rot ka naˊ,

2 Petruˊ 1:10

Kop awnˊ na ecˊawngˊ uiˊ naˊ peˊ, saeˊcaeeˊ yeuh a kuingˊhpaw maeeˊ Peucawoˊ klawng leuk Eun ri ti peˊ neumneum naˊ reuˊ. Kopti peˊ lawn yeuh keutitˊ koˊ, peˊ hkuinˊ kaw duing htangˊmeul saecˊ ti pok.

1 Yoˊhan 2:11

Daecti aˊnhawˊ lawn ces ri ecˊawngˊ ri naˊ ce koˊ, utˊ eun hk'aˊnaee kuˊ duimˊlawng naˊ, eun lomlom hk'aˊnaee kuˊ duimˊlawng naˊ. Kopti kuˊ duimˊlawng naˊ yeuh ka eun ngaiˊ fecˊ, eun hkuinˊ yawng heulˊ ri tawngnhawˊ.

1 Yoˊhan 3:14

Yawng eˊ pun eˊ ri pon vang yeum naˊ eˊ lec vang civit imˊ naˊ meuh a kopti leumeusˊ eˊ ecˊawngˊ ri naˊ ce. Aˊnhawˊ lawn unˊ kueˊ hk'aˊ leumeusˊkeus naˊ koˊ, kawnˊ utˊ eun hk'aˊnaee vang yeum naˊ.