1 Tiˊmoˊse 1:1 - Plang (Blang)

¹ Htawm ti okˊ aenˊ na koˊ, meuh uiˊ Pawˊlu meuh peue caee Eun Yesuˊ Hkrit kopti meuh a leukahˊ tuilˊ Eun Peucawoˊ Cawoˊ teumˊkawm htut eˊ lawtpon naˊ maeeˊ Yesuˊ Hkrit Cawoˊ meuh vang keutuiˊ hpumˊ eˊ naˊ Eun,

1 Tiˊmoˊse 1:1 ပူးပေါင်းရင်းမြစ်များ

Luˊka 1:47

Uiˊ ku renˊkawn nyawkˊ hk'aˊnaee Cawoˊ htut uiˊ Peucawoˊ Eun,

Luˊka 2:11

Seunyaenˊ, Cawoˊ teumˊkawm htut peˊ lawtpon naˊ keutˊ Eun pun peˊ nang veng eun Davitˊ naˊ hawcˊ. Meuh Eun Cawoˊ Hkrit.

Peue caee 9:15

Daecti Peucawoˊ Eun lahˊ a ri Ananiˊ eun, “Heulˊ yawo reuˊ, punta kaw eun ti muis Uiˊ naˊ heulˊ ri peue unˊ meuh peue ceu Yuˊda naˊ maeeˊ hkunˊhawˊhkamˊ ce naˊ maeeˊ peue Iˊsarelaˊ naˊ ce, peue aenˊ meuh eun hk'eung leuk Uiˊ ri uinˊ hawcˊ.

Roˊma 1:1

Htawm ti okˊ aenˊ na koˊ, meuh uiˊ Pawˊlu meuh peue caee Eun Yesuˊ Hkrit. Peucawoˊ Eun klawng uiˊ meuh peue caee Eun Yesuˊ maeeˊ gvah ri uinˊ uiˊ meuh pun leukahˊ munˊ renˊkawn Eun Peucawoˊ naˊ.

1 Kawˊrinhtuˊ 1:1

Htawm ti okˊ aenˊ na koˊ, meuh uiˊ Pawˊlu kuˊ Peucawoˊ klawng Eun uiˊ meuh peue caee Eun Yesuˊ Hkrit hotˊ alo Eun Peucawoˊ naˊ maeeˊ Sosˊhtenesˊ ecˊawngˊ uiˊ naˊ ya.

1 Kawˊrinhtuˊ 9:17

Uiˊ lawn peus hpumˊ ri sangsawnˊ leukahˊ munˊ renˊkawn naˊ koˊ, uiˊ kaw pun lapsawngˊ. Daecti uiˊ lawn yeuh a maeeˊ unˊ peus ri hpumˊ ri koˊ, gup meuh uiˊ nang yeuh a hotˊ yawo beus ka naˊ.

2 Kawˊrinhtuˊ 1:1

Htawm ti okˊ aenˊ na koˊ, meuh uiˊ Pawˊlu meuh peue caee Eun Yesuˊ Hkrit hotˊ alo Eun Peucawoˊ naˊ maeeˊ Tiˊmoˊse awngˊ uiˊ naˊ ya. Ya temˊ ri tuilˊ a ri muk konˊ Hkrit Eun Peucawoˊ utˊ nang veng Kawˊrinhtuˊ naˊ maeeˊ peue Eun Peucawoˊ utˊ nang kuingˊ Ahkaiyaˊ naˊ peˊ gawmˊeucˊ.

Galatiˊ 1:1

Htawm ti okˊ aenˊ na koˊ, meuh uiˊ Pawˊlu meuh peue caee Eun Yesuˊ maeeˊ ecˊawngˊ utˊ maeeˊ uiˊ naˊ ce, ye temˊ ri tuilˊ a ri muk konˊ Hkrit utˊ nang kuingˊ Galatiˊ naˊ peˊ.

Galatiˊ 1:11

Ecˊawngˊ naˊ peˊ, sumˊ kah uiˊ peˊ yawng leukahˊ munˊ renˊkawn sangsawnˊ uiˊ naˊ hpaw a caˊ meuh lawng kuˊ peue plengˊ peue a pucti lih.

Kawˊlawˊsaeˊ 1:27

Peucawoˊ sumˊ kah Eun peue ri naˊ ce yawng sumˊ tuilˊ Eun peue unˊ meuh peue ceu Yuˊda naˊ ce yawng leukahˊ vangdohˊ ruiˊ ri naˊ. Leukahˊ vangdohˊ ruiˊ Eun naˊ a meuh Hkrit utˊ Eun hk'aˊnaee peˊ naˊ, a meuh hk'aˊ keutuiˊ hpumˊ kaw peˊ pun ri rap ri ti munhpungˊ tiduihˊ maeeˊ Heun naˊ.

2 Hteˊsalawˊniˊ 2:16

Kah tuˊ Eun Cawoˊ Yesuˊ Hkrit naˊ maeeˊ Kuiingˊ Peucawoˊ eˊ kuˊ leumeusˊ eˊ maeeˊ kuˊ cu munˊ ri naˊ tuilˊ kawlˊreng cotˊcu naˊ maeeˊ hk'aˊ keutuiˊ hpumˊ chakˊ ri eˊ naˊ,

1 Tiˊmoˊse 1:12

Munˊ keuting ri Cawoˊ eˊ Yesuˊ Hkrit Cawoˊ tuilˊ kawlˊreng uiˊ naˊ Eun. Kopti sawnˊ Eun uiˊ kati keutawnˊ, Eun uinˊ uiˊ yeuh mhaiˊ ri.

1 Tiˊmoˊse 2:3

Yeuh keutitˊ naˊ chakˊ ka. A htukˊ hpumˊ Eun Peucawoˊ Cawoˊ teumˊkawm htut eˊ lawtpon

1 Tiˊmoˊse 2:7

Kop awnˊ na, punta kaw uiˊ hkamˊ saˊhkiˊ ka lawng awnˊ na, Peucawoˊ Eun leuk ri uinˊ uiˊ meuh peue sangsawnˊ leukahˊ munˊ, meuh peue caee Eun Yesuˊ. Buih lahˊ uiˊ kuˊ neum, hpaw uiˊ caˊ chiˊlai. Peucawoˊ Eun leuk ri uinˊ uiˊ meuh peue sangsawnˊ hk'aˊ yumˊ neumneum naˊ ri peue unˊ meuh peue ceu Yuˊda naˊ ce.

1 Tiˊmoˊse 4:10

Htalikawmˊ hkamˊ eˊ ri saeˊcaeeˊ yeuh kanˊ naˊ kopti meuh a keutuiˊ hpumˊ eˊ Peucawoˊ Cawoˊ aˊyu imˊ naˊ Eun. Eun meuh Cawoˊ teumˊkawm htut peue gawmˊeucˊ peue lawtpon naˊ, Eun jaen meuh Cawoˊ teumˊkawm htut peue yumˊ Eun naˊ ce lawtpon.

Tiˊtasˊ 1:3

Yam rot a yam tangˊ Eun ri uinˊ naˊ, Eun kaw yeuh peue naˊ ce yawng leukahˊ ri naˊ ri kuˊ sangsawnˊ uinˊ Eun ri uiˊ naˊ hotˊ seunˊ leukahˊ tuilˊ Eun Cawoˊ teumˊkawm htut eˊ lawtpon naˊ Eun.

Tiˊtasˊ 2:10

maeeˊ unˊ va ri rabawkˊ eun, daecti yeuh eun nyu meuh ri peue hk'oˊyumˊ neumneum. Yeuh keutitˊ naˊ koˊ, ce kaw yeuh leukahˊ sangsawnˊ lawng Eun Peucawoˊ Cawoˊ teumˊkawm htut eˊ lawtpon naˊ lec hk'aˊnaee hpumˊ ce cawoˊ ri naˊ.

Tiˊtasˊ 2:13

Hk'aˊnaee cu cat aenˊ na, koˊ eˊ vang keutuiˊ hpumˊ munˊ htonnuk naˊ. Vang keutuiˊ hpumˊ munˊ htonnuk awnˊ a meuh munhpungˊ Eun Yesuˊ Hkrit Cawoˊ meuh Peucawoˊ Cawoˊ htut keuting eˊ naˊ kaw a pucti lih naˊ.

Tiˊtasˊ 3:4

Daecti yam hk'aˊ tukyak maeeˊ hk'aˊ leumeusˊkeus Eun Peucawoˊ Cawoˊ teumˊkawm htut eˊ lawtpon naˊ puc a ri lih naˊ,

Tiˊtasˊ 3:6

Eun buit Citˊ seungaˊ chakˊ naˊ ri eˊ htonnuk ri Yesuˊ Hkrit Cawoˊ teumˊkawm htut eˊ lawtpon naˊ Eun.

1 Petruˊ 1:21

Kopti meuh a Hkrit Eun naˊ peˊ yumˊ Peucawoˊ Cawoˊ yeuh Hkrit Eun tang kuhˊ imˊ tuilˊ munhpungˊ ri Heun naˊ Eun. Kop awnˊ na, hk'aˊ yumˊ maeeˊ hk'aˊ keutuiˊ hpumˊ peˊ naˊ a kueˊ hk'aˊnaee Peucawoˊ Eun.

1 Petruˊ 1:3

Sukˊseunˊ Peucawoˊ Kuiingˊ Eun Cawoˊ Yesuˊ Hkrit eˊ naˊ Eun. Kopti meuh a hk'aˊ tukyak keuting Eun naˊ, Eun yeuh eˊ tang keutˊ hk'uˊ, kah eˊ lec hk'aˊnaee vang keutuiˊ hpumˊ cotˊcu naˊ ri hk'aˊ tang kuhˊ imˊ Eun Yesuˊ Hkrit naˊ.

2 Petruˊ 1:1

Htawm ti okˊ aenˊ na koˊ, meuh uiˊ Siˊmon Petruˊ meuh mhaiˊ meuh peue caee Eun Yesuˊ Hkrit, uiˊ temˊ ri tuilˊ a ri peue pun ri rap ri ti hk'aˊ yumˊ ngos heunˊ naˊ ce seunˊ uiˊ ri pun uiˊ ri rap ri ti a hk'aˊnaee hk'aˊ leupaws seumeuˊ Eun Yesuˊ Hkrit meuh Peucawoˊ Cawoˊ htut eˊ naˊ Eun.

1 Yoˊhan 4:14

Pun eˊ ri nyu pun eˊ ri hkamˊ saˊhkiˊ ka Aˊkuiingˊ cusˊ Eun Konˊ aiˊ ri naˊ Eun meuh Cawoˊ htut ka bhenˊ keuteˊ naˊ.

Yuˊda 1:25

Sukˊseunˊ Peucawoˊ meuh yawo Peucawoˊ ti peue cang teumˊkawm htut eˊ lawtpon naˊ Eun. Kah munhpungˊ keuting lhungˊ, tiˊca maeeˊ anˊnya naˊ kueˊ ri Heun hk'aˊnaee Yesuˊ Hkrit Peucawoˊ eˊ naˊ Eun ku cu tangˊ neum leumahˊ rot maetˊmaenˊ heulˊ hk'aˊ nanggalˊ cotˊcu ri reuˊ. Amin.