1 Tiˊmoˊse 5:21 - Plang (Blang)

²¹ Tuilˊ uiˊ leukahˊ aenˊ na ri mi nanggalˊ Eun Peucawoˊ, nanggalˊ Eun Yesuˊ Hkrit maeeˊ nanggalˊ ce inˊhpom kuˊ Peucawoˊ leuk Eun naˊ ce. Jhawpˊ leukahˊ sangsawnˊ aenˊ na ri unˊ meuh mi hk'aˊmawnˊ hk'aˊmaenˊ, pawlaee yeuh a maeeˊ keueˊ mi ri buh peue.

1 Tiˊmoˊse 5:21 ပူးပေါင်းရင်းမြစ်များ

Mahtae 16:27

Kopti Konˊ aiˊ peue naˊ kaw Eun lih hk'aˊnaee munhpungˊ Eun Kuiingˊ ri naˊ maeeˊ inˊhpom ri naˊ ce tiduihˊ. Yam awnˊ na, Eun kaw tuilˊ lapsawngˊ naˊ ri peue hotˊ seunˊ kuˊ sawngˊ yeuh meun peue naˊ.

Mahtae 25:41

Hawcˊ koˊ, Eun kaw lahˊ a ri peue utˊ hk'aˊ aˊveˊ ri naˊ ce, ‘Peue pun ri hkamˊ hk'aˊ jhaˊ naˊ peˊ, puc peˊ heulˊ hk'aiˊ Uiˊ reuˊ. Heulˊ lec hk'aˊnaee ngawl haˊ cotˊcu vang pun ri rangraen ri uinˊ ri pun seucaˊ rai naˊ maeeˊ tapaeˊ ka naˊ ce naˊ.

Mahtae 28:20

Sangsawnˊ ce yumˊ leukahˊ sangsawnˊ Uiˊ ri peˊ naˊ gawmˊeucˊ ka. Kaw Uiˊ utˊ maeeˊ peˊ laleung rot ti yam ka bhenˊ keuteˊ aenˊ sutˊ ka.”

Luˊka 20:21

Peue htomˊ jemˊ naˊ ce ingˊ mhaingˊ Eun, “Seuraˊ, yawng ye sangsawnˊ lahˊ Mi kuˊ seumeuˊ. Mi unˊ meuh maeeˊ hk'aˊmawnˊ hk'aˊmaenˊ, daecti Mi sangsawnˊ a hotˊ hk'aˊ Eun Peucawoˊ naˊ neumneum.

Luˊka 9:26

Kopti aˊnhawˊ lawn kaic ri Uiˊ maeeˊ leukahˊ Uiˊ naˊ koˊ, yam Konˊ aiˊ peue naˊ lih Eun maeeˊ munhpungˊ ri maeeˊ munhpungˊ Eun Aˊkuiingˊ maeeˊ munhpungˊ ce inˊhpom seungaˊ chakˊ naˊ, Eun kaw kaic ri peue awnˊ eun.

2 Kawˊrinhtuˊ 5:16

Kop awnˊ na, tangˊ neum maetˊmaenˊ naˊ heulˊ, ya hkuinˊ kaw laee tawk lahˊ aˊnhawˊ hotˊ seunˊ hk'aˊ yeuh ce peue bhenˊ keuteˊ naˊ. Nanggalˊ aenˊ na ya saecˊ naˊ tawn tawk lahˊ Hkrit Eun hotˊ seunˊ hk'aˊ yeuh ce peue bhenˊ keuteˊ naˊ koˊ, daecti maetˊmaenˊ ya hkuinˊ kaw laee yeuh a baee.

1 Hteˊsalawˊniˊ 5:27

Tawmˊ ye leukahˊ ri peˊ nanggalˊ Eun Peucawoˊ, lip ecˊawngˊ gawmˊeucˊ naˊ ce mhawngˊ htawm aenˊ a reuˊ.

1 Tiˊmoˊse 6:13

Nanggalˊ Eun Peucawoˊ Cawoˊ tuilˊ aˊyu ri ku ceu naˊ Eun maeeˊ nanggalˊ Eun Yesuˊ Hkrit Cawoˊ hkamˊ saˊhkiˊ chakˊ nanggalˊ eun cawoˊ Pontiasˊ Piˊlat naˊ Eun, uiˊ kaw tuilˊ leukahˊ ri mi,

2 Tiˊmoˊse 2:14

Punta kaw ce kuit ri nawk lawng aenˊ a naˊ, tuilˊ sati ce laleung reuˊ. Tuilˊ sati ce nanggalˊ Eun Peucawoˊ, pawlaee kah ce htuˊhtingˊ puri ri leukahˊ unˊ kueˊ munˊ kuˊ cang yeuh peue pun ri mhawngˊ a naˊ ce lu yawo naˊ.

2 Tiˊmoˊse 4:1

Nanggalˊ Eun Peucawoˊ maeeˊ nanggalˊ Eun Yesuˊ Hkrit Cawoˊ kaw tawsˊ aˊmu ri peue imˊ maeeˊ peue yeum naˊ Eun, kuit rot ri lawng kaw Eun tang lih maeeˊ kuit rot ri kuingˊ Eun naˊ, uiˊ tuilˊ leukahˊ ri mi yeuhkiˊ,

Yakopˊ 3:17

Daecti cuˊyi lih neum kuingˊ pang maoˊ naˊ koˊ, nanggalˊ ka naˊ seungaˊ chakˊ, hawcˊ koˊ, leumeusˊ hk'aˊ cumyenˊ, hpumˊ lec puri, leuceng leukahˊ puri, tukyak ri puri maeeˊ pliˊ chakˊ htonnuk, unˊ keueˊ ri buh peue maeeˊ unˊ moˊ hpumˊ ri.

2 Petruˊ 2:4

Kopti Peucawoˊ Eun hkuinˊ laee uinˊ inˊhpom yeuh mapˊ naˊ ce, daecti Eun kaw nyon ce nang keutongˊnyarok nang htawngˊ duimˊlawng naˊ rot ti seunyi yam tawsˊ aˊmu naˊ.

Yuˊda 1:6

Saecˊ meuh inˊhpom kuˊ unˊ jhawpˊ ri ti anˊnya tuilˊ Eun Peucawoˊ naˊ ce tecla vang utˊ ri naˊ, punta kaw ce koˊ seunyi tawsˊ aˊmu keuting awnˊ na, Peucawoˊ Eun hk'awngˊ ri uinˊ ce vang duimˊlawng naˊ. Eun mawt ce ri muˊ lhecˊ cotˊcu naˊ.

Tuhˊ ri tuilˊ 14:10

eun kaw kah ri nyui leuumˊ pliˊ bui seungeuengˊ Eun Peucawoˊ kuˊ raeh ri lih nang kawkˊ seungeuengˊ Eun a unˊ laee hkawoˊ keunhawˊ naˊ. Eun kaw pun ri hkamˊ hk'aˊ ciyang ri ngawl mat naˊ nanggalˊ ce inˊhpom seungaˊ naˊ maeeˊ nanggalˊ Eun Konˊyungˊ naˊ.