1 Tiˊmoˊse 3:1 - Plang (Blang)

¹ “Aˊnhawˊ lawn tangˊ hpumˊ ri kaw meuh nang roksaˊ muk konˊ Hkrit koˊ, eun sumˊ yeuh kanˊ kueˊ munhpungˊ naˊ.” Leukahˊ aenˊ a meuh neumneum.

1 Tiˊmoˊse 3:1 ပူးပေါင်းရင်းမြစ်များ

Luˊka 15:10

Seunˊ awnˊ na, Uiˊ lahˊ a ri peˊ, ‘Kopti peue mapˊ ti peue naˊ tawsˊ eun hpumˊ fuin mapˊ ri naˊ, hk'aˊnaee inˊhpom Eun Peucawoˊ naˊ ce ku renˊkawn.’ ”

Peue caee 1:20

Petruˊ eun lahˊ, “Kopti temˊ a ri nang htawm Sukˊseunˊ naˊ, ‘Kah vang utˊ eun naˊ yenˊyong. Aˊnhawˊ pawlaee utˊ ri ka saecˊ ti peue’, maeeˊ ‘Kah peue seubu eun ten anˊnya eun naˊ reuˊ.’

Peue caee 20:28

Nomˊnawk tuˊ peˊ naˊ maeeˊ muk konˊyungˊ kuˊ Citˊ seungaˊ chakˊ naˊ uinˊ a peˊ meuh nang nomˊnawk roksaˊ naˊ ce meulamlam ri reuˊ. Meuh nang koˊ konˊyungˊ muk konˊ Hkrit Eun Peucawoˊ kuˊ Peucawoˊ leuvaee Eun hk'aiˊ nhamˊ ri naˊ reuˊ.

Roˊma 11:13

Buih leukahˊ uiˊ maeeˊ peue unˊ meuh peue ceu Yuˊda naˊ peˊ. Meuh uiˊ peue caee Eun Yesuˊ pun peue unˊ meuh peue ceu Yuˊda naˊ peˊ. Uiˊ sawnˊ kanˊ ri aenˊ a kueˊ aˊyeˊ keuting.

Eˊfeˊsuˊ 4:12

Aenˊ ce meuh a punta kaw rangraen peue Eun Peucawoˊ naˊ ce pun kanˊ mhaiˊ naˊ, punta tuˊ Eun Hkrit naˊ kaw a gawm baet ri keuting hukˊ

Hpiˊliˊpiˊ 1:1

Htawm ti okˊ aenˊ na koˊ, meuh a kuˊ Pawˊlu maeeˊ Tiˊmoˊse meuh ya mhaiˊ Eun Yesuˊ Hkrit, ya temˊ ri tuilˊ a ri peue veng Hpiˊliˊpiˊ kuˊ meuh peue Eun Peucawoˊ hk'aˊnaee Yesuˊ Hkrit Eun naˊ peˊ gawmˊeucˊ, ri roˊkan maeeˊ nang nomˊnawk muk konˊ Hkrit naˊ ce.

1 Hteˊsalawˊniˊ 5:14

Ecˊawngˊ naˊ peˊ, ye hk'oˊ peˊ tuilˊ sati ce peue keunah naˊ, tuilˊ kawlˊreng ce peue hpumˊ keuceum naˊ, teumˊkawm peue kawlˊreng kloe naˊ ce, eutˊ hpumˊ yeunˊhkam ri peue gawmˊeucˊ reuˊ.

1 Tiˊmoˊse 1:15

Punta Yesuˊ Hkrit kaw Eun teumˊkawm htut peue mapˊ naˊ peue lawtpon naˊ, Eun lih pang bhenˊ keuteˊ naˊ. Leukahˊ aenˊ a meuh leukahˊ hk'oˊyumˊ nyawkˊ, htukˊ ri unˊ laee kangkae rap ri ti a. Hk'aˊnaee peue mapˊ naˊ ce gawmˊeucˊ, meuh uiˊ peue mapˊ keuting hk'aiˊ ce.

1 Tiˊmoˊse 4:9

Leukahˊ aenˊ a meuh leukahˊ hk'oˊyumˊ nyawkˊ, htukˊ ri unˊ laee kangkae rap ri ti a.

2 Tiˊmoˊse 2:11

Leukahˊ kawnˊ kaw lahˊ ri aenˊ a meuh leukahˊ hk'oˊyumˊ nyawkˊ. Eˊ lawn yeum maeeˊ Heun koˊ, eˊ ku naˊ aˊyu imˊ maeeˊ Heun.

Tiˊtasˊ 1:7

Kopti roˊkan nang kawt muk konˊ Hkrit naˊ ap ce ri yeuh kanˊ Eun Peucawoˊ naˊ, ce kaw kah ri meuh peue unˊ kueˊ vang ri, unˊ kah ri meuh peue yeuh alo ri, unˊ kah ri meuh peue hpumˊ dotˊ, unˊ kah ri meuh peue nyui ri yuicˊ ri plaiˊ, unˊ kah ri meuh peue kleucˊ peue klaeeˊ peue, maeeˊ unˊ kah ri meuh peue hpumˊ unˊ leupaws seumeuˊ ri hk'ilˊ leumuil.

Tiˊtasˊ 3:8

Leukahˊ lahˊ ri ingˊ aenˊ a meuh leukahˊ hk'oˊyumˊ nyawkˊ. Punta peue yumˊ Peucawoˊ Eun naˊ kaw ce coˊcaˊ ri yeuh kuˊ chakˊ naˊ, mi naˊ sangsawnˊ lawng aenˊ a ri ce meulamlam ri reuˊ. Ceu nang aenˊ ce meuh a kuˊ chakˊ, a kueˊ peuehotˊ pun peue gawmˊeucˊ.

Hebraeˊ 12:15

Uinˊ sati ri reuˊ, aˊnhawˊ pawlaee va munˊ Eun Peucawoˊ naˊ sum saecˊ ti peue. Pawlaee kah res sawngˊ yeuh hk'aˊ suksak naˊ maeeˊ yeuh mapˊ a pit peue heunˊ naˊ gluhˊ pucti.

1 Petruˊ 2:25

Kopti seunˊ peˊ konˊyungˊ veung raiˊ heulˊ naˊ, daecti maetˊmaenˊ peˊ keutah ingˊ rot ri Cawoˊ goˊ Cawoˊ roksaˊ civit peˊ naˊ Eun hawcˊ.

1 Petruˊ 4:15

Peˊ lawn naˊ lhonˊ ri pun ri hkamˊ kuˊ tukhka naˊ koˊ, pawlaee kah peˊ pun ri hkamˊ a kopti meuh a toh peˊ peue, rabawkˊ peue, yeuh kuˊ kleucˊ kuˊ meul naˊ maeeˊ eoˊ ri klawoˊ suksak peue naˊ ce.

1 Petruˊ 5:2

roksaˊ poˊ nawk konˊyungˊ Eun Peucawoˊ utˊ hk'aˊruim vang roksaˊ peˊ naˊ ce reuˊ. Pawlaee yeuh a kopti meuh a kuˊ htukˊ ri kaw yeuh, daecti sahpawˊ ri yeuh a hotˊ alo Eun Peucawoˊ Cawoˊ sumˊ kah Eun peˊ yeuh naˊ reuˊ. Pawlaee yeuh a maeeˊ sumˊ pun ri leumuil, daecti peus hpumˊ ri yeuh a reuˊ.