1 Yoˊhan 1:8 - Plang (Blang)

⁸ Eˊ lawn lahˊ ri unˊ kueˊ mapˊ koˊ, eˊ meuh peue chiˊlai tuˊ ri naˊ meun. Hk'aˊ leupaws seumeuˊ naˊ a hkuinˊ kueˊ hk'aˊnaee eˊ.

1 Yoˊhan 1:8 ပူးပေါင်းရင်းမြစ်များ

Yoˊhan 8:44

Meuh peˊ isˊ eun seucaˊ rai kuiingˊ ri naˊ eun. Peˊ sumˊ hotˊ ri yeuh alo eun kuiingˊ ri naˊ. Seucaˊ rai naˊ meuh eun nang toh peue tangˊ neum yamla ka naˊ. Kopti hk'aˊ neumneum naˊ unˊ kueˊ a hk'aˊnaee eun seucaˊ rai naˊ, eun unˊ jhawpˊ ri ti hk'aˊ neumneum naˊ. Yam lahˊ eun leukahˊ chiˊlai naˊ, eun lahˊ a hotˊ seunˊ kuˊ kueˊ nang hpumˊ ri naˊ, kopti seucaˊ rai naˊ meuh eun nang chiˊlai naˊ maeeˊ eun meuh kuiingˊ ka hk'aˊ chiˊlai naˊ.

Roˊma 3:10

Seunˊ temˊ a ri uinˊ ri nang htawm Seungaˊ naˊ, “A hkuinˊ kueˊ peue leupaws seumeuˊ saecˊ ti peue, unˊ kueˊ a saecˊ ti peue.

Roˊma 3:23

kopti yeuh peue mapˊ naˊ ku peue, peue hk'uicˊ hk'aiˊ munhpungˊ Eun Peucawoˊ naˊ.

1 Kawˊrinhtuˊ 3:18

Pawlaee chiˊlai tuˊ ri naˊ meun. Hk'aˊnaee peˊ ri ti ri peue, aˊnhawˊ lawn mhawngˊ ri hengˊlaetˊ hotˊ htan cu maetˊmaenˊ naˊ koˊ, punta kaw eun meuh peue hengˊlaetˊ naˊ, kaw eun kah ri meuh “peue ngaˊ”.

Galatiˊ 6:3

Aˊnhawˊ eun hkuinˊ meuh peue kueˊ aˊyeˊ keuting daecti eun lawn kuit meun tuˊ ri naˊ meuh peue kueˊ aˊyeˊ keuting koˊ, chiˊlai eun tuˊ ri naˊ meun.

1 Tiˊmoˊse 6:5

maeeˊ unˊ htukˊ unˊ lung ce peue hpumˊ hk'awˊjeuk naˊ pucti lih. Ce meuh peue unˊ kueˊ hk'aˊ leupaws seumeuˊ. Ce hteumˊ yeuh kanˊ Eun Peucawoˊ naˊ meuh hk'aˊ kaw sok ri pun nammaet leumuil naˊ.

2 Tiˊmoˊse 3:13

Peue rai maeeˊ peue cang chiˊlai naˊ baet ce ri yawmˊ lih peucuil. Ce chiˊlai peue, peue tang chiˊlai ce.

Yakopˊ 1:22

Pawlaee leuceng hk'oˊhk'awngˊ leukahˊ mun naˊ palkoe. Yeuh keutitˊ naˊ, meuh a nang chiˊlai tuˊ ri meun. Daecti hotˊ ri yeuh kuˊ lahˊ ka naˊ reuˊ.

Yakopˊ 1:26

Aˊnhawˊ lawn kuit ri tamˊ munˊ tamˊ sinˊ ri reng meun daecti unˊ uˊpeung dakˊ ri pun meulamlam koˊ, eun chiˊlai tuˊ ri meun. Tamˊ munˊ tamˊ sinˊ eun naˊ a meuh kuˊ hk'oˊhk'awngˊ.

Yakopˊ 3:2

Eˊ ri ku peue yeuh kleucˊ eˊ ri hk'aˊ heunˊ ceu. Peue unˊ duing kleucˊ ri hk'aˊ leukahˊ leupong naˊ meuh eun peue htonnuk chakˊ. Eun cang uˊpeung pe tuˊ ri naˊ gawmˊeucˊ.

2 Petruˊ 2:13

Kuˊ rai yeuh ce naˊ a tang keutah ingˊ ri ce. A saecˊ meuh peunnyi keuting, ce renˊ maeeˊ yeuh kuˊ renˊkawn pon lheuˊ naˊ. Ce meuh vang cat vang bok. Ce yeuh hk'aˊ renˊkawn ri naˊ meun hk'aˊnaee pawe peˊ naˊ.

1 Yoˊhan 1:10

Eˊ lawn lahˊ ri unˊ yeuh mapˊ koˊ, yeuh eˊ Peucawoˊ Eun cang chiˊlai. Leukahˊ Eun naˊ a unˊ kueˊ hk'aˊnaee aˊyu eˊ naˊ.

1 Yoˊhan 1:6

Eˊ saecˊ naˊ lahˊ ri yeuh aˊmawo maeeˊ Heun, daecti eˊ lawn kawnˊ utˊ hk'aˊnaee kuˊ duimˊlawng naˊ koˊ, eˊ chiˊlai, eˊ unˊ aˊyu imˊ hk'aˊnaee kuˊ leupaws seumeuˊ naˊ.

1 Yoˊhan 2:4

Aˊnhawˊ lawn lahˊ, “Yawng uiˊ Eun”, daecti eun lawn unˊ hotˊ ri yeuh kuˊ lahˊ Eun naˊ koˊ, hkawnˊ meuh eun nang chiˊlai, kuˊ leupaws seumeuˊ naˊ a unˊ kueˊ hk'aˊnaee heun.

1 Yoˊhan 4:20

Aˊnhawˊ saecˊ naˊ lahˊ, “Leumeusˊ uiˊ Peucawoˊ Eun”, daecti eun lawn kawnˊ ces ri ecˊawngˊ ri naˊ ce koˊ, chiˊlai eun. Kopti eun lawn unˊ leumeusˊ ecˊawngˊ nyu eun ri ngaiˊ ri naˊ ce koˊ, eun hkuinˊ kaw cang leumeusˊ Peucawoˊ unˊ nyu eun ri ngaiˊ ri naˊ Eun.

2 Yoˊhan 1:2

Kopti meuh a hk'aˊ leupaws seumeuˊ kueˊ hk'aˊnaee eˊ kuˊ kaw utˊ maeeˊ eˊ cotˊcu naˊ, uiˊ leumeusˊ peˊ.

3 Yoˊhan 1:3

Yam ecˊawngˊ naˊ ingˊ hkamˊ ce saˊhkiˊ lawng kati keutawnˊ mi ri kuˊ leupaws seumeuˊ naˊ maeeˊ suip mi ri aˊyu imˊ hk'aˊnaee ka naˊ, uiˊ renˊkawn nyawkˊ.