1 Tiˊmoˊse 4:1 - Plang (Blang)

¹ Citˊ seungaˊ naˊ lahˊ ka a glihˊgleuengˊ yeuhkiˊ, a lawn rot ti seunyi koˊ kaw peue tecla hk'aˊ yumˊ naˊ. Peue kaw hotˊ citˊ cang chiˊlai naˊ maeeˊ leukahˊ sangsawnˊ ka seucaˊ naˊ.

1 Tiˊmoˊse 4:1 ပူးပေါင်းရင်းမြစ်များ

Mahtae 18:7

Kopti meuh a ceu nang aenˊ yeuh a peue naˊ peue yeuh mapˊ naˊ, bhenˊ keuteˊ naˊ a pun ri hkamˊ hk'aˊ jhaˊ naˊ. Daecti peue yeuh ceu nang aenˊ ce keutˊ meuh pucti lih naˊ, kaw ce pun ri hkamˊ hk'aˊ jhaˊ naˊ.

Luˊka 17:1

Yesuˊ Eun lahˊ a ri tapaeˊ ri naˊ ce, “Hk'ai yeuh peue yeuh mapˊ naˊ kaw a kueˊ neum. Daecti peue tungˊ hk'ai yeuh peue yeuh mapˊ naˊ, kaw eun pun ri hkamˊ hk'aˊ jhaˊ naˊ.

Yoˊhan 16:13

Daecti yam Citˊ seungaˊ ka hk'aˊ neumneum naˊ lih rot Eun naˊ, Eun kaw va peˊ ingˊ lec hk'aˊnaee hk'aˊ neumneum gawmˊeucˊ naˊ. Eun hkuinˊ yeng ri lahˊ meun a, daecti Eun kaw lahˊ yawo pal kuˊ pun Eun ri mhawngˊ naˊ maeeˊ kuˊ kaw keutˊ kueˊ naˊ.

Peue caee 13:2

Yam buih eutˊ ce kuˊ hk'a ri faeeˊ Peucawoˊ Eun naˊ, Citˊ seungaˊ chakˊ naˊ a lahˊ, “Punta Banabasˊ maeeˊ Sawˊlu kaw ka yeuh kanˊ kuˊ klawng uiˊ ka yeuh naˊ, tangˊ ri uinˊ ka reuˊ.”

Peue caee 17:18

A kueˊ peue kueˊ cuˊyi ti rit Eˊpiˊkuˊliˊ maeeˊ rit Satoˊe naˊ ce ingˊ htuˊhtingˊ eun. Ngonˊ ce lahˊ, “Peue awnˊ eun ciˊ meunuiˊmeunuiˊ sumˊ lahˊ keunhawˊ?” Ngonˊ ce lahˊ, “Seunˊ a meuh eun nang eoˊ sangsawnˊ lawng eun peucawoˊ kuingˊ seubu koˊ.” Ce saecˊ lahˊ a yeuhkoˊ naˊ kopti Pawˊlu sangsawnˊ eun ce ri leukahˊ munˊ renˊkawn lawng Eun Yesuˊ maeeˊ lawng tang kuhˊ imˊ naˊ.

Peue caee 20:23

Uiˊ yawng yawo Citˊ seungaˊ chakˊ naˊ tuilˊ a sati uiˊ ri nang veng ku veng naˊ, a lahˊ uiˊ kaw hk'eupˊ htawngˊ maeeˊ kuˊ keunhapˊ nokneh naˊ koˊ ka uiˊ.

Peue caee 21:11

Eun ingˊ ri ye. Eun ti saeˊcaetˊ eun Pawˊlu naˊ eun mawt tiˊ cung ri naˊ ri ka. Hawcˊ koˊ, eun lahˊ, “Citˊ seungaˊ chakˊ naˊ lahˊ ka a yeuh keutitˊ, ‘Peue Yuˊda utˊ nang veng Yeruˊsalaem naˊ kaw ce mawt cawoˊ ka saeˊcaetˊ aenˊ eun yeuhkiˊ. Ce kaw ap eun ri peue unˊ meuh peue ceu Yuˊda naˊ ce.’ ”

Peue caee 28:25

Hk'aˊnaee muk ce naˊ, ce unˊ maen puri. Ce baet ri pucti heulˊ ti peue hawcˊ ti peue yam Pawˊlu lahˊ eun leukahˊ yeuh keutitˊ naˊ, “Meuh ka neum seunˊ kuˊ Citˊ seungaˊ chakˊ naˊ cu ka Iˊsayaˊ kuˊ meuh peue suip leukahˊ Eun Peucawoˊ lahˊ a ri aˊtaˊ aˊya peˊ naˊ ce yeuh keutitˊ naˊ,

1 Kawˊrinhtuˊ 10:20

Unˊ meuh, daecti vangdohˊ ka kuˊ sumˊ lahˊ uiˊ naˊ meuh a kuˊ tan ce peue unˊ meuh konˊ Hkrit naˊ tan ce a ri seucaˊ naˊ, hpaw ce caˊ tan a ri Peucawoˊ Eun. Uiˊ hkuinˊ sumˊ kah peˊ pawngˊ ri maeeˊ seucaˊ naˊ.

1 Kawˊrinhtuˊ 11:19

Punta hk'aˊnaee peˊ naˊ aˊnhawˊ ciˊ meuh peue Peucawoˊ htawhkam Eun naˊ punta kaw a pucti lih glihˊgleuengˊ naˊ, a caˊ lakˊ koe kaw kueˊ hk'aˊ gvah muk gvah cum puri naˊ aw?

1 Kawˊrinhtuˊ 12:11

Ceu nang aenˊ ce gawmˊeucˊ a meuh kanˊ yeuh ka Citˊ seungaˊ ti tonˊ koe naˊ. A tuilˊ ceu nang aenˊ ce ri peue ku peue naˊ ce hotˊ seunˊ kuˊ tangˊ a ri uinˊ naˊ koˊ.

1 Kawˊrinhtuˊ 2:10

Daecti Peucawoˊ Eun tuhˊ eˊ nyu ceu nang aenˊ ce ri Citˊ seungaˊ ri naˊ. Citˊ seungaˊ naˊ eoˊ sok a ri nyu ku ceu naˊ. Saecˊ meuh kuˊ vangdohˊ ruiˊ Eun Peucawoˊ naˊ, a ku sok ri nyu a yeut.

2 Kawˊrinhtuˊ 11:3

Daecti seunˊ seueuengˊ naˊ copˊlong ka Eˊva eun ri hk'aˊ chiˊlai ri naˊ, uiˊ hkiˊkeung ri saecˊ meuh hpumˊ peˊ naˊ a naˊ cang pun ri copˊlong ri kleucˊ heulˊ hk'aiˊ hk'aˊ kati keutawnˊ naˊ maeeˊ hk'aiˊ hk'aˊ seungaˊ chakˊ kueˊ peˊ hk'aˊnaee Hkrit Eun naˊ.

Kawˊlawˊsaeˊ 2:18

Pawlaee kah peue sawngˊ guil ri meuh peue hpumˊ onawnˊ faeeˊ inˊhpom naˊ ce ingˊ yeuh peˊ unˊ cang rap ri ti lapsawngˊ naˊ. Peue awnˊ meunuiˊmeunuiˊ ce lahˊ ris lawng kuˊ nyu ce naˊ. Ce hpumˊ keuting ri kamkuit kuˊ unˊ kueˊ peuehotˊ hotˊ hpumˊ ka hk'aˊ nhamˊ keune ri naˊ.

2 Tiˊmoˊse 3:13

Peue rai maeeˊ peue cang chiˊlai naˊ baet ce ri yawmˊ lih peucuil. Ce chiˊlai peue, peue tang chiˊlai ce.

2 Tiˊmoˊse 4:4

Ce hkuinˊ kaw leuceng leukahˊ leupaws seumeuˊ naˊ, ce kaw hpawtˊ ri leuceng leukahˊ apom naˊ heulˊ.

Yakopˊ 3:15

Cuˊyi yeuhkiˊ naˊ hpaw a caˊ meuh cuˊyi lih neum kuingˊ pang maoˊ, daecti a meuh cuˊyi ka bhenˊ keuteˊ, nhamˊ keune maeeˊ seucaˊ rai naˊ.

1 Petruˊ 1:20

Peucawoˊ Eun leuk ri uinˊ Hkrit Eun tangˊ neum yam bhenˊ keuteˊ naˊ unˊ nang hpanplengˊ a ri, daecti Eun tuilˊ Hkrit Eun pucti yam tisutˊ aenˊ na pun peˊ.

2 Petruˊ 2:1

Seunˊ peue guil ri meuh peue suip leukahˊ Eun Peucawoˊ naˊ tawn puc ce ri hk'aˊnaee peue Yuˊda naˊ ce, seuraˊ sangsawnˊ kuˊ kleucˊ naˊ ce ku kaw cang pucti hk'aˊnaee peˊ ri yeut. Ce kaw ra ri ti kuˊ sangsawnˊ kleucˊ cang yeuh kuˊ lulaic naˊ ingˊ lec hk'aˊnaee peˊ. Ce yeuh a rot ti tecla ce Cawoˊ aˊyu Cawoˊ teumˊkawm htut ce lawtpon naˊ Eun, yeuh ce kiˊ naˊ lakˊ ti ce kuˊ lulaic naˊ ingˊ ri tuˊ ri naˊ meun vaeevaee.

2 Petruˊ 3:3

Nanggalˊ ka naˊ, kaw peˊ htukˊ ri yeuh ri yawng, cu yam vang tisutˊ naˊ, kaw a kueˊ peue cang chaw hkamram peue maeeˊ peue hotˊ ri yeuh hk'aˊ taˊnhaˊ rai ka jawngkuiˊ tuˊ ri naˊ.

1 Yoˊhan 2:18

Konˊ leumeusˊ uiˊ naˊ peˊ, maetˊmaenˊ meuh a yam tisutˊ ka hawcˊ. Seunˊ pun peˊ ri mhawngˊ ransu Eun Hkrit naˊ buih ingˊ ka naˊ, saecˊ meuh maetˊmaenˊ ransu Eun Hkrit naˊ a ingˊ heunˊ hawcˊ. Kop awnˊ na, eˊ yawng aenˊ ce meuh a yam tisutˊ ka hawcˊ.

1 Yoˊhan 4:6

Eˊ ri koˊ, ingˊ eˊ neum Peucawoˊ Eun. Aˊnhawˊ lawn yawng Peucawoˊ Eun koˊ, eun kaw leuceng leukahˊ eˊ naˊ. Daecti aˊnhawˊ lawn unˊ ingˊ neum Peucawoˊ Eun koˊ, eun kaw unˊ leuceng leukahˊ eˊ naˊ. Kop awnˊ na, citˊ nangnhawˊ a ciˊ meuh citˊ leupaws seumeuˊ naˊ citˊ nangnhawˊ a ciˊ meuh citˊ caecˊ naˊ, eˊ ku pun ri yawng a naˊ.

Yuˊda 1:18

Lahˊ ce a ri peˊ, “Seunyi tisutˊ naˊ, peue cang caeˊmaeˊ peue hotˊ ri yeuh hpumˊ taˊnhaˊ ri naˊ a kaw kueˊ.”

Yuˊda 1:4

Kopti peue ngonˊ naˊ ra ce ri ingˊ lec hk'aˊnaee muk peˊ naˊ. Leukahˊ tawsˊ aˊmu ri peue awnˊ ce naˊ temˊ a ri uinˊ ri lingˊ hawcˊ. Ce meuh peue unˊ leupaws seumeuˊ, unˊ hkopyawmˊ ri Peucawoˊ Eun. Ce hpawtˊ munˊ Eun naˊ meuh licmat ahkvang yeuh kuˊ unˊ leupaws seumeuˊ naˊ. Ce unˊ rap ri ti Yesuˊ Hkrit Cawoˊ meuh Cawoˊ aˊyu kuˊ meuh Peucawoˊ eˊ ti peue yawo naˊ Eun.

Tuhˊ ri tuilˊ 13:14

Kopti meuh a hetˊ keuting pun a ri rap ri ti tiˊca kaw yeuh a tangˊ tuˊ ka satˊ rai nanggalˊ naˊ, a copˊ peue bhenˊ keuteˊ naˊ peue. Punta kaw a meuh munhpungˊ pun satˊ rai kuˊ a saecˊ pun ri mawk ri ri leungawng daecti a hkuinˊ nang yeum naˊ, satˊ rai lalˊ tuˊ ti tuˊ naˊ a kah peue naˊ peue plengˊ ruphtu rup ka satˊ rai nanggalˊ naˊ.

Tuhˊ ri tuilˊ 16:14

Ce meuh citˊ ka seucaˊ rai kuˊ yeuh hetˊ keuting heunˊ ceu naˊ. Ce pucti heulˊ hk'onˊro hkunˊhawˊhkamˊ pang bhenˊ keuteˊ naˊ ce gawmˊeucˊ punta kaw ce ingˊ peuengˊ suikˊ hk'aˊnaee seunyi keuting Eun Peucawoˊ tiˊca keuting naˊ.

Tuhˊ ri tuilˊ 18:2

Eun taˊulˊ ri lahˊ lawsˊ, “Lhuˊjah ka, veng keuting Babuˊlon naˊ lhuˊjah ka hawcˊ. Veng keuting aenˊ a keutˊ ri meuh vang utˊ seucaˊ hawcˊ. A meuh vang utˊ ka seucaˊ rai naˊ. A meuh vang utˊ ka simˊ hk'awˊjeuk naˊ maeeˊ simˊ hk'oˊklehˊ hk'oˊkeunah naˊ ku ceu.

Tuhˊ ri tuilˊ 18:23

A hkuinˊ kaw laee kueˊ cengˊ ka kawkˊ ngawl naˊ nang veng aenˊ na baee. Aˊnhawˊ hkuinˊ kaw laee mhawngˊ sengˊ konˊhk'ihˊ seula nang veng aenˊ na baee. Peue ka hkaiˊ mi naˊ meuh ce peue lhungˊ peue keuting pang bhenˊ keuteˊ naˊ. Loˊ mi kahtaˊ naˊ mi yeuh peue kleucˊ hk'aˊ ri gawmˊeucˊ.

Tuhˊ ri tuilˊ 19:20

Daecti satˊ rai naˊ maeeˊ peue guil ri meuh peue suip leukahˊ Eun Peucawoˊ kuˊ yeuh hetˊ hk'oˊamˊ tangˊ satˊ rai naˊ ka pun ri hkamˊ mheutˊ peue ri. Kopti meuh a hetˊ hk'oˊamˊ aenˊ a naˊ, eun copˊlong peue kueˊ vang mhaiˊ ka satˊ rai naˊ, ce faeeˊ ruphtu rup ka satˊ rai naˊ. Satˊ rai naˊ maeeˊ peue guil ri meuh peue suip leukahˊ Eun Peucawoˊ naˊ ka pun ri hkamˊ nyon tuˊ imˊ ri naˊ hk'uicˊ nang glu ngawl mat naˊ.

Tuhˊ ri tuilˊ 2:11

Peue kueˊ yhukˊ naˊ, leuceng leukahˊ kuˊ Citˊ seungaˊ naˊ lahˊ ka ri muk konˊ Hkrit naˊ ce reuˊ. Aˊnhawˊ lawn pe koˊ, eun hkuinˊ kaw pun ri hkamˊ kuˊ suiˊ ri hk'aˊ yeum lalˊ pok ti pok naˊ.” ’

Tuhˊ ri tuilˊ 2:17

Peue kueˊ yhukˊ naˊ, leuceng leukahˊ kuˊ Citˊ seungaˊ naˊ lahˊ ka ri muk konˊ Hkrit naˊ ce reuˊ. Aˊnhawˊ lawn pe koˊ, Uiˊ kaw tuilˊ pliˊ manaˊ moˊ ri naˊ maeeˊ seumu paing temˊ tuˊ muis hk'uˊ ri ka naˊ ri heun. A lawn unˊ meuh peue pun seumu awnˊ a naˊ eun koˊ, aˊnhawˊ hkuinˊ kaw yawng muis awnˊ na.” ’

Tuhˊ ri tuilˊ 2:29

Peue kueˊ yhukˊ naˊ, leuceng leukahˊ kuˊ Citˊ seungaˊ naˊ lahˊ ka ri muk konˊ Hkrit naˊ ce reuˊ.” ’

Tuhˊ ri tuilˊ 2:7

Peue kueˊ yhukˊ naˊ, leuceng leukahˊ kuˊ Citˊ seungaˊ naˊ lahˊ ka ri muk konˊ Hkrit naˊ ce reuˊ. Aˊnhawˊ lawn pe koˊ, Uiˊ kaw tuilˊ ahkvang kaw eun pun ri hk'a pliˊ ka kleumˊ hkuˊ civit imˊ kueˊ nang Paradiˊsuˊ Eun Peucawoˊ naˊ.” ’

Tuhˊ ri tuilˊ 20:10

Seucaˊ rai copˊlong peue naˊ a pun ri hkamˊ nyon ri hk'uicˊ nang glu ngawl mat vang satˊ rai naˊ maeeˊ peue guil ri meuh peue suip leukahˊ Eun Peucawoˊ naˊ pun ka ri nyon ri ri ka nanggalˊ naˊ. Ce kaw pun ri hkamˊ hk'aˊ tukhka naˊ gawmˊ sumˊ gawmˊ seunyi cotˊcu ri.

Tuhˊ ri tuilˊ 20:8

A kaw heulˊ copˊlong peue utˊ pang bhenˊ keuteˊ punˊ honˊ punˊ ceˊ vang klawng ri meuh Gok maeeˊ Makok naˊ hk'awpˊ. A hk'onˊro peue kaw ingˊ peuengˊ suikˊ. Peue awnˊ ce heunˊ seunˊ sai keunam mhaˊseumutˊ naˊ.

Tuhˊ ri tuilˊ 3:13

Peue kueˊ yhukˊ naˊ peˊ, leuceng leukahˊ kuˊ Citˊ seungaˊ naˊ lahˊ ka ri muk konˊ Hkrit naˊ ce reuˊ.” ’

Tuhˊ ri tuilˊ 3:22

Peue kueˊ yhukˊ naˊ peˊ, leuceng leukahˊ kuˊ Citˊ seungaˊ naˊ lahˊ ka ri muk konˊ Hkrit naˊ ce reuˊ.’ ”

Tuhˊ ri tuilˊ 3:6

Peue kueˊ yhukˊ naˊ leuceng leukahˊ kuˊ Citˊ seungaˊ naˊ lahˊ ka ri muk konˊ Hkrit naˊ ce reuˊ.” ’

Tuhˊ ri tuilˊ 9:20

Peue unˊ nang yeum ri kuˊ keunhapˊ keuting aenˊ a naˊ ce, ce hkuinˊ nang tawsˊ hpumˊ fuin mapˊ ri ri kanˊ kuˊ yeuh ri naˊ. Ce hkuinˊ nang tecla faeeˊ seucaˊ naˊ maeeˊ faeeˊ ruphtu kuˊ ti peue hk'ilˊ, leumuil, tong, seumu maeeˊ hkuˊ peue plengˊ a naˊ. A meuh ruphtu a unˊ cang nyu, unˊ cang mhawngˊ, unˊ cang long hk'aˊ.