1 Petruˊ 5:5 - Plang (Blang)

⁵ Seunˊ awnˊ na, nang kawnˊ nhumˊ naˊ peˊ, leuceng leukahˊ ce nang kawt naˊ reuˊ. Peˊ ri gawmˊeucˊ, tangˊ hpumˊ ri onawnˊ ri puri reuˊ. Kopti, “Peucawoˊ hamˊtap Eun peue mhawngˊ ri hk'oˊcuin naˊ ce, daecti Eun kaw nap munˊ ri peue hpumˊ onawnˊ naˊ ce.”

1 Petruˊ 5:5 ပူးပေါင်းရင်းမြစ်များ

Luˊka 22:26

Daecti peˊ htukˊ ri unˊ meuh yeuh keutitˊ. Lheuˊ awnˊ na, kuˊ keuting hk'aiˊ peue hk'aˊnaee peˊ naˊ eun koˊ, eun htukˊ ri yeuh ri seunˊ nang aetˊ hk'aiˊ peue. Saecˊ meuh cawoˊ uˊpeung peue naˊ eun, yeuh ri seunˊ mhaiˊ reuˊ.

Roˊma 12:10

Leumeusˊ puri seunˊ ecˊawngˊ reuˊ. Tuilˊ puri isˊ munhpungˊ hk'aˊnaee sawnˊ peue chakˊ lheuˊ mi ri naˊ reuˊ.

Roˊma 13:14

Daecti, yongˊ tuˊ peˊ naˊ ri Cawoˊ Yesuˊ Hkrit Eun reuˊ. Punta kaw peˊ yeuh ri htonnuk ri hk'aˊ taˊnhaˊ ka hk'aˊ nhamˊ keune naˊ yeuh saˊnhawˊ naˊ, pawlaee kuit a.

Eˊfeˊsuˊ 5:21

Yeuh ri leuceng leukahˊ puri hk'aˊnaee hkopyawmˊ yumyamˊ Hkrit Eun naˊ reuˊ.

Hpiˊliˊpiˊ 2:3

Pawlaee yeuh ri sumˊ lhungˊ sumˊ keuting, pawlaee kuit yawo pun tuˊ ri naˊ palkoe, daecti yeuh a hk'aˊnaee hpumˊ onawnˊ ri, sawnˊ peue ri chakˊ hk'aiˊ tuˊ peˊ naˊ reuˊ.

Kawˊlawˊsaeˊ 3:12

Kop awnˊ na kopti meuh peˊ peue Peucawoˊ leuk Eun ri uinˊ, meuh peue seungaˊ chakˊ maeeˊ meuh peue Peucawoˊ leumeusˊ Eun naˊ, cuipˊ hk'eung hk'aˊ cang tukyak, hk'aˊ teumˊkawm peue, hk'aˊ hpumˊ onawnˊ, hk'aˊ hpumˊ nyomˊ jom maeeˊ hk'aˊ cang yeunˊhkam naˊ reuˊ.

1 Tiˊmoˊse 5:1

Pawlaee tup isˊ aˊtaˊ kawt naˊ ce nyawkˊ, daecti hk'oˊhk'ang a ri ce seunˊ meuh ce kuiingˊ mi koˊ. Me kawnˊ aetˊ hk'aiˊ mi naˊ ce yeuh a ri ce seunˊ meuh ce awngˊ me mi koˊ.

Hebraeˊ 13:17

Leuceng ri ti leukahˊ ce roˊ peˊ naˊ, yawmˊ ri utˊ hk'aˊruim vang uˊpeung ce naˊ reuˊ. Nomˊnawk ce peˊ seunˊ meuh ce peue ris kanˊ kuˊ yeuh peˊ naˊ ri Peucawoˊ Eun naˊ. Punta kaw ce cang renˊkawn yeuh kanˊ, ce naˊ unˊ cang yeuh a maeeˊ kuit nyhapˊ kuit yak ri naˊ, leuceng ri ti leukahˊ ce naˊ reuˊ. A lawn unˊ yeuh keutitˊ koˊ, kaw a unˊ kueˊ munˊ pun peˊ saecˊ peunaeˊ.

Yakopˊ 4:6

Daecti Eun jaen tuilˊ munˊ naˊ ri eˊ lheuˊ awnˊ na. Kop awnˊ na, nang htawm Seungaˊ naˊ a lahˊ, “Peucawoˊ hamˊtap Eun peue hpumˊ lhungˊ hpumˊ keuting naˊ ce, daecti Eun tuilˊ munˊ ri peue hpumˊ onawnˊ naˊ ce.”

1 Petruˊ 3:8

Leukahˊ tisutˊ ka naˊ, tangˊ hpumˊ peˊ meuh ti meulˊ gawmˊeucˊ ri, keueˊ nyu ri puri, yeuh ri kueˊ hpumˊ onawnˊ maeeˊ hpumˊ nyomˊ jom naˊ reuˊ.

1 Petruˊ 4:1

Kopti Hkrit pun Eun ri hkamˊ kuˊ tukhka ri tuˊ ri naˊ hawcˊ naˊ, saecˊ meuh peˊ ri, kah peˊ kueˊ kamkuit seunˊ awnˊ na yeut reuˊ. Kopti peue pun ri hkamˊ kuˊ tukhka ri tuˊ ri naˊ, kaw ce unˊ laee yeuh mapˊ naˊ baee.

1 Petruˊ 4:5

Daecti ce kaw kah ri topˊ leukahˊ mhaingˊ Eun Cawoˊ tawsˊ aˊmu kuˊ rangraen ri kaw tawsˊ aˊmu ri peue imˊ peue yeum naˊ ce hawcˊ.