1 Tiˊmoˊse 5:14 - Plang (Blang)

¹⁴ Kop awnˊ na, uiˊ sumˊ tuilˊ kawlˊreng ce aˊya seunao kawnˊ nhumˊ naˊ ce naˊ ti ri isˊ me baee, kueˊ konˊhk'i, roksaˊ nyahk'ulˊ ri. Yeuh keutitˊ koˊ, ransu naˊ ce naˊ unˊ cang chaw hkamram ce.

1 Tiˊmoˊse 5:14 ပူးပေါင်းရင်းမြစ်များ

Roˊma 14:13

Kop awnˊ na, pawlaee tawsˊ aˊmu ri puri. Daecti htukˊ eˊ ri kuit a deut hpaw eˊ caˊ kaw laee yeuh kuˊ kaw yeuh ecˊawngˊ naˊ ce seuduih leuveulˊ ri naˊ maeeˊ unˊ laee va ri yeuh kuˊ kangˊ hk'aˊ ce naˊ, a jaen naˊ chakˊ.

2 Kawˊrinhtuˊ 11:12

Punta peue ngonˊ naˊ kaw ce unˊ laee pun ri lahˊ ri mhawngˊ ri hk'oˊcuin maeeˊ kuˊ yeuh ce naˊ seunˊ a isˊ ya naˊ, uiˊ kaw tang suip ri yeuh kuˊ buih yeuh uiˊ maetˊmaenˊ naˊ heulˊ yeut.

1 Tiˊmoˊse 2:8

Sumˊ kah uiˊ me utˊ ku duihˊ naˊ ce yuk tiˊ seungaˊ chakˊ ri hk'oˊ munˊ maeeˊ unˊ kueˊ ri hk'aˊ seungeuengˊ peulel maeeˊ unˊ kueˊ ri hk'aˊ htuˊhtingˊ puri.

1 Tiˊmoˊse 4:3

Ce unˊ kah peue ti puri meuh beunˊ me puri, kuˊ hk'a ti ri ceu kuˊ Peucawoˊ hpanplengˊ Eun ri tuilˊ ri peue yumˊ Eun maeeˊ peue yawng kuˊ leupaws seumeuˊ naˊ ce hk'a a hk'aˊnaee munˊ keuting ri Peucawoˊ Eun naˊ, ce unˊ kah peue hk'a a.

1 Tiˊmoˊse 5:11

Saecˊ meuh aˊya seunao kawnˊ nhumˊ naˊ ce, paw nang seueˊ ce lec nang caˊlangˊ. Kopti yam alo jawngkuiˊ tuˊ kuˊ sumˊ yeuh ce naˊ a lawn keuting hk'aiˊ alo jawngkuiˊ tuˊ tan ce ri Hkrit Eun naˊ koˊ, ce naˊ tang sumˊ isˊ me baee.

1 Tiˊmoˊse 6:1

Punta kaw peue unˊ cang lahˊ kuˊ unˊ nawpsang ri muis Eun Peucawoˊ naˊ maeeˊ kuˊ sangsawnˊ eˊ naˊ, kuˊ leuvaee peue meuh mhaiˊ naˊ ce htukˊ ri hkopyawmˊ ri cawoˊ ri naˊ ce meulamlam ri.

Tiˊtasˊ 2:5

cang eutˊ hpumˊ ri, meuh peue seungaˊ, cang roksaˊ nyahk'ulˊ ri, hpumˊ chakˊ cang tukyak maeeˊ cang leuceng leukahˊ me ri. Ce lawn yeuh keutitˊ koˊ, peue hkuinˊ kaw lahˊ kuˊ unˊ nawpsang ri leukahˊ Eun Peucawoˊ naˊ.

Tiˊtasˊ 2:8

Punta kuˊ sangsawnˊ mi naˊ kaw a unˊ kueˊ vang ri peue a naˊ, sangsawnˊ a hk'aˊnaee vang leupaws seumeuˊ naˊ reuˊ. Yeuh keutitˊ koˊ, peue hamˊtap eˊ naˊ ce kaw kaic, ce naˊ unˊ laee kueˊ vang ri eˊ.

Hebraeˊ 13:4

Kah penˊvel ti puri naˊ meuh kuˊ hkopyawmˊ pun peue gawmˊeucˊ maeeˊ kah vang itˊ ti puri naˊ seungaˊ chakˊ reuˊ. Kopti Peucawoˊ kaw Eun tawsˊ aˊmu ciyang ri peue jangˊ maeeˊ peue hkuitˊnawngˊtangˊ naˊ ce.