1 Tiˊmoˊse 4:16 - Plang (Blang)

¹⁶ Uinˊ sati ri hk'aˊ aˊyu imˊ mi naˊ maeeˊ kuˊ sangsawnˊ mi naˊ meulamlam ri. Yeuh a laleung. Mi lawn yeuh keutitˊ koˊ, mi naˊ cang teumˊkawm htut tuˊ ri naˊ maeeˊ peue pun ri mhawngˊ leukahˊ mi naˊ ce lawtpon.

1 Tiˊmoˊse 4:16 ပူးပေါင်းရင်းမြစ်များ

Makuˊ 13:9

Uinˊ sati ri koˊ reuˊ. Kaw peue mheutˊ ri ti peˊ heulˊ nang saˊnamˊ ka veng naˊ. Peue kaw taˊfaetˊ peˊ hk'aˊnaee saˊla vang hk'oˊ munˊ naˊ. Meuh a kopti Uiˊ ri, peˊ kaw pun ri va ri heulˊ nanggalˊ ce cawoˊ veng naˊ maeeˊ hkunˊhawˊhkamˊ naˊ ce. Peˊ kaw kah ri hkamˊ saˊhkiˊ naˊ ri ce.

Luˊka 21:34

Uinˊ sati ri meulamlam ri reuˊ, unˊ meuh koˊ, kaw peˊ hk'uicˊ hpumˊ ri kuˊ renˊkawn pang bhenˊ keuteˊ naˊ, kuˊ cang yuicˊ maeeˊ kuˊ kuit nyhapˊ ri aˊyu peˊ naˊ. Seunyi yam awnˊ na kaw a rot pang peˊ yam unˊ pawn peˊ kuiˊ ri seunˊ hk'iˊ peˊ hk'ai naˊ.

Peue caee 26:22

Daecti kopti Peucawoˊ teumˊkawm Eun uiˊ rot seunyaenˊ naˊ, uiˊ pun ri cawng ri hkamˊ saˊhkiˊ ri peue aetˊ peue keuting naˊ peˊ maenˊ. Uiˊ hkuinˊ lahˊ kuˊ seubu, uiˊ lahˊ yawo pal kuˊ peue suip leukahˊ Eun Peucawoˊ naˊ maeeˊ kuˊ Moˊse lahˊ eun naˊ.

Peue caee 6:4

Ye kaw hk'oˊ munˊ yeuh kanˊ leukahˊ munˊ awnˊ na palkoe meulamlam ri.”

Roˊma 11:14

Keutuiˊ hpumˊ uiˊ ri kaw yeuh peue ceu uiˊ naˊ ce mangˊ peˊ maeeˊ uiˊ kaw teumˊkawm ce ngonˊ ce naˊ pun ri lawtpon naˊ.

Roˊma 16:17

Ecˊawngˊ naˊ peˊ, hk'oˊ uiˊ peˊ uinˊ sati ri ri peue yeuh peˊ gvah muk gvah cum yeuh peˊ seuduih leuveulˊ ri naˊ ce. Aenˊ meuh a kuˊ hkatˊhkan leukahˊ sangsawnˊ pun peˊ ri rin naˊ ce. Utˊ seungai ce peue awnˊ na reuˊ.

Roˊma 2:7

Pun ce peue coˊcaˊ ri yeuh kuˊ chakˊ, hotˊ ri sok munhpungˊ lhungˊ keuting maeeˊ hotˊ ri sok aˊyu cotˊcu naˊ ce koˊ, Peucawoˊ Eun kaw tuilˊ citˊ tip aˊyu tip cotˊcu naˊ ri ce.

1 Kawˊrinhtuˊ 1:21

Kopti Peucawoˊ kueˊ Eun cuˊyi heunˊ nyawkˊ naˊ, peue bhenˊ keuteˊ naˊ peue hkuinˊ cang yawng lawng Eun naˊ ri cuˊyi ri naˊ. Peucawoˊ nyu Eun a hitˊ hpumˊ ri kaw Eun teumˊkawm peue yumˊ naˊ ce lawtpon ri leukahˊ munˊ ngaˊ kuˊ sangsawnˊ eˊ naˊ.

1 Kawˊrinhtuˊ 9:22

Pun peue kawlˊreng kloe naˊ ce, punta kaw uiˊ cang va ce ingˊ yumˊ Peucawoˊ Eun naˊ, uiˊ ku seunˊ peue kawlˊreng kloe naˊ ce yeut. Punta kaw uiˊ cang teumˊkawm peue ti ri peue naˊ eun pun ri rap ri ti hk'aˊ htut lawtpon naˊ ri ku hk'aˊ ku ceu naˊ pun, uiˊ meuh maeeˊ peue ku ceu gawmˊeucˊ naˊ ce.

1 Kawˊrinhtuˊ 9:27

Daecti punta yam hawcˊ uiˊ sangsawnˊ ri leukahˊ munˊ renˊkawn naˊ ri peue naˊ kaw uiˊ unˊ meuh nang unˊ kuingˊ ri pun lapsawngˊ naˊ, uiˊ hkvuikˊ meun ri kaw uˊpeung tuˊ ri naˊ pun.

Eˊfeˊsuˊ 4:14

Kop awnˊ na, eˊ hkuinˊ kaw laee meuh konˊ nyom. Ba leuumˊ naˊ a hkuinˊ kaw laee cang dhimˊ eˊ heulˊ ingˊ, guilˊ ka hk'aˊ sangsawnˊ naˊ maeeˊ hk'aˊ vokˊ chiˊlai geupˊ peue naˊ a hkuinˊ kaw laee cang puingˊ eˊ heulˊ ingˊ.

Kawˊlawˊsaeˊ 4:17

Lahˊ a ri Ahkiˊpasˊ eun, “Yeuh kanˊ pun mi hk'aˊnaee Peucawoˊ Eun naˊ rot ti hawcˊ htonnuk ka reuˊ.”

1 Hteˊsalawˊniˊ 2:16

ri hamˊtap ce kaw eˊ unˊ cang sangsawnˊ peue unˊ meuh peue ceu Yuˊda naˊ ce kaw pun hk'aˊ htut lawtpon naˊ. Kopti yeuh ce keutitˊ naˊ, ce baet ri yeuh mapˊ naˊ nuknhenˊ ri. Vang tisutˊ ka naˊ, hk'aˊ seungeuengˊ Eun Peucawoˊ naˊ a kaw rot hk'aˊpang ce.

1 Tiˊmoˊse 1:3

Seunˊ kuˊ tawn lahˊ uiˊ ri mi yam kaw uiˊ heulˊ nang kuingˊ Masidoˊniˊ naˊ, uiˊ kah mi suip ri kuitˊ nang veng Eˊfeˊsuˊ naˊ punta kaw mi tuilˊ leukahˊ unˊ laee kah peue sangsawnˊ leukahˊ hk'aˊ yumˊ unˊ cawpˊ ngonˊ naˊ ce suip ri sangsawnˊ a baee naˊ,

1 Tiˊmoˊse 4:15

Punta kaw peue cang nyu vang hukˊhawnˊ mi naˊ, saeˊcaeeˊ coˊcaˊ ri yeuh kanˊ aenˊ na.

1 Tiˊmoˊse 4:6

Mi lawn sangsawnˊ ecˊawngˊ naˊ ce ri lawng aenˊ na meulamlam ri koˊ, mi kaw meuh mhaiˊ chakˊ Eun Yesuˊ Hkrit, mi kaw hukˊhawnˊ hk'aˊnaee hk'aˊ leupaws seumeuˊ ka hk'aˊ yumˊ naˊ maeeˊ leukahˊ sangsawnˊ chakˊ hotˊ mi ri yeuh naˊ.

2 Tiˊmoˊse 2:10

Kop awnˊ na punta peue pun ri leuk ri ti naˊ kaw ce pun hk'aˊ htut lawtpon kueˊ hk'aˊnaee Eun Yesuˊ Hkrit naˊ ri munhpungˊ cotˊcu naˊ, uiˊ yeunˊhkam ku ceu gawmˊeucˊ naˊ ce.

2 Tiˊmoˊse 3:14

Daecti mi ri, kuˊ pun mi ri rin pun ri yumˊ naˊ suip a heulˊ reuˊ, kopti mi rin a ri aˊnhawˊ mi ku yawng ce yeut.

2 Tiˊmoˊse 4:2

sangsawnˊ leukahˊ munˊ renˊkawn naˊ reuˊ, a saecˊ cawpˊ yam ri unˊ cawpˊ yam ri rangraen ri reuˊ, hk'aˊnaee yeunˊhkam naˊ maeeˊ hk'aˊnaee sangsawnˊ meulamlam naˊ mheˊ kuˊ unˊ cawpˊ naˊ, tuilˊ sati, tuilˊ kawlˊreng peue reuˊ.

Tiˊtasˊ 1:9

Punta kaw ce cang tuilˊ kawlˊreng peue seubu ri leukahˊ leupaws seumeuˊ naˊ maeeˊ kaw ce cang htuˊhtingˊ pe peue toˊtamˊ leukahˊ sangsawnˊ awnˊ a naˊ, ce kaw kah ri jhawpˊ ri hotˊ leukahˊ sangsawnˊ hk'oˊyumˊ kuˊ tawn rin ce hawcˊ naˊ keutawnˊ.

Tiˊtasˊ 2:15

Kop awnˊ na, kaw mi pun ri sangsawnˊ lawng aenˊ ce. Loˊ tiˊca mi naˊ gawmˊeucˊ ka tuilˊ kawlˊreng maeeˊ tuilˊ sati peue reuˊ. Pawlaee uinˊ peue chaw hkamram mi.

Tiˊtasˊ 2:7

Cu kuˊ chakˊ yeuh mi ku ceu naˊ meuh vang hotˊ rin ce ri ti. Vang sangsawnˊ mi naˊ, kah hpumˊ seumeuˊ hpumˊ nhimˊ mi naˊ pucti lih.

Hpiˊleˊmon 1:19

Uiˊ ri, meuh uiˊ Pawˊlu. Uiˊ temˊ htawm aenˊ na ri tiˊ ri meun. Kaw uiˊ saiˊ kuˊma awnˊ a ri mi, kuˊma aˊyu ma mi ri uiˊ naˊ uiˊ hkuinˊ kaw lahˊ a rot ri ka.

Hebraeˊ 12:15

Uinˊ sati ri reuˊ, aˊnhawˊ pawlaee va munˊ Eun Peucawoˊ naˊ sum saecˊ ti peue. Pawlaee kah res sawngˊ yeuh hk'aˊ suksak naˊ maeeˊ yeuh mapˊ a pit peue heunˊ naˊ gluhˊ pucti.

Hebraeˊ 13:9

Pawlaee kleucˊ hk'aˊ ri hotˊ kuˊ chat sangsawnˊ ku ceu naˊ. Yeuh hpumˊ ri naˊ kawlˊreng keuting ri munˊ Eun Peucawoˊ naˊ, chakˊ ka, hpaw a caˊ meuh kopti kuˊ hk'a hotˊ ritroe unˊ kueˊ munˊ saecˊ peunaeˊ pun peue hk'a a naˊ ce naˊ.

Yakopˊ 5:20

yeuh ri pawn eun, aˊnhawˊ lawn va peue mapˊ kleucˊ hk'aˊ ri heulˊ naˊ eun tang hpawtˊ ri ingˊ koˊ, kaw eun htut eun hk'aiˊ hk'aˊ yeum naˊ, mapˊ heunˊ eun naˊ a kaw pun ri ploeˊ ri.